عملت حادثة على الدائري النهاردة الصبح

**egman** · 16-06-2010 09:45 AM

السلام عليكم ورحمة الله وبركاته

النهاردة يا شباب وانا رايح على شغلى فى المطار وطالع من طريق القاهرة الجديدة الجديد الى بيطلع على المطار من طريق السويس وخارج من الطريق علشان امسك طريق السويس والطريق اصلا بيعدى عربية عربية وانا ماسك اليمين بتاع الطريق طبعا واذا بالعربية بتتشال وتتحط على الارض تانى عربية مقطورة بالكواتش بتاعها رمى يمين ضربنى فى جنب عربيتى من ورا الكرسي الى ورا السواق دمرلى الباب وجزء من جنب الشنطة الى هو قبل الفانوس الى ورا فى منطقة الباب كلها وراح حدفنى على عربية شرطة هو التانى كان عمال ينزق فى نفسه من يمينى راح اقصدام عربيته دخل فى فانوسي الامامي يمين كسره وطبق شوية جنب الفانوس من الجنب وطبعا كسر الحتة الطويلة الى بتبقى ماسكة علامة السيات فى العربية .

وطبعا الضابط نزل روق سواق المقطورة وقالى انه غلطان والناس كمان قعدوا يشتموا فيه ويقولوة انه غلطان الضابط اخد بطاقة السواق وقالة تجيلى مش عارف فين تاخدها وطبعا علشان يثبت حقه لانها عربية حكومة وانا وقفت وقعدت اقوله نعمل محضر وتشهد معايا الضابط قالى انا مش فاضى ومتاخر عن شغلى انا استعوض ربنا وقلت للسواق اتكل على الله الحمد لله انى انا وزوجتى طلعنا منها بسلام .

وتفصيل التصليح كالتالى :

1 - الباب اطبق من جامد بس بيقفل الحمد لله القايم ما حصلوش اى حاجة هو الجزء الى من عند اكرة الباب وحرف الباب الى من الناحية ده هو الى اتبرم .

2- جنب الشنطة من قبل الفانوس كده اطبق .

3- الفانوس الامامي اتكسر والعلامة وجنب الفانوس دخل لجوه كده .

4- ومش عارف اتصرف ازاى والموضوع ده هيتصلح ازاى انا اول مرة امر بالحكاية ده ...

* هل الباب هيتغير ولا البرمة الى فى حرفه ده بتتفرد عادى ولا اية نظامها مش عارف .
* والرده الىف ى الشنطة ده برده هيعمل فيها ايه الراجل مش عارف .

انا محتاج ارائكم جدا جدا .

وعايز اعرف الباب بتاع العربية ده يعمل كام فلوس لو جبت واحد جديد ؟

وتكلفة الحاجات ده تعمل كام ؟

**hatemahmed75** · 16-06-2010 10:17 AM

قدر الله ما شاء فعل
المهم انك بخير انت وزوجتك

**Ahmed Mubarak** · 16-06-2010 10:21 AM

قدر الله وما شاء فعل وربنا يعوض عليك

**engahmedsamy** · 16-06-2010 10:29 AM

حمد لله علي سلامتك وممكن تروح الحرفيين او بورسعيد

**fadynabil** · 16-06-2010 10:31 AM

حمد الله علي سلامتك وفداك .. المهم إنك طلعت سليم ومتزعلش ع العربيه كلنا معرضين للحوادث دي

أما بالنسبه للتصليح .. ياريت لو تصورلنا الأجزاء المخبوطه عشان الناس هنا ممكن تفيدك إذا كانت ممكن تتصلح أو تتغير

**egman** · 16-06-2010 10:40 AM

انا متشكر ليكم جدا يا شباب والحمد لله على كل شي ده يا جماعة لو الطريق كان ماشي وفية جرى ما كناش طلعنا والله منها الحمد لله على كل شي .

بس الصور ممكن تكون صعبه لان موبايلى كاميراته بايظة وسيئة اوى .

طيب هو عموما الباب ممكن يكون تمنه كام لو ما فيش تصليح ليه ؟

هو بالضبط الى فيه بطن الباب اطبق لجوة وحرف الباب الى من ناحية ورا الى تحت المقبض بتاع الباب مش الجزء بتاع القايم حرفه اتبرم ؟

وكنت عايز اهعرف سعر الجزء الى بيكون فيه العلامة بتاع السيات الى قدام بكام برده ؟

والفانوس الامامي بتعها بكام ؟

**venomixus** · 16-06-2010 11:05 AM

قدر الله وماشاء فعل..هو الموضوع أكيد يضايق علشان الوقت والمصاريف بس الحمد لله على سلامتكم. ممكن تنزل بيها عند العقيد خالد يوم الجمعة أو مركز هيونداي المعتمد (تكنو وان) اللي هو في الحرفيين اضغط على الرابط ده http://www.nilemotors.net/Nile/153381-a.html وهما هناك لما يشوفوها على الطبيعة حيقدرولك الخسائر.

**egman** · 16-06-2010 11:57 AM

طيب ويا ترى مصنعية مركز العقيد اية نظامها غالية ولا فى المعقول ولا اية النظام هيكون زي مراكز الصيانة الكبيرة والتوكيلات .....

وبرده منتظر سعر الحاجات لى سالت عليها فى اول السوال ليا .....

**amr_paolo** · 16-06-2010 12:46 PM

حمد الله على سلامتك يا باشا وقدر الله ما شاء فعل
الحمد لله انك طلعت منها سليم

**elassar2010** · 16-06-2010 01:39 PM

قدر الله وما شاء فعل وربنا يعوض عليك

الموضوع: عملت حادثة على الدائري النهاردة الصبح

LinkBack

أدوات الموضوع

عرض

-

-

-

-

المواضيع المتشابهه

حادثة جديدة علي الدائري النهاردة الصبح

الميكروباص عمل حادثة النهاردة الصبح

عملت حادثة النهاردة

عملت حادثة النهاردة

حادثة محترمة علي الدائري علي الصبح...

الكلمات الدلالية لهذا الموضوع

المفضلات

المفضلات

ضوابط المشاركة