عرفت بصفة شخصية من أحد العاملين بشركة دلة المملوكة للشيخ صالح كامل ان صفقة شراء الجزيرة ل art تمت الاسبوع الماضي. بس نسيت أسأل هل القنوات الرياضية فقط أم كل القنوات.
عرض للطباعة
عرفت بصفة شخصية من أحد العاملين بشركة دلة المملوكة للشيخ صالح كامل ان صفقة شراء الجزيرة ل art تمت الاسبوع الماضي. بس نسيت أسأل هل القنوات الرياضية فقط أم كل القنوات.
مالحكاية دية بقلها فترة كبيرة ومعروفة من مدة طويلة اة الجديد
معروفة من فترة طويلة ان في مفاوضات على الشراء وان الحكومة السعودية تدخلت لمنع البيع. بس بقولك البيع تم الاسبوع الماضي.فانت لو تعرف من فترة طويلة ان البيع تم يبقى انت ما شاء الله مخاوي وبتعرف الغيب.
وعموما لو الخبر ملوش أهميه عندك كأنك مسمعتوش!!!!!!!!!!!!!!!
معلش هو الجزيرة بتذيع كاس العالم إزاي إلا لو كانت إشترت ال ART ..
ال Art كان معها كاس العالم حتى ٢٠١٤ و عندما إشترتها الجزيرة إنتقلت ملكية حقوق كأس العالم من ال ART إلى الجزيرة ..
من شهور الكلام ده حتى قنوات art sport إختفت تماما
و ايه علاقة دى بالسيارات عشان تحوطوا فى العام
بداية على حد علمي الجزيرة كانت اشترت حقوق بث كاس العالم من art
ثانيا بالنسبة للاخوة اللي بتعلق بالسلب على الموضوع انا نقلت خبر سمعته وكان واضح جدا محتواه حتى من العنوان فطالما الموضوع مش مهم بالنسبه لك كان ممكن تتجاهله تماما خصوصا اني مذكرتش اي عبارة تبين ان الموضوع مطروح للنقاش وانما انه فقط خبر سمعته.ممكن يكون جديد بالنسبة لي وقديم بالنسبة لكم ومظنش ان ده عيب، لكن العيب هو التهكم والتسفيه اللي بقى سمه منتشره اليومين دول.
وعموما أرجو من الادارة حذف الموضوع
حقوق البث اتاخدت من Art للجزيرة و بصراحة علشان مفتيش معرفش السبب الحقيقى , و لكن مشكلة الاذاعة و التليفزيون فى مصر مع الجزيرة كانت بسبب العقد لان لما الحقوق راحت للجزيرة فالجزيرة طلبت فلوس اكتر .
لو كانت الجزيرة اشترت ART فعلا ماكانوش رفعوا السعر و العقد كان هيبقي مستمر دون زيادة , لكن لما الحقوق اتسحبت من ال ART و راحت للجزيرة العقود كلها اتفسخت , يعنى من الاخر الجزيرة معتقدش انها اشترت ART بسهولة .
هو المعروف من فترة ان الجزيرة اشترت قنوات art الرياضية وكافة البطولات الرياضية الحصرية التي كانت مشتراة سابقا من قبل art بما يوازي 2 مليار جنيه أو دولار مش متأكد .... والموضوع ده كان من كذا شهر ......
إنما لو حضرتك تقصد ان الجزيرة اشترت قنوات art كاملة بمعنى الشبكة كلها بما تتضمنه من قنوات دينية ومسلسلات وأفلام وطرب وغيرها فالخبر ده فعلا يبقى جديد
انا عشان أكون صريح معاكم انا أول مرة اسمع موضوع شراء الجزيرة ل art كان امبارح زي ما ذكرت من الشخص العامل بشركة دله وده لأني مليش أي ميول رياضية. الموضوع وما فيه اننا ماسكين تركيب الداتا سنتر لشبكة ساهر الخاصة بكامرات السرعة و الردلايت بعقد من الباطن من شركة دله اللي أصلا راسي عليها المشروع، ومصادفة في وسط الكلام جت سيرة art فقال ان art خلاص معادتش تبع دله، فبسأله من امتى الكلام ده ، قالي تقريبا من اسبوع العقود اتمضت والديل اتقفل. وبما ان الموضوع بالنسبه لي لا يقدم ولا يؤخر فمجاش في بالي اسأله هل القنوات الرياضية فقط أم الشبكة ككل.
آدي الخبر من موقع الجزيرة
ط§ظ„ط£ط®ط¨ط§ط±.-.ط±ظٹط§ط¶ط©.-.ط§ظ„ط¬ط²ظٹط±ط© ط§ظ„ط±ظٹط§ط¶ظٹط© طھط´طھط±ظٹ ط.ظ‚ظˆظ‚ ART
وتاريخ الخبر يرجع لشهر نوفمبر الماضي، يعني من أكتر من 6 شهور
لا حول ولا قوة الا بالله
هو في ايه؟؟؟؟
هي الناس مش طايقة بعض ليه؟؟؟؟؟ لو انت معتبر ردي حاد هل كان احد من رده؟؟؟؟
كتبت موضوع تافه من وجه نظر البعض، بدل ما يقرأوه ويفوتوا نزلوا تهكم واستنكار، اللي يقولك وايه يعني ، يعني ايه الجديد في كده، هو انت جبت الديب من ديله........واللي يقولك ده منتدى سيارات ماله ومال الكلام ده.
ما المنتدى مليان مشاركات منها القيمة ومنها اللي ملهاش لازمة، اعتبروه موضوع من اللي ملهومش لازمة. لكن ازاي نفوت فرصة زي كده نتفرد ونتني فيها على بعض وكل واحد يبين انه احسن من التاني، ولو معرفش، يخلي التاني هو الوحش.
عموما يا جماعة انا بعتذر لكم جميعا لو كنت غلط في حد منكم
وشكرا لاستضافتكم ليا الفترة اللي فاتت
حضرتك بتتكلم على التهكم والتسفيه, و انت فوق كان ردك على الاستاذ تامر بتهكم و تسفيه,
مع ان رد الاستاذ تامر كان عادى جدا و بيستفسر ايه الجديد فى الموضوع, انا نفسى والله كنت هكتب نفس الرد بغرض الاستفسار
"مالحكاية دية بقلها فترة كبيرة ومعروفة من مدة طويلة اية الجديد"
هو ده الرد الحاد ولا
"انت ما شاء الله مخاوي وبتعرف الغيب."
على العموم انا عمرى ما دخلت مع حد هنا فى مناقشه, ولا الموضوع يخصنى بشىء, ولا اعرف الاستاذ تامر, و الحمد لله ولا انا بتفرد ولا بتنى على حد ولا انا احسن من حد, كل ما فى الامر انى زيك بالضبط اتخنقت من التهكم والسخريه من اراء الاخريين, الى انتشرت فى المنتدى, و مع ذلك عمرى ما دخلت اتكلمت مع حد, بس الجديد ان حد يستنكر التهكم و التسفيه فى المشاركه رقم 6 و هو بيتكلم بنفس الاسلوب فى المشاركه رقم 3.
عموما حصل خير،
ولو زي مبتقول سؤال استاذ تامر كان بغرض الاستفسار مش السخرية وكلكم فهمتوا كده ما عدا انا فهمتو غلط يبقى العيب فيا انا ووجب عليا اعتذر ليه.
لو راجعت مشاركاتي المحدوده قبل كده في المنتدى( برغم اني اعتبر من أوائل الناس اللي اشتركت فيه) كلامي كله حيادي بس المره دي كان ردي رد فعل لرد استاذ تامر اللي ممكن اكون فهمته غلط ولكني لا ابدأ بالهجوم ابدا
اخيرا بكرر اعتذاري لاستاذ تامر وأي حد غلط فيه (بدون قصد)