الف حمد الله علي سلامتك وصحتك يا باشمهندس وان شاء الله تطمن علي نفسك وتبقي تمام
الف حمد الله علي سلامتك وصحتك يا باشمهندس وان شاء الله تطمن علي نفسك وتبقي تمام
حمد لله على السلامة ....
و طبعاً الحزام مهم جداً ...
متشكر قوي على تفاعلكم و ذوقكم معايا و وقوفكم بكلماتكم الجميلة اللي خففت عني كتير الحسرة على عربيتي الأولى
أصلها بصراحة كانت هدية طلوعي أول دفعتي الترم اللي فات فعلشان كده هي عزيزة عليا... بس الحمد لله إني ماتسببتش في أذى حد أو أزهقت روح..
أنا لسة راجع من برة وكنت جايبلها غطا يسترها علشان منظرها كان مؤلم شوية بالنسبة لي... و قبل كده كنت عند دكتور العظام و قاللي إنها آثار Whiplash عادية و علاجها بسيط جداً و قاللي إني لو ماكنتش لابس الحزام كان جرالي كسر في الظهر أو أي حاجة تانية -لا قدر الله-...
فبأمنكم يا جماعة ماتستهونوش بحزام الأمان....
في رعاية الله
الحمد لله ان الدكتور طمنك
وبسيطة الحمد لله واهم حاجة انك سليم
ولا تتضايق تعالي خد عربيتي والله مش عزومة بس بجد لو احتاجت تروح مشوار ومحتاج عربية انت بس قولي
الناس لبعضيها وحصل خير
الحمد لله علي سلامتكم جميعا
واي خسارة في العربية تتعوض
والله المستعان
متشكر قوي لشعوركم اللطيف ده.. و إن شاء الله هاشدها و أجيلكم بيها المقابلة الجاية بإذن الله
بجد مش قادر أوصف فرحتي لأني لقيت كل الردود اللطيفة دي... بجد المفروض أكون مغموم لكن بمجرد ما أعرف إن في ناس طيبة كدة ببقى مبسوط و فرحان........ بحب نايل موتورز
في رعاية الله
الف حمدالله على سلامتك و فداك العربية كلها ، و فعلا يا جماعة الحزام مهم جدااااااااااااااا جدا جدا جدا ، انا كمان حصلي حادثة من 4 شهور دخلت في عمود على كورنيش المعادي و لولا الحزام كان زماني طرت من الأزاز و لبست انا شخصيا في العمود، اي نعم رجلي اتكسرت بس الحمد لله على اد كدة
وصيتي ليكم من اول ما تركب العربية اربطو الحزااااااااااااااااااااا ااام
حمد الله علي السلامة
واهم حاجة انك بخير وربنا يعينك وترجع العربية زي الأول
الف سلامه عليك يا باشا وشكرا عل النصيحه الغاليه الل كتير مننا مش حاسس بيها وان شاء الله عربيتك ترجع زي الاول واحسن
الف حمد الله على سلامتك يا جزار
وفداك العربية والف عربية المهم انك بخير والحمد لله
وان شاء الله العربية ترجع عروسة زي الاول واحسن كمان
الحمد لله ان انت سليم
و العربيات بتروح و تيجى .. وان شاء الله كله يبقى تمام
حمد الله على السلامه واهم حاجه انك بخير
الحمد لله الذى لا يحمد على مكروه سواه
الحمد لله على سلامتك وعايزك تصلى ركعتين شكر لله وتقول
اللهم أجرنى فى مصيبتى وأخلف لى خيراً منها
الف حمد لله على السلامةوالحزام مهم لو انت واقف ومبطل العربية لان ممكن واحد يجى يخبطك لاقدر الله من ورا ساعتها الحزام هو اللى حيمسكك من النطرة لقدام (محدش يسنهون الله يخليكم ده مسالة تعود قبل متدور العربية لازم تربطه)
الف سلامة عليك يا هندسة وربنا يطمنا عليك... واللى يجى فى الحديد يغور... مش كدة برضه ولا ايه..؟؟
ربنا يخليكم ليا .... و متشكر قوي على الردود الحلوة دي كلها...
ربنا يكفيكم شر الحوادث....
في رعاية الله...
عندك حق فعلا
شوف انا طول عمرى بالبس الحزام و انا راكبه جنب جوزى .. و يوم الخميس اللى فات ده قولت افكها بقى و اقعد براجتى
سبحان الله و الحمد لله جوزى عمل حادثه بعد ما ركبت ب 15 دقيقه
و كانت حادثه جامده الحمد لله ان ابنى ماكنش فيها .. المهم انى طلعوا راسى من البربريز ... و الحمد لله ان الجبهه بس هى اللى فيها مشاكل شويه و محتاجه تجميل ... و جوزى الحمد لله ما حصلوش حاجه ربنا يحفظه يا رب دايما لانه كان لابس الحزام
اللى انا استفدته من الحادثه دى ان مافيش حاجه اسمها ركوب عربيه من غير حزام و مافيش حاجه اسمها اطفال يقعدوا على رجل حد من اللى راكب قدام
و ربنا يستر طريقنا كلنا ....
ألف سلامة على حضرتك و ربنا يستر طريقك و ماتتكررش تاني إن شاء الله
فعلاً ناس كتير بتقول كده... زر سواق تاكسي قاللي كده النهارده.. حكيتله اللي حصل راح من سكات رابط الحزام:ma::ma:
يلّا قدر الله و ما شاء فعل.... ومتشكر على شعوركم الطيب
في رعاية الله
الف سلامة عليك يا باشا وقدر الله ماشاء فعل والحمد لله انك بخير انت وصاحبك وان شاء الله العربية ترجع زى الاول تانى واحسن وفعلا الحزام مهم جدا انا الحمد لله مش بتحرك بالعربية غير لما اربط الحزام وبخلى اى حد يركب معايا يربطه بردوا
قدر الله وماشاء افعل
حمدلله على السلامة
حمد لله عالسلامة يا باشا
حمد لله على السلامة المهم البنى ادم فعلا مش مواساه
الف سلامة ليك
قدر الله وما شاء فعل
ربنا يعوضك ان شاء الله
الحمد لله انك بخير قدر الله و مشاء فعل
يارب يكون درس مفيد
ربنا يخليكم ليا يا جماعة ويخليلي ردودكم... شكراً جزيل الشكر على مروركم
في رعاية الله...و ربنا يكفيكم شر الحوادث
الف حمد الله على السلامه انت والى معاك
والحمد لله الحمد لله ان انت بخير وسلامه
انا حصلى موقف زى ده بس كنت انا واصحابى فى السلوم وبرضه ربنا وقفلنا اولاد الحلال مع ان احنا فى الصحراء بس الحمد لله ربك كريم
الف سلامة يا هندسة والحمد لله انها جاءت على قد كده وفعلا الحزام مهم جدا وشكرا على النصيحة
سلامتك يا باشا
متشكر يا جماعة على ذوقكم وتعاطفكم معايا.. الحمد لله أنا دلوقتي بأحسن حال..
والعربية العقيد خالد هيقوم معايا بالواجب فيها إن شاء الله......
في رعاية الله...........
الف حمد الله عالسلامه
فعلا الحادثه بتحصل فى اقل من الثانيه
ربنا يستر طريقنا
الحمد لله يا باشا انك طلعت منها سليم
و ان شاء الله هاترجع تانى زى ما كانت ان شاء الله
يا رب ترجع زي ما كانت.. ياااااااااااااااااااااااا ااااااااااااااااااااااااا ااااااااااااا رب!!
متشكر يا جماعة..
في رعاية الله....
1000 مليون سلامة
و فداك 100 عربية
و صدقت فعلا في النصيحة
حمدلله عالسلامة قدر الله وماشاء فعل
الله يسلمك.... متشكر على ذوقك...
في رعاية الله..
الف سلامة عليك ياباشا
ربنا يستر طريقك وطريقنا اجمعين
انا الحمدلله بربط الحزام دايما للامان وربنا اللى بيستر ان شاء الله
ممكن بس تبقى تعمل موضوع وتحط فيه صور للعربية بعد الحادث وبعد التصليح
عشان نشوف الفرق
وباذن الله ميبقاش فيه فرق ابدا وترجع احسن من الاول
ألف حمدالله على سلامتك يابطل ونشكر الله عز وجل على سلامتك انت وصديقك
ونشكر الحزام كمان علشان عمل معاك واجب..