شويه مشاكل في العربيه (سخونه - تبطيل)

**omenboy** · 16-06-2010 02:38 AM

انا عربيتي بتبطل و انا ماشي خصوصا لما بشغل التكييف و فيه دايما صوت زنه ف الغيارات و كمان الميه بتخلص بسرعه و العربيه بتسخن ممكن حد يقولي حل نوع العربيه ميتسوبيشي كولت 98 مانيوال

تم تعديل العنوان بما يتناسب مع الموضوع
مشرف عام 4

**w-m-a** · 16-06-2010 02:41 AM

الله يكرمك
كلك ذوق
ده انت ابو الجدعنه
والله معرفش

**pro_samir** · 16-06-2010 07:40 AM

هي انجكشن ولا كاربيراتير ؟ موضوع التبطيل دة غالبا حاجة عايزة تتنضف وتتظبط سواء كانت كربيراتير او انجشكن

موضوع السخونية ونقص المية اتأكد الأول هي بتوقع مية ولا لأ

وافتح غطا الرادياتير و زود بنزين شوف الرادياتير بيقلب مية جامد بشكل ملحوظ ولا مش فارقة كتير مع وضع السلانسية

لو في تقليب جامد يبقي احتمال تكون محتاج جوان وش سلندر

واكشف برضو علي الرادياتير ممكن يكون مكتوم عايز يتنضف أو يكون بيوقع مية واتأكد ان الغطاء بتاعة محكم

**tamer_a7** · 16-06-2010 03:34 PM

زنه في الغيار ديه بليه في طقم الدبرياش
الحراره العاليه مع التكييف دا عاده بيكون السرعه التانيه بتاعت المروحه مش شغاله (دي بتشتغل مع التكييف بس)
المياه بتخلص دا طبيعي العربيه بتسخن اوي

**powerofhelll** · 16-06-2010 06:04 PM

العربيه بتسحن و دي المشكله الاساسيه
يعني انت عندك تسريب ميه او عطل في المروحه بتاعة التبريد و لما بتشغل التكيف الحراره بتزيد اكتر معدل التسريب بيكتر لغاله لما العربيه تفصل

اكشف علي المراوح و الريداتير و ان شاء الله تطلع حاجه بسيطه

**omenboy** · 16-06-2010 07:05 PM

و الله شكرا يا جماعه على ردودكم و انا هجرب و هرد عليكم

**omenboy** · 16-06-2010 07:37 PM

انت قصدك السرعه التانيه بتاعت المروحه ان مروحة التكييف بتشتغل و لا المروحه العاديه سرعتها بتزيد

**omenboy** · 16-06-2010 07:38 PM

العربيه كربراتير

**omenboy** · 16-06-2010 07:40 PM

انا عندي المروحه بتشتغل عادي كل فتره مش كده يبقى دورة التبريد سليمه و الردياتير سليم و مش مسدود و لا ايه و استبعد ان المشاكل ديه من دورة الميه و الترموستات سليم مع العلم ان الميه بتنقص و ايه مشكلة التكييف ديه و كمان انا لسه مغير الزيت و اول ما جبتها كانت بتعمل المشكلات ديه و ضبط التاكاهات و برضو بتحصل و لون الزيت انهارده طبيعي ( قصدي ما بقاش عامل زي الطحينه ) و كمان عداد السخونه ثبت بعد ما ظبط التاكاهات بس كان مش مظبوط قبلها بس انا حاسس ان العربيه مولعه مع ان العداد ثابت و الزنه اللي ف الغيار الميكانيكي قالي عندك قاعده مش سليمه و كمان اما بتبطل اما بشغل التكييف لاااااااااااازم اقف بالعربيه و استنى دقيقتين عشان تدرو و بحس انها وطيت عن الاول . انا اسف طولت عليكم

-

الموضوع: شويه مشاكل في العربيه (سخونه - تبطيل)

LinkBack

أدوات الموضوع

عرض

-

-

-

المواضيع المتشابهه

ريموت العربيه شويه يشتغل و شويه يفصل و تم تحديم المشكله برجاء المساعده

ريموت العربيه شويه يشتغل و شويه يقف

صوت فرقعة في الموتور و العربيه تبطيل عالسلانسيه e46 ,e39 + الحل

سخونه العربيه

سخونه العربيه

الكلمات الدلالية لهذا الموضوع

المفضلات

المفضلات

ضوابط المشاركة