حد يعرف حاجة عن القرية دى وهل هى كويسة كمصيف ولا ايه
شكرا
عرض للطباعة
حد يعرف حاجة عن القرية دى وهل هى كويسة كمصيف ولا ايه
شكرا
من اوحش ما يكون الدنيا هناك ولعه حر جداااااااااا ومفيش هوا غير عالبحر والناموس هناك حيوانااااااااااات متوحشه وكل 20 متر مطب ومفيهاش فسح اطلاقا غير سينما صيفي واحده وكام منتجع فيهم حمامات سباحه مش قد كده وشارع العشرين فيه محلات وكله علي بعضه 100 متر غير الطريق دايما المجاري ضربه فيه عمري ما شفته نضيف
الحاجه الوحيده اللي حلوه البحر - مفيهوش موج وهادي وفاضي
شكرا للرد كويس انك قلتلى
هي مش قرية هي مدينة
من مميزاتها انها متكاملة فعلا واسعار الشقق والشاليهات في المعقول جدا
ووقت قليل جدا وتكون في قلب الاسكندرية
وكمان البحر جميل وهادي والشاطئ مجاني من غير تزاكر دخول ولا دياولو
بس زحمة بطريقة تخنق وتكدس رهيب فلصيف نظرا لرخص اسعارها
بص حضرتك انا جربت الاتنين بس كانت مشكلة ميامي بالنسبة لي انها بعيدة عن البحر_اقصد الشقة يعني_ بس في وسط الاسكندرية تقريبا
وفيها كل المستويات...ومش كل الاماكن زحمة
اكتوبر زمان كانت جميلة اوي بس زي محد قالك فلصيف شعبية جدا جدا جدا
يعني فعلا مبروحش فيها غير البحر فقط ولما نحب نخرج ننزل اليكس
انسب وقت علشان تتمشى على البحر بيكوم من الساعة 3 لحد الصبح و غير كده مش هتعرف تمشى اصلا
ايوا مهو كدا فاضي ده اسكندريه انت لو دخلت الشط اصلا تبقي محظوظ :ma:اقتباس:
المصدات بتخليه هادى بس هوا مش فاضى خالص انتا ممكن تقعد تالت صف من البحر
انسي كانت حلوه من 6 سنين دلوقتي راحت في الطراوه
هي ظريفة لكن للأسف بتلم شوية
طيب اى احسن حتة الواحد يصيف فيها 3او 4 او اسبوع
وتكون حلو
مش هتفرق شالية او شقة او فيلا
واسعار حلو ة
لينا شقة هناك فى شاطئ النخيل
المصيف هناك أفضل كتير مقارنة باسكندرية ..
المدينة فيها كل المرافق وتغنيك عن النزول لاسكندرية
توجد مصدات صخرية على الشاطى لمنع الأمواج فغالباً بيكون البحر ممتاز زى البيسين
لو معاك شمسية وكراسى من حقك تحطهم الشاطئ وماتتكلفش إيجارات ولا أى حاجة ودى ميزة مش موجودة فى ميامى
أنا شايف ان أظرف حاجة هناك توفر الكافيتيريات المزودة بحمامات سباحة بأسعار معقولة جداً
وخصوصاً دار الدفاع الجوى ، مستوى 4 نجوم بسعر رخيص جداً
يعنى حضرتك وأسرتك تخشوا وتستمتعوا بالبيسين النظيف جداً بعشرين جنيه تقريباً يا بلاش
بالإضافة إلى توفر ألعاب الأطفال حول البيسين.
لا يوجد مجال للمقارنة بين أكتوبر (النخيل) وميامى.