عربيتى دايو اسبيرو 1994 مانيوال

يوم الجمعة كنت ناسى لمبة الصالون قبلها بيوم فضت البطارية خالص

جيت أدور طبعا مفيش

جبت عربية نقل سحبتنى علشان أدور بدل الزق برده منطقتش

الحل جبنا بطارية العربية الدبابة و دورنا بيها العربية و شلنا الكابلات و العربية دايرة و ركبنا البطارية بتاعتى تانى ز فى الوقت دة حصل تشريز جامد من الكهرباء الموجب

و بعدين مشيت بالعربية لاحظت تنتيش جامد و مشيت حوال 70 كيلو لم تشحن البطارية
و لمبة البطارية فى التابلوه مطفية

دورنا تانى بوصلة و بعدين رحت للكهربائى قال الدينامو كويس و البطارية إبتدت تشحن
و كانت اللمبة محروقة غيرها

بس من يومها و العربية كل ما تدور تدى مدافع من فلتر الهواء
رحت للميكانيكى قدم الاسبراتير شوية و إستمرت المشكلة مع الدوارة قنابل

النهاردة جيت أدور البطارية فيها شحن معقول بس لم تدور دورت بوصلة دارت بس صوت فظيع

مشيت بيها حاسس إن ماشى بسلحفاه السحب ضعيف جدا و لما أدوس بنزين جامد مدافع تضرب و تنطلق العربية

رحت النهاردة للميكانيكى طلع الاسبراتير و نضفه و نضف غطاه
و قال طقم بوجيهات جبنا و استمرت المشكلة

أنا إقترحت عليه يشيك على سير الكاتينة يمكن يكون فوت واحدة لقيناه سليم

عملنا restart للعربية و ما زالت المشكلة

السحب بيكون ضعيف جدا مع الضغط على الدواسة العربية بتفرقع و تسحب تانى

الميكانيكى قال لى إن فيه رشاش بيأخر فى الرمى و مع الضغط بيشتغل

آسف للإطالة

و أرجو أن يكون فيه حل