شوية اسئلة فكترا بى موديل 1996 اوتوماتيك 2000 سى سى

السلام عليكم
انا عندى شوية مشاكل هسردها عليكم و طمعان فى خبرتكم لحلها

1- عندى العربية بتحدف على طول شمال و انا سايق لازم اشيل الدركسيون للاتجاه اليمين لأنى لو سيبته العربية بتحدف شمال بغباء ( تكاد تكون هتمشى بالعرض من قوة الحدفة )
مع العلم انى ضبطت زوايا اكتر من مرة و بدلت العجل و صلبته اكتر من مرة و العجل اصلا جديد ( بريدجستون ) و الجنوط ايضا جديدة

2-لما اجرى بالعربية بعد 100 او 120 و اجى اخد دوران على واسع او مطب هوا خفيف تلاقى العربية بترقص ( بتعوم )

3-كل يوم او اتنين لازم ازود قربة المية و بتاخد حوالى لتر مياه مع العلم ان امبير الحرارة تمام و المراوح شغالة تمام

4- عداد السرعة مش شغال و روحت لبتاع عدادات حاول معاه شوية و بعدين قاللى دة فاصل كهربا فهل فى حاجة اقدر انا اعملها مع العداد عشان يرجع يشتغل

5-العربية بتاكل بنزين بغباء يعنى العشرين لتر بنزين 92 بمشى بيهم متوسط 100 كيلو فهل المعدل دة طبيعى ؟

6-لما بحرق على العربية و استعمل الكيك داون و اجرى جامد تلاقى فى رعشة فى الموتور و تخبيط فى الدركسيون ( مش ترصيص )

شكرا يا رجالة مقدما و ربنا يجعله فى ميزان حسناتكم ان شاء الله

فكترا بى موديل 1996 اوتوماتيك 2000 سى سى

ياباشا
العربية بتاعة حضرتك اوعى توديها لحد صنايعى عادى
دى على مقار فورا
مركز صيانة متخصص و لما تعمل اللى فيها و العيب يطلع هوا هوا تروح تخليهم يصلحوا نفس العيب و على حسابهم و انت باشا
بس المهم فى الاول فحص شامل علشان تعرف اية اللى فيها
و لو بصيت حضرتك هتلاقى ان اغلب اعطال الاوبل حاجات بسيطة جدا بس المهم اللى يعرفها
توكل على الله على مركز مقار و بلغنا بالاخبار

اقتباس:

---

المشاركة الأصلية كتبت بواسطة abdelrahmanhamdy

السلام عليكم
انا عندى شوية مشاكل هسردها عليكم و طمعان فى خبرتكم لحلها

1- عندى العربية بتحدف على طول شمال و انا سايق لازم اشيل الدركسيون للاتجاه اليمين لأنى لو سيبته العربية بتحدف شمال بغباء ( تكاد تكون هتمشى بالعرض من قوة الحدفة )
مع العلم انى ضبطت زوايا اكتر من مرة و بدلت العجل و صلبته اكتر من مرة و العجل اصلا جديد ( بريدجستون ) و الجنوط ايضا جديدة
روح اكشف عند عفشجي لان كده علبه الدريكسون عندك فيها حاجه وممكن يكون خرطوم من خرطومين الباور اللي بيدخلوا الزيت فيها مسدود فبيبقي تأثير الزيت غير متوازن من الجنبين ولو روحت مقار هيقولولك غيرها فورا ب3600 جنيه لكن لو لا قدر الله احتاجت علبه دريكسيون
هاتها استيراد من 600 الي 800 جنيه
2-لما اجرى بالعربية بعد 100 او 120 و اجى اخد دوران على واسع او مطب هوا خفيف تلاقى العربية بترقص ( بتعوم )
ايه اخبار المساعدين الاماميه عندك وجلب المقصات
3-كل يوم او اتنين لازم ازود قربة المية و بتاخد حوالى لتر مياه مع العلم ان امبير الحرارة تمام و المراوح شغالة تمام
لو متأكد ان مفيش مياه بتبقي تحت العربيه وان العربيه مافيهاش جوان يبقي غير غطاء القربه
4- عداد السرعة مش شغال و روحت لبتاع عدادات حاول معاه شوية و بعدين قاللى دة فاصل كهربا فهل فى حاجة اقدر انا اعملها مع العداد عشان يرجع يشتغل
حصل معايا الموضوع ده قبل كده بس مكانش العداد بس كان العداد والنور الصغير والكلاكس وفي اللاخر طلع الحل بسيط جدا
الفبره اللي جنب رجلك الشمال اللي راكب فوقيها الدراع اللي بيفتح الكبوت هتفكها هتلاقي فيه زي بورده صغيره فيها فيشه زرقاء عريضه وفيشه تقريبا خضراء هتفك الفيش دي وتركبها مكانها كويس الفيش دي هي المسؤله انها تودي الكهرباء من علبه الفيوزات لكل حاجه في الكبوت زي الانواء والكلاكس والعدادات
وبرضه بص علي فيشه الفتيس ممكن تكون مش راكبه كويس ودي هتلاقيها علي شمال قربه المياه فيشه عريضه
1-
5-العربية بتاكل بنزين بغباء يعنى العشرين لتر بنزين 92 بمشى بيهم متوسط 100 كيلو فهل المعدل دة طبيعى ؟
ايه اخبار فلتر الهواء والبنزين والبوجيهات وايه اخبار حساس الكولانت والرشاشات

6-لما بحرق على العربية و استعمل الكيك داون و اجرى جامد تلاقى فى رعشة فى الموتور و تخبيط فى الدركسيون ( مش ترصيص )
اكشف علي قواعد الموتور والفتيس وغالبا هتلاقي قاعده الاهتزازات عاوزه تتغير

شكرا يا رجالة مقدما و ربنا يجعله فى ميزان حسناتكم ان شاء الله
العفو ياباشا واي استفسارات تاني احنا في الخدمه واستني باقي اراء العصابه

فكترا بى موديل 1996 اوتوماتيك 2000 سى سى

---

اقتباس:

---

المشاركة الأصلية كتبت بواسطة abdelrahmanhamdy

السلام عليكم
انا عندى شوية مشاكل هسردها عليكم و طمعان فى خبرتكم لحلها

1- عندى العربية بتحدف على طول شمال و انا سايق لازم اشيل الدركسيون للاتجاه اليمين لأنى لو سيبته العربية بتحدف شمال بغباء ( تكاد تكون هتمشى بالعرض من قوة الحدفة )
مع العلم انى ضبطت زوايا اكتر من مرة و بدلت العجل و صلبته اكتر من مرة و العجل اصلا جديد ( بريدجستون ) و الجنوط ايضا جديدة

2-لما اجرى بالعربية بعد 100 او 120 و اجى اخد دوران على واسع او مطب هوا خفيف تلاقى العربية بترقص ( بتعوم )

3-كل يوم او اتنين لازم ازود قربة المية و بتاخد حوالى لتر مياه مع العلم ان امبير الحرارة تمام و المراوح شغالة تمام

4- عداد السرعة مش شغال و روحت لبتاع عدادات حاول معاه شوية و بعدين قاللى دة فاصل كهربا فهل فى حاجة اقدر انا اعملها مع العداد عشان يرجع يشتغل

5-العربية بتاكل بنزين بغباء يعنى العشرين لتر بنزين 92 بمشى بيهم متوسط 100 كيلو فهل المعدل دة طبيعى ؟

6-لما بحرق على العربية و استعمل الكيك داون و اجرى جامد تلاقى فى رعشة فى الموتور و تخبيط فى الدركسيون ( مش ترصيص )

شكرا يا رجالة مقدما و ربنا يجعله فى ميزان حسناتكم ان شاء الله

فكترا بى موديل 1996 اوتوماتيك 2000 سى سى

---

1 , 2 - محتاج كشف عفشة كامل وتظبط زوايا عند حد كويس وتتأكد من ضغط العجل

3- لازم تكبس دورة المية الاول لتحديد العيب ممكن يبقى فى تنفيس من خرطوم او اى حاجة , لازم كبس

4- محتاجة كشف , روح لحد فاهم فى الاوبل علشان ميعكش ( بس مش هتخرج عن حساس السرعة او اى فيشة محتاجة تنشف ولا حاجة دة اذا كانت العربية مفهاش عك فى الكهربة )

5- لأ طبعا مش طبيعى اعمل صيانة العربية , اخر صيانة عملتها من امتى ؟

6- اكشف على القواعد

الرجالة قاموا بالواجب

كلها مشاكل فى مجملها صغيره
لو عايز الصح يبقى على مقار

متشكرين يا رجالة مش عارف الواحد من غير افراد العصابة كان عمل ايه و الله
بس انا عندى سؤال بخصوص رد الاستاذ islambana على الجزئية الثالثة
و السؤال هو : ليه لو غيرت غطا القربة ممكن المشكلة تتحل ؟؟

اقتباس:

---

المشاركة الأصلية كتبت بواسطة abdelrahmanhamdy

متشكرين يا رجالة مش عارف الواحد من غير افراد العصابة كان عمل ايه و الله
بس انا عندى سؤال بخصوص رد الاستاذ islambana على الجزئية الثالثة
و السؤال هو : ليه لو غيرت غطا القربة ممكن المشكلة تتحل ؟؟

---

بص حوالين غطا القربة هل فى اى اثر لوجود تسريب مية ؟
يعنى فى مية على المكان دة ؟؟ او حتى باين اثر لأى تسريب؟؟
لو لأ يبقى لازم تكبس
انا كان عندى خرم زى مايكون شكة دبوس فى خرطوم مع الحرارة والضغط يفتح يسرب وكان ناحية فرن الشكمان فا مش بيبان حاجة تحت العربية , العربية تبرد يقفل تانى ومفيش مية بتنزل
والعربية مش بتسخن بس المية كانت بتنقص
فا علشان كدة بقولك لازم تكبس علشان متقعدش تغير على الفاضى

عشان ممكن يكون غطا القربه مشروخ ولا مهوى و هو اللى بيسرب الميه.
عموما برضه للافاده يا ريت تبقى تقولنا عملت ايه و الحل كان ايه .. و ان شاء الله كله يبقى تمام

اقتباس:

---

المشاركة الأصلية كتبت بواسطة abdelrahmanhamdy

متشكرين يا رجالة مش عارف الواحد من غير افراد العصابة كان عمل ايه و الله
بس انا عندى سؤال بخصوص رد الاستاذ islambana على الجزئية الثالثة
و السؤال هو : ليه لو غيرت غطا القربة ممكن المشكلة تتحل ؟؟

---

اعمل زي الباشا مهندس احمد ما قالك ومكن تعمل حاجه كمان
1- العربيه سخنه ودايره علشان يبقي ترموستات الكوعه فاتح والمياه مستواها مظبوط
اقفل غطاء القربه عادي زي مابتقفله واضغط علي الخرطوم اللي جاي من الموتور للردياتير (الاسود العريض اللي علي شمالك اللي فوق طرمبه الباور ) اضغط كذا مره عليه وسيب ايدك لو سمعت صوت تنفيس من عند الغطاء يبقي هي

موضوع غطا القربة ده بهدل ناس كتير

فعلا الافادة دى الواحد مايلاقيهاش فى اى حتة
ايه الكلام الجامد دة
انا على طول متابع كل المواضيع بس المرادى عشان الموضوع انا اللى عامله حاسس انتو قد ايه ناس محترمة و بتساعد لوجه الله

ربنا يكرمك يا باشا
و لو عايز تكشف على العفشة لو تنزل لغاية الجيزه اخللى بتاع العفشة يبصلك عليها او ترحله و تقله من طرف الطنانى و لو معملش الواجب قللى