الموضوع: لو رجع الزمن بيك 10 أو 15 سنة ... كنت حتعمل أيه ؟؟

ما كنتش حأعمل حاجات كثير

منها مثلا

ما كنتش دخلت الكلية اللي اتخرجت منها


كنت رفضت التعامل مع شخصيات كثيرة مرت عليا في حياتي وكان لها تأثير سئ عليها وعلى نظرتي لحاجات كثير


وكنت اتعلمت السواقة بدري وماقولتش اني مش من الشخصيات اللي لا تصلح للسواقة لانها محتاجة جرأة


كنت ما فوتش اي رحلة تتعرض عليا

كنت حاجات كثير مش فاكرها

الحمد لله اكيد ربنا بيختار لنا الافضل لكن عقولنا لا تدرك ذلك وانفسنا لا ترضى بالمكتوب

كنت هصمم على رايى اودام والدى واعيد ثانويه عامه علشان ادرس واشتغل المهنه اللى بحبها انما ملحوؤه ان شاء الله ومش ناوى اكرر نفس الغلط مع بناتى وهسيبلهم الحريه فى دراسة اللى يحبوه

المشاركة الأصلية كتبت بواسطة osoliman88

. كنت حسأل كويس جدا عن أهل مراتي (الأب ، الأم ، الأخوات ، الأصدقاء)، وكنت حأخذ برأي أحد الأعضاء – للأسف مش فاكر أسمه – الجاهز في الجواز أفضل الف مرة.
3. كنت أشترط على مراتي عدم العمل ، ولها كامل الحرية في القبول أو الرفض.

5. كنت حأخد أجازة من العمل في الجامعة وأسافر للعمل في الخليج لمدة 3 أو 4 سنوات ، وماكنش حيجرى حاجة ، بس حيكون أفضل في نواحي كتيرة.
7. كنت أبذل مجهود اكبر في فهم " من هي زوجتي بدلا من المجهود الضائع الذي بذلته في الاصرار على أن تفهمني هي".
8. كنت لازم أعرف أنه ليس هناك صداقة للأبد ، أو صديق العمر. فكل شئ في الدنيا بما في ذلك الصداقة معرض للإهتزاز

الواحد ابتدى يقلق من مواضيع الجواز دى مش عارف ليه بقيت اشوف ناس كتير بقت بتعيد حساباتها فى مواضيع الجواز بعد ماتجوزوا بكام سنة
يعنى انا ليا واحد صاحبى قرفان من مراته بعد 3 سنين جواز بس
وبعدين كلام حضرتك
بس فى نقطة عاوزك توضحهالى ( بدون الخوض فى التفاصيل لان دى حياتك)
بس مش المفروض ان الواحد لما بيتقدم لواحدة وقرر انه يتجوزها
مش المفروض انه اعجب بيها مثلا وبطريقة كلامها وتصرفاتها

ايه اللى بيخلى الواحد بعد ميقضى معاها الفترة دى من الجواز يرجع يقول انا اتسرعت

النقطة الخامسة انت قولت الافضل انك تسافر برغم انك قولت انك مش عاوز زوجتك تشتغل لانك تقدر تكفيها
يعنى اللى فهمته ان مفيش مشاكل من الناحية المادية يبقى ايه لازمته السفر

معلش ان كانت اسئلتى رخمة ولا حاجة بس اصل الواحد لوقتى فى مفترق الطرق دى ومحتار يمشى فى انهى سكة (يعنى لسه حخوض التجربة)

النقطة التامنة دى انا اتعلمتها من بدرى اوى فعلا من سنتين تقريبا وبقيت مقتنع انه مفيش حاجة اسمها صديق العمر

انا عندى 28 سنه ناقص 15 يبقي عندى 13 سنه مش كنت حخش ثانويه عامه كنت حخش صنايع قسم سيارات
او كنت اذكر كويس في ثانوى واجيب مجموع

لو رجعت 10 سنين مثلا كنت هفكر اسافر بره مصر باي طريقة عشان اعرف اتعلم صح !