عتريس ليه اساتفسار بعد غياب عن الكارينزززززززز

**Atrees** · 16-06-2010 04:35 PM

صباح الفل علي رجالة الكيا الجدعان قوي

انا معلش بقالي فترة مشغول جدا لدرجة اني مش عارف انام اصلا بجد تعبت قوي ومقضيها مشاوير لما احوليت

عموما الموضوع بقي كان بسبب المشاوير الكتير واللي كان صاحبي وصديق عمري اللي بيعاني معايا بعربيتة لانه جايب كارينز جديده لسة وعايز يعمل صيانة الخمسة فا عمالي يوصلني عشان الكيلو متر يعد - ههههههههههههههه

عموما مع كم المشاوير والزحمة والحر لاحظت حاجة عايز اسال عنها ملاك الكارينز

اية اخبار التكيف معاكم - صباحا - مساءا - حر ؟؟؟

اصل لاحظت ان العربية كبيرة علي التكيف ومحتاج مجهود من التكيف ووقت عشان يسقع

الكلام دة سليم ولا انا بفتي ؟؟؟

علي قد علمي يعني - هيا نفس موتور وتكيف السيراتو لكن حجمها اكبر بفظاعة طيب التكيف يقدر علية ؟؟؟

ممكن يكون عندو هوا عيب وعشان كدة قولت اسال الاول عشان لو دي عندو هوا اقولو يسال التوكيل الصيانة الجاية من غير ما اديلو احساس انه عندو عيب عشان مش بحب اقول لحد جايب عربية ان في حاجة مش عاجباني فيها

عموما

الكارينز تحفة تحفة تحفة فعلا في كل حاجة فيا ريت يكون التكيف كمان تحفة

سلامي للكل وحغيب عنكو شوية كمان وبعدين ارجع ونهيص زي زمان ونخربها ونتوقف عشان وحشتوني بجد

**NoRmAl** · 16-06-2010 04:44 PM

يا عم أنت من ساعة مهبرت الارباح كلها لوحدك ومحدش عارف يكلمك :))
ربنا معاك فى شغلك يا عتريس وترجع تشارك تانى

**mahamedaraby** · 16-06-2010 04:45 PM

بس هو الاحتمال الاكبر فلتر التكيف

علشان بردوا كان فى السيراتو كده اول ما صحبى اشترها و فى صيانه 10 الف طلعان التكيف كان اسود هباب اكنه ونضفانه وتكيف بقى زى الفل فا حتمال كبير يكون فلتر التكيف ومتقولش العربيه زيرو

**akady** · 16-06-2010 04:45 PM

انا كمان كان نفسي اسأل في نفس الموضوع قبل ما اجيبها..... انا حاسس ان العربية كبيرة أوي على التكييف... حد كارينزاوي قديم يفهمنا

**mohamed_selim** · 16-06-2010 08:54 PM

ولو انك لسه مردتش عليا فى الحاجه اللى سألتك عليها من فتره بس مش مشكله اجاوبك و خلاص
التكييف ممتاز بالنسبالى
النهارده الجو كان سيئ و لاعربيه وشها فى الشمس طول النهار بدأت اتحرك على 4 كده بس مشغلتش التكييف, مشيت 10 دقايق و انا فاتح الشباك و بعد كده شغلته على max ac و مروحه 3 انا كنت مبسوط و كان معايا ناس ورا محدش اشتكى
اكيد مكنش سقعه بس كان الفرق واضخ بالنسبه لبره و ده شيئ كويس
رحت مشوارى و ركنت من 5 ل 7 30 و برضه فى الشمس (طبعا شمس الاصيل غير شمس الضهر) و بعد كده شغلته بعد ممشيت بدقيقتين على 3 و بعد 5 دقايق سقعت وطيته ل 2 و بعد شويه 1

ممكن انا بالنسبالى مبحبش التكييف عالى قوى بس واحد صاحبى معاه A5رزكب معايا مره باليل و مشوار نصه طوالى و نصه زحمه و كانت ملاحظته ان التكييف على 1 ممتاز و انه عشان يسقع كده فى عربيته بيحتاج المروحه على 2

اى خدمه

**ahmedrashed** · 17-06-2010 01:00 AM

المشاركة الأصلية كتبت بواسطة mohamed_selim

ولو انك لسه مردتش عليا فى الحاجه اللى سألتك عليها من فتره بس مش مشكله اجاوبك و خلاص

التكييف ممتاز بالنسبالى
النهارده الجو كان سيئ و لاعربيه وشها فى الشمس طول النهار بدأت اتحرك على 4 كده بس مشغلتش التكييف, مشيت 10 دقايق و انا فاتح الشباك و بعد كده شغلته على max ac و مروحه 3 انا كنت مبسوط و كان معايا ناس ورا محدش اشتكى
اكيد مكنش سقعه بس كان الفرق واضخ بالنسبه لبره و ده شيئ كويس
رحت مشوارى و ركنت من 5 ل 7 30 و برضه فى الشمس (طبعا شمس الاصيل غير شمس الضهر) و بعد كده شغلته بعد ممشيت بدقيقتين على 3 و بعد 5 دقايق سقعت وطيته ل 2 و بعد شويه 1

ممكن انا بالنسبالى مبحبش التكييف عالى قوى بس واحد صاحبى معاه A5رزكب معايا مره باليل و مشوار نصه طوالى و نصه زحمه و كانت ملاحظته ان التكييف على 1 ممتاز و انه عشان يسقع كده فى عربيته بيحتاج المروحه على 2

اى خدمه

كلامك مضبوط ونفس الوضع عندى تقريباً لما تكون العربية مركونة فترة فى الشمس الحارقة دى بابدأ اشغله على 3 فى وضع max ac وبعد 10 دقائق او 15 دقيقة برجع المروحة على 2 وبيكون معايا ناس فى العربية واحياناً بيكون الاولاد الصغار فى الشنطة وبيبقى التكييف زى الفل اما مساءاً بابدأ على 2 لمدة 5 دقائق فقط بعد كده بانزل على 1 وبعد كده بوزع الواحد ده على الوجه والارجل.

**abohagar2001** · 17-06-2010 10:42 AM

التكييف ممتاز

**MMMERO** · 17-06-2010 03:48 PM

التكييف عندى ماشاء الله ممتاز وساعات كتيرة بخلى المروحة على واحد وكمان ما خليش درجة الحرارة على اعلى حاجة

**Atrees** · 17-06-2010 04:05 PM

ايه الجمال دة - تسلمولي يا رجالة

ما شاء الله - طيب كويس - يبقي هوا اللي عندو التكيف مش مظبوط

شكرا يا رجاله - نراكم الحلقة القادمة من عتريس في بلاد الكيا ونايل موتورز