للافاده ...تجربتى فى معاينه سيارات استعمال تابعه لبنك ب 6 اكتوبر

بسم الله الرحمن الرحيم

الاخوه الافاضل

كنت قد قرات موضوع للاخ المحترم معتز moatazbunny

بعنوان مساعدة في شراء رينو ميجان مستعملة

http://www.nilemotors.net/Nile/156882-a.html

وبعد مكالمته للاستفسار عن الموضوع توجهت للبنك المشار اليه بالموضوع صباح اليوم 15/6 للمعاينه على الطبيعه
لبحث امكانية شراء سياره ( الاحتمال الاكبر ان تكون ميجان )

ووجدت الاتى

اولا ركن الاكسنت موديلات 2006 حالات مختلفه ولم يتم تسعير المجموعه المعروضه بالصور

http://up5.up-images.com/up/uploads/...790cb84297.jpg

ثانيا : ركن التويوتا موديلات 2006 حالات جيده والاسعار من 70 الف الى اعلى حسب حالة السياره والعداد

http://up5.up-images.com/up/uploads/...f679e90239.jpg

http://up5.up-images.com/up/uploads/...e2a295090c.jpg

ثالثا : الجراج اسفل وبه السيارت العاليه مثل الباسات و4*4 والميجان و 307 بيجو

http://up5.up-images.com/up/uploads/...fb5567f561.jpg

http://up5.up-images.com/up/uploads/...4661f9f0ed.jpg

http://up5.up-images.com/up/uploads/...b0cf2cbe78.jpg

http://up5.up-images.com/up/uploads/...61c1191be2.jpg

http://up5.up-images.com/up/uploads/...3c996f476b.jpg


وللاسف عند بداية البحث وجدت سيده شابه تملأ استماره على شنطة رينو ميجان سوداء فسالتها هل تقومين بشراء هذه السيارة ,قالت لا ان بسلمها للبنك لانى طبيبه صيدلانيه وهذه السيارات كانت مؤجره لشركتنا ونقوم بتسلمها للبنك,
فقلت ايه اخبار الميجان ؟ هل اشترى واحده ؟ قالت لا العربيات دى كلها مشاكل وتعبتنى جدا ...خليك فى التويوتات .. زمايلنا اللى استلموها لم يشتكو منها خالص ( الدنيا اسودت فى عينى ) ومبقتش عارف اعمل ايه..
لفيت 180 درجه وعدت ادراجى وكلى حيره وخيبة امل
عموما حاولت انقل لكم بعض الصور لمن يرغب فى المعايه والاستفاده
وشكرا

.

أولا مشكور علي المجهود الرائع وأخذ زمام المبادرة لافادة الجميع:satelite:
ثانيا واضح من الصور ان العربيات ماشاء الله بحاة جيدة ومش متهانه
وبعدين ليه ماتعيدش التفكير في التويوتا من وجهة نظري المتواضعة يمكن تكون افضل من الميجان في بعض النواحي زي وفرة قطع الغيار ورخص اسعارها نسبيا وقلة الاعطال وسهولة صيانتها

دية عربيات متاجرة للشركات احنا عندنا منها فى الشركة منصحش اى حد يجبها من برة هلا هلا ومن جوة ...... متفكرش فيها بدل متاخد عبية تعد تدعى عليهم كل يوم

اقتباس:

---

المشاركة الأصلية كتبت بواسطة tamertamer

دية عربيات متاجرة للشركات احنا عندنا منها فى الشركة منصحش اى حد يجبها من برة هلا هلا ومن جوة ...... متفكرش فيها بدل متاخد عبية تعد تدعى عليهم كل يوم

---

حسب اللك كان بيستعملها .. و جرب العربيه و اكشف عليها و شوف

مهما كان الأنسان بيعامل عربيته بطريقه مختلفه عن عربيات الأيجار او عربية الشركه
انا عن نفسى كده ومش عارف اتخلص من العاده دى

اقتباس:

---

المشاركة الأصلية كتبت بواسطة kareemz

حسب اللى كان بيستعملها .. و جرب العربيه و اكشف عليها و شوف

---

المعاينه فى نفس المكان واللى يلحق يدفع ويشيل

ومافيش تجربه ولا معينه فى بنزينه ولاغيره

أستاذ مجدي بجد ده شرف كبير ليَّ إنك اهتميت وعملت اللي معرفتش اعمله وإن شاء الله ها يرزقك العربية اللي إنت عايزها وهتكون أحسن من دول ... بس ليَّ سؤال واحد بس ... إنت جيت من طنطا عشان تشوف العربيات دي

اقتباس:

---

المشاركة الأصلية كتبت بواسطة moatazbunny

أستاذ مجدي بجد ده شرف كبير ليَّ إنك اهتميت وعملت اللي معرفتش اعمله وإن شاء الله ها يرزقك العربية اللي إنت عايزها وهتكون أحسن من دول ... بس ليَّ سؤال واحد بس ... إنت جيت من طنطا عشان تشوف العربيات دي

---

فعلا جيت من طنطا عشان اشوف العربيات دى
وفعلا فى حاجات لقطه ...بس عايزه يكون معاك الفلوس وواحد خبره فى السيارات وليس فى الشراء
لان العربيات متسعره ومافيهاش فصال

انا قابلت واحد كان شارى تويوتا ب 72 الف جميله جدا ..بس كان جاى عشان يحاول يبدل البطاريه ودى مع المشرف على العربيات لانها بتتزق عشان تدور
وحكاية جيت من طنطا دى حكايتها...ان الميجان دى جننتنى وبقيت اتلفت ورايا لما اشوفها ماشيه فى الشارع
ولقيت هناك اعداد كبيره بس للاسف اول فئه ولا يوجد فتحات سقف او بانوراما
وشكرا على دعاءك لى وربنا يرزققك انت كمان بعربيه كويسه تريحك

شكرا على أهتمامك بأفادة أعضاء المنتدى بتجربتك.
العربيات من الصور شكلها حلو قوى بس يا ترى ماذا عن الحالة !!

اقتباس:

---

المشاركة الأصلية كتبت بواسطة magomago

ان الميجان دى جننتنى وبقيت اتلفت ورايا لما اشوفها ماشيه فى الشارع

ولقيت هناك اعداد كبيره بس للاسف اول فئه ولا يوجد فتحات سقف او بانوراما
وشكرا على دعاءك لى وربنا يرزققك انت كمان بعربيه كويسه تريحك

---

أهو ده اللي بيحصلي لما بشوفها برضو :36_1_8[1]: بس على فكرة أنا شفت هناك واحدة فتحت سقف في الجراج بانوراما وفرش جلد بني وعتب استنلس وكانت كاملة حتى الأبواب كانت جلد
إنت إزاي مشفتهاش :120146b... وعلى حسب ماال دكتور hesham_soaida (ده عضو معانا) ماكلمني النهاردة وقالي إنه سأل عليها(بالتليفون) لقاها عاملة 75000 كيلومتر وب 69000 جنيه ... (:ask:والله كان نفسي أنام جواها من جمالها)

هل حضرتك تفتكر متوسط اسعار النيو اكسينت كان كام و كان فى منها اتوماتيك ؟

ياريت تفاصيل اكثر عن الموضوع ده ومكان البنك فين فى اكتوبر ؟

اقتباس:

---

المشاركة الأصلية كتبت بواسطة mada121977

ياريت تفاصيل اكثر عن الموضوع ده ومكان البنك فين فى اكتوبر ؟

---

++++++++++++++++
متابع باهتمام

اقتباس:

---

المشاركة الأصلية كتبت بواسطة elgabry1977

هل حضرتك تفتكر متوسط اسعار النيو اكسينت كان كام و كان فى منها اتوماتيك ؟

---

لا يوجد اتوماتيك فى المجموعه اللى كانت موجوده
والتسعير ماكانش ابتدى بس الناس قالو متوسط 45000 جنيه

اقتباس:

---

المشاركة الأصلية كتبت بواسطة mada121977

ياريت تفاصيل اكثر عن الموضوع ده ومكان البنك فين فى اكتوبر ؟

---

العربيات دى كانت متاجره لشركات ادويه وخلافه
ومعظمها موديلات 2006 والتعاقد انتهى وبيسلمو العربيات للبنك
والمكان فى منطقة البنوك...وانت متجه لها هاتلاقى بنك القاهره واخد الناصيه
خليه على ايدك الشمال وكمل ...بعد 200 متر تلاقى بنك hsbc
لف وراه تلاقى العربيات مرصوصه ... والتقيل تحت فى الجراج

اقتباس:

---

المشاركة الأصلية كتبت بواسطة magomago

العربيات دى كانت متاجره لشركات ادويه وخلافه
ومعظمها موديلات 2006 والتعاقد انتهى وبيسلمو العربيات للبنك
والمكان فى منطقة البنوك...وانت متجه لها هاتلاقى بنك القاهره واخد الناصيه
خليه على ايدك الشمال وكمل ...بعد 200 متر تلاقى بنك hsbc
لف وراه تلاقى العربيات مرصوصه ... والتقيل تحت فى الجراج

---

الف شكر لحضرتك على الرد .. بس هل بيكون فيه حد من البنك واقف مع الناس اللى بتعاين علشان التفاصيل ولا سايبنها كده بالبركه ؟

اقتباس:

---

المشاركة الأصلية كتبت بواسطة magomago

لا يوجد اتوماتيك فى المجموعه اللى كانت موجوده
والتسعير ماكانش ابتدى بس الناس قالو متوسط 45000 جنيه

---

مشكور لاهتمامك بالرد

اقتباس:

---

المشاركة الأصلية كتبت بواسطة mada121977

الف شكر لحضرتك على الرد .. بس هل بيكون فيه حد من البنك واقف مع الناس اللى بتعاين علشان التفاصيل ولا سايبنها كده بالبركه ؟

---

اللى انا شوفته كان واحد اسمه جمال بيظبط العربيات اللى تحت فى الجراج

اقتباس:

---

المشاركة الأصلية كتبت بواسطة magomago

العربيات دى كانت متاجره لشركات ادويه وخلافه

ومعظمها موديلات 2006 والتعاقد انتهى وبيسلمو العربيات للبنك
والمكان فى منطقة البنوك...وانت متجه لها هاتلاقى بنك القاهره واخد الناصيه
خليه على ايدك الشمال وكمل ...بعد 200 متر تلاقى بنك hsbc
لف وراه تلاقى العربيات مرصوصه ... والتقيل تحت فى الجراج

---

تصحيح صغير بعد إذن الباشا
البنك اسمه nsgb الأهلي سوستيه جنرال مش hsbc

اقتباس:

---

المشاركة الأصلية كتبت بواسطة moatazbunny

تصحيح صغير بعد إذن الباشا
البنك اسمه nsgb الأهلي سوستيه جنرال مش hsbc

---

ماكنش حد واخد باله

نصيحة ابعد عن السيارات المتأجرة فى الشراء سواء كانت تويوتا او رينو أو غيرها

انا ليه وجهة نظر فى الموضوع ده

العربيات دى لو فيها خير مكنش باعها البنك بالاسعار دى الى هيا اقل من سعر السوق دى بيزنس يحكمه العقل ليه مايبعش العربيات دى بسعر سوقها او بأجرها تانى مدام حالتها كويسه

مجدى باشا اية اخبار حضرتك بس العربيات دى طالما كنت متأجرة لشركات ابعد عن الشر وعنى له لن العربيات دى بتتبهدل بطريقة وحشة اووى وقدام عينى بيتخمس بيها وبتدخل طرق مكسرة وغير كدة العداد بيبقى ماشى كتير اووى

يعني العربيات جة بتكون باسعار اقل من السوق ولا اية ؟
بس اكيد كلة علي قد فلوووسة
وهتلاقي حاجات فرص

في المستعمل .. يفضل العربيات " البيتي " مهما كان النوع .

شكراً جزيلاً مهندس مجدي على موضوعك وتعبك

اقتباس:

---

المشاركة الأصلية كتبت بواسطة sharky

نصيحة ابعد عن السيارات المتأجرة فى الشراء سواء كانت تويوتا او رينو أو غيرها

---

+1111111111111111
العربيات دى بيبقى طالع ...........

اقتباس:

---

المشاركة الأصلية كتبت بواسطة sharky

نصيحة ابعد عن السيارات المتأجرة فى الشراء سواء كانت تويوتا او رينو أو غيرها

---

انا معاك .... بس انا قلت ان فى عربيات لقطه والاسعار مش واحده

ولازم اللى بيشترى يكون فاهم فالعربيات جدا جدا

عربيات الشركات وخلافه بتكون مستهلكة وهيتصرف عليها

مفيش اخبار جديدة
و هل البيع مازال مستمر

مشكور يا أستاذ/مجدي على التجربة الجميلة دي

بس غريبة فعلا ان العربيات كلها شكلها نضيف من بره..
تفتكر ممكن تكون متسمكرة ومرشوشة قبل مايعرضوها للبيع؟
مسألتش على أسعار الميجان؟

أعتقد ان المستفيد الاكبر من الموضوع دا هايكون التجار.. يشتروا من البنك ويبيعوا ع النت وفي السوق

شكراً على موضوعك وتعبك

شكراً على الافادة

اقتباس:

---

المشاركة الأصلية كتبت بواسطة malaty

مفيش اخبار جديدة
و هل البيع مازال مستمر

---

اما شفت الموضوع ده اتصلت بالبنك الاهلى جنرال سوستيه فرع اكتوبر و قالى ان العربيات دي تبع شكة و اآدانى رقم تليفونهم و اتصلت بيهم و قالت الموظفة انهم باعوا كل العربيات ..

قلت لها مفيش مزاد تانى قريب ؟
قالت لى ابقى تابع معانا و ممكن يكون فيه آخر السنة !!

قلت لها و انتوا مش بتعملوا اعلان في جرنال او حاجة قالت لي لأ و الناس بتعرف من بعضيها .
قلت لها فعلا مفيش حاجة بتستخبى :ma:
-----

الاستاذ ماجو ماجو
انت عرفت ازاي بحدوتة المزاد دي ؟

اقتباس:

---

المشاركة الأصلية كتبت بواسطة banboty

اما شفت الموضوع ده اتصلت بالبنك الاهلى جنرال سوستيه فرع اكتوبر و قالى ان العربيات دي تبع شكة و اآدانى رقم تليفونهم و اتصلت بيهم و قالت الموظفة انهم باعوا كل العربيات ..

قلت لها مفيش مزاد تانى قريب ؟
قالت لى ابقى تابع معانا و ممكن يكون فيه آخر السنة !!

قلت لها و انتوا مش بتعملوا اعلان في جرنال او حاجة قالت لي لأ و الناس بتعرف من بعضيها .
قلت لها فعلا مفيش حاجة بتستخبى :ma:
-----

الاستاذ ماجو ماجو
انت عرفت ازاي بحدوتة المزاد دي ؟

---

ايه السرعة دي
العربيات لحقت اتباعت..!!
صاحب الموضوع لسه مصور العربيات من 5 ايام فقط..!!!

اقتباس:

---

المشاركة الأصلية كتبت بواسطة د.محمود صلاح

في المستعمل .. يفضل العربيات " البيتي " مهما كان النوع .

شكراً جزيلاً مهندس مجدي على موضوعك وتعبك

---

+1111111 بالضبط كدة حتى بيتقال انا عايز عربية بيتى بنت بنوت دليل ع نضافتها

أكيد طبعا اللى اشترى العربيات دى كلهم تجار مفبش غيرهم ولاد الاية دول و حيظبتوهم و يخلوهم اخر حلاوة و يبيعوهم للناس اللى ذينا اغلى ع الاقل 10الاف جنية طبعا مكسب وهمى خرافى يعنى فى 10عربيات بس 100الف جنية قول فى اسبوع ع الاقل

أنا رحت النهاردة و قفشت عليهم
و طلعت للمسؤول عن العربيات
العربيات إيجار لشركات و لما العقد بيخلص مع الشركات بيبعوهة
في عربيات جيتا هتجلهم ١٥/٩
واللي هناك دلوقتي bmwو passatوjeep وmegane
إتفرجت على ال-passat رخامة و أحسن وحدة فيهم عملة 70.٠٠٠ كيلو ، دورتها لاقتها مبرجلة و الشاشة كاتبة


و سألت الواد إلي هناك قالي سعرها 150.٠٠٠ تقريباً

اقتباس:

---

المشاركة الأصلية كتبت بواسطة banboty

اما شفت الموضوع ده اتصلت بالبنك الاهلى جنرال سوستيه فرع اكتوبر و قالى ان العربيات دي تبع شكة و اآدانى رقم تليفونهم و اتصلت بيهم و قالت الموظفة انهم باعوا كل العربيات ..

قلت لها مفيش مزاد تانى قريب ؟
قالت لى ابقى تابع معانا و ممكن يكون فيه آخر السنة !!

قلت لها و انتوا مش بتعملوا اعلان في جرنال او حاجة قالت لي لأ و الناس بتعرف من بعضيها .
قلت لها فعلا مفيش حاجة بتستخبى :ma:
-----

الاستاذ ماجو ماجو
انت عرفت ازاي بحدوتة المزاد دي ؟

---

اهو ادينا فى اخر السنه ... ياترى فى اخبار جديدة ؟؟