ايه احسن محطة بنزين اتعاملت معاها ؟

اكيد كل واحد مننا اتعامل مع محطات بنزين كتير ولاحظ ان فيها اللي بنزينه كويس وبيريح العربية ومش بيستهلك بسرعه والعكس تحس ان البنزين مغشوش او على الاقل مش نضيف ده غير اللعب في العدادت ...

لو كل واحد مننا يقول احسن بنزينة اتعامل معاها ممكن كلنا نستفيد من تجربته

انا عن نفسي قررت اثبت على بنزينة موبيل اللي في الخليفة المأمون ... المعاملة فيها نضيفه وبرتاح للبنزين عندهم

فيه سؤال تاني بره الموضوع شوية ...... للاعضاء اللي اتعاملو مع بنزينة توتال .. ممكن حد يوصفلي احسن محطة وتكون قريبة من مصر الجديدة ؟؟؟


.................................
تم غلق الموضوع لتكراره
برجاء مراجعة اللينك
http://www.nilemotors.net/Nile/showt...C8%E4%D2%ED%E4

الإدارة - 3

انا مش عارف اثبت على بنزينه لحد دلوقتى ... كل ما أحس انى هاستقر على واحده اشوف منهم حاجه تقرفنى ... آخرهم شل اللى فى شارع دمشق

انا اكتر بنزينه بتعامل معاها هي موبيل صلاح سالم....بعد تجربة وطنيه وشيل...ديه افضلهم

اقتباس:

---

المشاركة الأصلية كتبت بواسطة casperinoo

انا اكتر بنزينه بتعامل معاها هي موبيل صلاح سالم....بعد تجربة وطنيه وشيل...ديه افضلهم

---

اه فعلا المحطه دي نضيفه

اقتباس:

---

المشاركة الأصلية كتبت بواسطة emadkamel

انا مش عارف اثبت على بنزينه لحد دلوقتى ... كل ما أحس انى هاستقر على واحده اشوف منهم حاجه تقرفنى ... آخرهم شل اللى فى شارع دمشق

---

الف شكر على المشاركة يا استاذ عماد

امارات مصر
توتال
شل

السلام عليكم
احسن بنزينة بحب اتعامل معهم حاليا امارات مصر الطريق الدائرى ( عند الكارفور ) لعدة اسباب :
اولا: نظافةالبنزين - لانها لسه منشاة حديثا .:p
ثانيا : نظافة البنزينة نفسها - المكان لسه ماتبهدلش .:D
ثالثا : نظافة و ذوق العاملين و سرعة اداء الخدمة المطلوبة .:)
رابعا : دائما فى طريقى و انا ذاهب او راجع من العمل ( سبب شخصى ).

شيل اللي في شارع الهرم الاتنين اللي قدام بعض حلوين

شل المعادى على الاتوستراد

امارات مصر (كارفور المعادي)

ماشوفتش بنزينة بالنضافة و المعاملة و الشياكة دي...كفاية اني ببقي مبسوط و انا داخل امون:)

حتى الأن و بدون منازع أمارات مصر - قبل بوابات مصر الأسكندرية الصحراوى - أحسن بنزين و أكتر بنزين بيقعد معايا فى التنك , خدمة ممتازة , يوجد بها جهاز ضبط هواء العجل ديجيتال.
شكرا جزيلا يا أخ أحمد على الموضوع :)

الف شكر يا جماعة على المشاركة بآرائكم

أمارات مصر - قبل بوابات مصر الأسكندرية الصحراوى

بحط من اي بنزينة كبيرة واتاكد من ختم علامة الدمغة والموازين على الطلمبة انه موجود
واسال العامل العربية التانك حطيتلهم امتى ولو كان اقل من 6 ساعات ماحطش منها عشان بيبقى عكر
لو اكتر من 6 ساعات يبقى كويس لان كدة كدة مستور سحب الطلبة بيبقى فوق مستوي الفاع ب 20 سم تقريبا ومايجيش ناحية الرائش
اما احسن بنزينة في الخدمات كالتكس جسر السويس اللى قدام عمارات الفاروقية

مصر للامارات فولت منها امبارح لأول مرة ..

ايه ده !؟ ده الباقي اكشاك سجاير مش محطات بنزين !
حتي اداء العربية فرق !

محطات total زى الفل