الزيت عندى بينقص

**Abouhaidy** · 15-06-2010 09:53 PM

عندى مشكلة مع غيار الزيت
بغير زيت موبيل 1 بالتوكيل المفروض انه كل عشرة الاف
لكن مع اول غيار زيت كان ناقص فى جدود 1 كيلو
السيارة زيرو وليس بها اى ترشيح
هل الزيوت التخليقيه بها نسبة تبخير لهذا الحد ام ان الامر خطير
استعمالى للعربية فى حدود 200 كيلو يوميا لانها تاكسى
هذا حدث فى صيانة الالف الاولى وصيانة العشرة الاف
اسف على الاطالة وشكرا للمساعدة

**mesho_kimi** · 15-06-2010 10:14 PM

الموبيل 1 مشهور بالنقصان للآسف وعلى فكره فى شركات فى الكتالوج بتاعها بتكتب انى فى نسبة نقصان طبيعيه وده بيظهر بالذات للناس اللى بتحرق على الخيارات جرب حط فيسكو أو كاسترول او شيل وشوف ايه الكلام

**samirayad** · 15-06-2010 11:02 PM

أنا أستعملت موبيل 1 لمدة سنه ونصف

ومنقصش نقطه واحده

للأمانه موبيل 1 زيت تخليقى ممتاز

**Abouhaidy** · 18-06-2010 09:57 PM

بالنسبه للزيت فيسكو بقولولى فى محطة الغاز وانا بفول
انه زيت قوى ومخصص للمواتير التى تعمل بالغاز
هل عندك اى تعليق وشكرا

**kaza** · 18-06-2010 10:10 PM

اي عربية لازم ليها نسبة استهلاك للزيت وبتختلف طبقا لحالة وكفاءة المحرك وتصميمة ..لكن الكلام دة بيبان اكتر مع العربيات اللي ساعات التشغيل للمحركات بتاعتها بتبقي طويلة كفاية بما يسمح بارتفاع حرارة الزيت وبداية حدوث البخر لة (طبعا ظروف استخدام التاكسي ودورانة علي السرعة الخاملة وهو متوقف في الاشارات داخل المدينة كفيلة بغليان الزيت وبخرة) لذا نجد في محركات الخدمة الشاقة وذات الطاقة العالية مبرد مستقل لدورة التزيت ليحافظ علي وجود الزيت في حرارة معقولة (90-110) تمكنة من اداء مهامة في تبريد الاجزاء الداخلية للمحرك وتقليل الاحتكاك والنحر بين الاجزاء المتحركة
مما سبق يبقي مشكلة نقصان الزيت عندك لو في حدود اكجم كل 10000 كم يبقي داخل المعدل وماتخافش علي العربية دة عادي في داخل القاهرة وتحت ظروف التشغيل السابق الاشارة لها اما لو كان اكتر من كدة فيبقي لازم اجراء الكشف اللازم علي المحرك والتاكد من احكامة

**samirayad** · 18-06-2010 10:52 PM

بالنسبه للزيت فيسكو بقولولى فى محطة الغاز وانا بفول
انه زيت قوى ومخصص للمواتير التى تعمل بالغاز
هل عندك اى تعليق وشكرا

ياباشا حريق الغاز شىء وحريق البنزين شىء آخر

الغاز بالطبع ومن خلال تجارب الآخرين بيعجل بعمر المكنه

ولهذا السبب

يفضل أنك تجرب الفيسكو

لأن كلامى معاك عن الموبيل 1وسيارتى تعمل بوقود البنزين

أما أنت فسيارتك تعمل بالغاز وتاكسى

فمفيش شك هناك فرق فى الأجهاد اللى بيحصل على شنابر المكنه

وقابلية المكنه لألتهام الزيت وبالذات فى المرحله الأولى من تدوير المكنه

بعد فترة توقف وجراج كبيره

أى والمحرك بارد

**elewey** · 20-06-2010 02:02 AM

استاذى انا راى ما دام شغاله تاكسى و بتمشى كتير يبقى ليه احط موبيل 1 و استنى 10 الاف كيلو ما تحط زيت شل مثلا او حتى موبيل و تنزله بعد 3 الاف او 5 على الاقل تطمن على نقص الزيت و تلحق نفسك لو فعلا بينقص