هل من الممكن تغيير قراءة العداد الديجتال في السيارت الحديثه يعني مثلا لو عربيه عامله50000 كم تبقي 5000 وايه حكاية ان ممكن يخلع حاجه اسمها الجزره والواحد يمشي بالعربيه من غيرماالعداد يعد
عرض للطباعة
هل من الممكن تغيير قراءة العداد الديجتال في السيارت الحديثه يعني مثلا لو عربيه عامله50000 كم تبقي 5000 وايه حكاية ان ممكن يخلع حاجه اسمها الجزره والواحد يمشي بالعربيه من غيرماالعداد يعد
يس سير ممكن
ثانك يو سير
اني تايم سير .. بس اشمعني السؤال سير ؟
تغير رقم العداد ممكن مش مستحيل بس صعععععععععععععب
بس حرام انك تحاول تعمل كده علشان تخدع واحد تاني بيشتري العربيه.
و تذكر انه كما تدين تدان
انا ساْلت لاني وجدت واحد عارض سياره لانسر 2007 للبيع عامله 2400 كيلومتر ولاحظت حالنها السيئه والكاوتش المسح وطالب فيها90000
لو مش خليجى ممكن تعرف ان العداد دة صح ولا لأ من التوكيل من مواعيد الصيانة
اللعب في العداد الديجيتال اسهل من العداد القديم.....في اجهزة موجودة في اماكن كتير بتعمل الحكاية دي في ثواني ....وممكن يصفرة او يكتب اي رقم هو عايزة.....
بس لو الحكاية دي بتتعمل علشان يتنصب بيها علي واحد في حالة عربية....تبقي عملية البيع حرام وباطلة لانها مبنية علي الغش والخداع....والبايع فلوسة هاتبقي حرام...وهاينكوي بيها في نار جهنم ان شاء الله ...
تغييرالعداد بيتعمل علشان لو واحد لا قدر الله عمل حادثة ولا حصل وانة عايز يغير التابلوة ...فيقدر يرجع العداد الجديد علي القيمة ايلي عربيتة كانت عليها قبل ما يغير...التابلوة...
هيرو انا شوفتها في الحرفيين بس يعبها حاجتين
ان القراءة بتيجي عشوائي مش بمزاجه
يعيني مش بيكت الرقم اللي هو عايز ده بيختار اقرب رقم للي هو عايزة
تاني حاجة ان مجرد ما الفيش اتشالت خرجت العربية من الضمان والتوكيل لو فحصها بتتعرف
تالت حاجة في عربيات كتير بتفضل لمبة الفحص منورة ما تطفيش وده شوفتوه في رينو
كريم باشا ...انا قصدي علي الاجهزة ايلي بتكتب الـ EEPROM ودي ممكن تكتب فيها اي شيء.....لو الاجهزة ما عليهاش السوفت وير بتاع الـ chip ممكن تطلع ارقام عشوائية....وبعدين زي مانت عارف ان اغلب الصنايعية في مصر فهلوية...يعني بيشتغل وهو ممكن يكون مش عارف هو بيعمل اية ...يعني واحد حفظة ترتيب معين يمشي علية وخلاص...
بس هي عموما عملية مالهاش لازمة الا لو بيغير تابلوة ...او عدادات ....وربنا ما يحوج حد للحكاية دي....
الحكاية سهلة قوى واتعرضت عليا فى العربية القديمة وأنا بصلح عداد البنزين وكانت على سبيل المجاملة من صاحب محل الغدادات
بيتغير الى الرقم اللى انت عايزة بـ 150 جنية بس حرام يا جماعة
انا شايف انها ممكن تفيد
لو لا قدر الله خلاص العربيه طلعت من الضمان و حصلت حاجه فيها جامده
:)
بس كدة هيبقى بردة غش وحرام شرعا
في كمبيوتر في معظم العربيات الجديدة واعتقد انة بيبين كل حاجة او اي لعب وشكرا