الموضوع: شويه مشاكل فى الاكسيل حد يساعيدنى

غيرت البوجيهات ولا لا ؟
واية اخبار البطارية ؟ شوف المية بتاعتها واتاكد من الشحن بتاعها

مش بتعدي 120 هو الموتور خفيف ؟

المشاركة الأصلية كتبت بواسطة al_manara

غيرت البوجيهات ولا لا ؟
واية اخبار البطارية ؟ شوف المية بتاعتها واتاكد من الشحن بتاعها

مش بتعدي 120 هو الموتور خفيف ؟

البوجهات بغيرها على طول بس ميه البطريه انا عمرى مغيرتها مش عارف والدى بيغيرها ولا لأ و نفس الكلام على البطاريه .... مش عارف قصدك ايه ان الموتور خفيف بس فى ناس قالولى انها عايزه تتفتح و انا مش عارف ازاااى ؟

المشاركة الأصلية كتبت بواسطة rocketrock

البوجهات بغيرها على طول بس ميه البطريه انا عمرى مغيرتها مش عارف والدى بيغيرها ولا لأ و نفس الكلام على البطاريه .... مش عارف قصدك ايه ان الموتور خفيف بس فى ناس قالولى انها عايزه تتفتح و انا مش عارف ازاااى ؟

شكلك كده بتواجه مجموعة مشاكل ممكن يكون سير الكاتينة و البطارية أو المارش او كربراتير عايز يتظبط او بيشرق
من الواضح انك تحتاج لوقفة جادة مع حالة عربيتك وميكانيكي محترم

يا ريت لو تعرف ميكانيكى محترم تقولى عليه يكون بيفهم فى هيونداى عشان انا تعبت من العربيه بصراحه و شكرا على ردك يا باشا

انا كان عندى نفس المشكله تقريبا بس عملت صيانه للعربيه كلها وبقت تمام بالنسبه لفتح الماكينه اطلع بيها على الطريق وحاول تسرع وانت داخل البلد ما حاول تدى لكل نقله اكتر منها يعنى التانى توصله ل60 وهى هتفتح ان شاء الله

انا كان معايا اكسيل موديل 94 كورى مستوردة ، لكن للأسف بعتها من 3 سنين رغم انها كانت شغالة معايا عشرة على عشرة ..... لكن للأسف النصيب ...

عربيتك شكلها محتاجة شوية اهتمام بسيط منك وتبقى ممتازة ونصيحتى ليك حافظ عليها لأنها عربية فعلاً أصيلة وممتازة ...
ممكن تعمل الحاجات دى :
1- اكشف على البطارية وشحنها ومستوى الميه ( لو كانت عادية مش جافة ) .
2- غير البوجيهات واكشف على ضبط التاكيهات ( بصراحة مش فاكر فيها تاكيهات ولا لأ ) .
3- اطلع على طريق سريع واقرص على العربية فى كل نقلة يعنى هات أخر كل نقلة زى ما الأخوة قالوا الأول .
4- ممكن تعمل صيانة دورية للمارش والدينامو ( تغيير الشاربون ) .
5- الكشف على السيور ( سير الدينامو والتكييف ) .
6- تغيير سير الكاتينة ( لو مكنتش غيرته قبل كده ) .
7- تغيير زيت الموتور والفلتر .
انا عارف ان الحاجات دى كتير وممكن تكلفك .... بس أكيد حاتحس بفرق بعد كده ..
وبالتوفيق ان شاء الله .....

شكرا جدا جدا يا جماعه و شكرا لكل الناس اللى ردت عليا و للمهندس كريم انا خدت النمره خلاص بس اخر استفسار انا عارف انى تعبتكم معايا انا لما بقرص على العربيه بشم ريحه شياط مش عارف ديه من ايه و ان شاء الله هعمل الحاجات اللى قولتو عليها ديه بس واحده واحده عشان والدى لسا جايب اللنترا فكتر خير الراجل و كمان عشان مطردش من البيتd: وكتر خير عمو غبور أجل الاستلام اسبوع كامل