الموضوع: للبيع بمليون جنيه

إنت فكرتنى بفيلم من التسعينات إسمه (Indecent Proposal) كان بتاع ديمى موور

بس هل لو الواحد معاه مليار جنيه - بلاش مليون - يبقى خلاص كده , مش عايز حاجه من الدنيا
يبقى خلاص كده ملك الدنيا وما فيها !!!!!!!

المشاركة الأصلية كتبت بواسطة حاتم سليم

هو ممكن يبيع ذاته و كرامته بمليون جنيه

و المليون حيعملوا كام مليون

و وقتها سيصبح له ذات جديدة

و كرامات ...

وقتها ممكن يصبح له ذات جديدة - أفضل - أمام الناس
لكن أمام نفسه حيبقى شايف انه ولا حاجه

المشاركة الأصلية كتبت بواسطة tammmer

للاسف انت حاطط مبلغ كبير قوى
ناس كتير فى مصر مستعدة تبيع نفسها مش كرامتها
بمبلغ اقل من دة بكتير بداية من 10 جنية الى 100 جنية الى 1000 جنية الى100000 جنية
حسب انت بتببع اية للاسف المصريين ماشيين وكل واحد حاطط ايدة فى جيب اللى قدامة
واحد صحبى سافر الخليج بيقولى انتوا فى مصر شوية صراصير بيتخنقوا فى بلاعة

المشاركة الأصلية كتبت بواسطة amatoallah

فيه ناس بتبيع كليتهم ب 10 الالف و 15 الف جنيه

تقولي يعني انهم مش هيبيعوا كرامتهم

المشاركة الأصلية كتبت بواسطة mohamedrabia

هو اساسا احنا في مصر بقا لينا كرامة او اي شي بداية من رغيف العيش والمياة الملوسة والاكل المسرطن وكمان الاهانات من كل الشعوب والضرب الجزم من العرب والبهدله في كل المجالات ونضحك في الاخر علي بعض ونقول احنا احسن ناس في العالم مصر ام الدنيا مصر احسن بلد في الشرق الاوسط مين قال كده بس علي فكرة انا مصري وبحب البلد لاكن مش بحب الي بيحصل فيها الموضوع مش موضوع كرامة ولا فلوس الموضوع هو غياب الكرامة والفلوس كله بقي مش عارف هو بيعمل ايه بيشتغل ليه بيتعلم ليه

طبعا أغلب الناس اللى تعرف ربنا ومؤمنة بأن الرزق بيدى الله عز وجل يختار الكرامة وصيانة النفس والذات والدين أمرنا بذلك

لكن الناس اللى بعيدة عن ربنا وليس عندها أيمان أو يقين بالله مع سوء التربية والآخلاق من الآباء وعدم الآلتزام بالدين بالآضافة لسوء المعيشة فى جميع المستويات الآجتماعية والآقتصادية .....الخ وعدم وجود وظائف أو عمل للشباب بأجور مناسبة لغلاء المعيشة وحفظ الكرامة يضعف أمام النقود ويتنازل عن أى شىء فى مقابل الحصول عليها
وفعلا ذى ما الآخوة الآعضاء قالة ممكن بأقل من المبلغ دة بكتيير فى مقابل لقمة الخبز وجميع أحتياجاتة ممكن يبيع كرامتة وذاتة . بس دة طبعا مش صح وبردة بينتج عن سوء الآخلاق والتربية والبعد عن أوامر وتعاليم ديننا فى الآساس .

اللهم أسترنا فوق الآرض وتحت الآرض ويوم العرض عليك وأحفظنا من بين أيدينا ومن خلفنا وعن يميننا وعن شمالنا ومن فوقنا ومن تحتنا وأصلح ذات بيننا .اللهم لا تجعل الدنيا أكبر همنا ولا مبلغ علمنا ولا الى النار مصيرنا .اللهم أتوب أليك وأستغفرك . أستغفر الله العظيم وأتوب ألية

يعني إيه أبيع ذاتي
ممكن ذاتي دى تبقى مثلا شغلانه مش عجباني في الحالة دي أبيع
ممكن تكون إهانة لفترة محدودة لغرض غير مجرد الإهانة (مثلا تعيش في بلد بلطجية) ودي أفكر
و ممكن وممكن وممكن

عرف ذاتي بعدين نتكلم في الاختيارات