رحلتي الأولى إلى وكالة البلح
السلام عليكم ورحمة الله وبركاته
اضطريت الأسبوع اللي فات اني أروح وكالة البلح اشتري شوية حاجات للعربية وحبيت أشاركم رحلتي الصغيرة
بدأ الموضوع لما طلب مني السمكري اني اشتري كبوت وشنطة وشاسيه فانوس للعربية (هي عربية مازدا 323 بالمناسبة)
سألت كل محلات قطع الغيار المعروفة زي السرساوي وعلي زيدان بس للأسف مفيش
نزلت التوفيقية اسأل بردو قالولي مفيش وعليك وعلى الوكالة
شديت الرحال للوكالة وانا خايف ليتنصب عليا، أول مدخلت شوارع الوكالة قولت أسأل حد على محلات قطع الغيار الياباني
رحت لواحد قاعد على كرسي مش قدام محل و سألته قالي انت بتدور على ايه فقلتله طلبي، قالي طيب تعالى معايا
لففني على كل محلات قطع الغيار اللي ممكن ألاقي فيها اللي انا عايزه، والحمد لله جات مصلحة لأن اللي انا عايزه فيما يبدو انه صعب العثور عليه واكيد لو كنت لفيت لوحدي مكنتش هجيب كل حاجة او كنت هجيبها أغلى
وأفضل مافي عم حسن انه مش بيتكلم في فلوس ولا بيفاصل في تمن اللي بتشتريه يعني بيبعد نفسه عن الشبهات (ممكن يغمزك بس يقولك يلا بينا من هنا)
وطبعا في الآخر اديته اللي فيه النصيب
وطبعا قبل مامشي اداني رقم تليفونه وقالي لو احتجت أي حاجة من الوكالة اتصل بيا
هو اسمه عم "حسن أبو عمرة" (معرفش عمرة دي اسمه ولا شغلته :ma:)
المهم لو فيه حد محتاج عم حسن أدي نمرته 0185175711
وفي رأيي ممكن تستعين بعم حسن لو انت لفيت الوكالة ومش لاقي اللي انت عايزه أو انك اول مرة ومش عارف تروح فين زي حالاتي