فكرة جديدة فى شد عربية أمريكانى قديمة

**Ralliart** · 18-06-2010 12:47 AM

المشاركة الأصلية كتبت بواسطة felix

1000 شكر ياباشا وان شاء الله هصورها وارفع صورها في اقرب فرصة
انا بس عندي استفسار بالنسبة للموتور اللي هيتسقط
(كابرس-دي ماكس او الدبابة-الفرونتيرا)

لو عرفت تثبت موتور ديزل يبقى تمام جداً وسقط الدبابه او الدي ماكس(الاتنين واحد) وهيكون عزمها عالي جداً
لو معرفتش يبقى لازم بنزين ولو مش هتقدر على البنزين يبقى بيعها احسنلك لان البنزين هيغلى كمان
هي ليها مواتير كتير بنزين 3100 ,4100,5100,5700,6500,3500 cc
واكتر واحد موجود هيكون الـ4100 وحاول متعلاش عن كده علشان متبقاش حوت بنزين
وربنا يوفقك في التظبيط وانا مستنيك تشجعني على الخطوه دي

**Eslam.Elrefaey** · 18-06-2010 06:27 AM

المشاركة الأصلية كتبت بواسطة powerofhelll

شكلك غاوي خدها و ظبطها علي فكره المواتير الديزل مش غاز سولار زي العربيات النقل و الميكروباص بيبقي العزم بتاعها جامد جدا

طيب أجيب مواتير الديزل منين وبعدين السولار أجيب منين ده صعب أوى

المشاركة الأصلية كتبت بواسطة egyptweed1

باشا بعد اذنك لو مش هتاخد العربية دى إن شاء الله قوللى وانا هاخدها

أنا إن شاء الله ناوى أجيبها حتى الآن بس فى ظروف دلوقتى فلسا مش قادر آخذ قرار

المشاركة الأصلية كتبت بواسطة crazylambada

انا كمان مستعد اشتريها
لو هي نفس شكل الصور ديه

هيا مش نفسها طبعا ولكن شبها جدا

**Eslam.Elrefaey** · 18-06-2010 06:31 AM

المشاركة الأصلية كتبت بواسطة viper911s

حضرتك مش واخد بالك
عربيات العضلات اميريكية خدت مدة موقوف انتاجها ودة بسبب قلت الطلب والسوق العالمى وارتفاع اسعار البنزين
وفجاة زى الى طقت فى دماغهم انهم يرجعوها تانى بس فى توبها الاصلى
يعنى الدودج دى تقريبا نفس الشكل لكن من غير الانسيابية دى والكلام دة بس نفس الموضوع مع الكمارو وكدة يعنى
ارجو اكون وضحت الفكرة

+111111111111

المشاركة الأصلية كتبت بواسطة disha_2020

بص عاوز اقولك حاجه ونبى شيل فكرة الغاز من دماغك علشان بجد الغاز ده زباله وهيبوظ العربيه انا ركبت بيجو 505 بالغاز ندمت انى ركبتها اسمع كلامى هيبوظها وانسى انها تسحب وبعدين اعملها ولله هتبقى جامده و موضوع البنزين ده حاول تشوفله حل بس ابعد عن الغاز علشان هيزعلك من العربيه دى مش هتسحب خالص

ليه كده بس يعنى حتى لو 3500 سى سى هحس إن سحبها وحش برضه

المشاركة الأصلية كتبت بواسطة shaddadfalcon1

طيب ونظام الترخيص هيبقي عامل ازاي؟ عشان انا بصراحه كنت بفكر مره انا واحد صحبي نعملو الحوار ده

عادى خالص منا هعمله أنا وصاحبى برضه

**Eslam.Elrefaey** · 18-06-2010 06:35 AM

المشاركة الأصلية كتبت بواسطة viper911s

رى فكرة شديدة اوووى اوى
اتعامل بماتور ديزل من 3500 الى 4000
ومش هيكون مكلف اظن وروشها ومع لون فاع شوية وعيش المغامرة
مشكلتها حجمها بالنسبالى انا فكرت فى الموضوع دة من حوالى 4 سنين
بس كنت هجيب فاير بيرد بونتياك وكانت بـــ10000
وبموتور تويوتا سلندر ورجعت فى رئى لااسباب خاصة شوية بس رئى اتعامل
الدودج خيالى
لو لفيت كمارو تحفة والموستنج القديم حكااااااااااااااااااااااا ااااااااية
ربنا يوفقق
وياريت تطمنا وانشاء اللة نكون معاك خطوة بخطوة فى التعديل
فى انتظارك

العربية مش كبيرة خالص عادية يعنى ومعرفش الفكرة دخلت دماغى لأن فى عندنا واحد شغال فى تعديل العربيات فيبر وكده جاب واحده زى الى معايا بالظبط وبيزبطها دلوقتى

المشاركة الأصلية كتبت بواسطة felix

والله انت ابن حلال
انا لسة شاري عربية شيفي كامارو موديل 1971 انا وواحد صحبي ب 5000 جنيه بس
طبعا العربية محتاجة شغل كتيييييييييير اوي وكمان محتاجة موتور لان فيها كرسيدا 1978
انا طبعا مش جايبها علشان ابيعها لا انا جيبها علشان اتمنظر بيها بس

لأ العربية الى معايا حالتها تعتبر حلوة شوية يعنى شوية مصاريف مش كتار وهتبقى جامده جدا

المشاركة الأصلية كتبت بواسطة felix

ياريت لو لقيت حد في طريقك بيبيع حاجة للشيفروليه تبقى قلي بليز وانا ان شاء الله لو لقيت حاجة للدودج هقولك ادام الدماغ واحدة
وربنا يوفأك

إن شاء الله بس أصل دى ساكن جمبى

المشاركة الأصلية كتبت بواسطة horas3000

مش هعرف افيدك في موضوع المواتير ده
بس راي تتوكل علي الله
دي المفروض صور العربية اللي بتتكلم عليها

هيا بالظبط من قدام بس من وره مش هيا لأن الى عندى 4باب بس الشنطة زى الكوبية

**Eslam.Elrefaey** · 18-06-2010 06:36 AM

المشاركة الأصلية كتبت بواسطة ralliart

في واحد في شارع فيصل ،انا مش فاكر مكانه بالظبط بس على فيصل الرئيسي هتلاقي مخزن كبير مليان عربيات امريكي متقطعه ومعظمها شيفي
وفي في الحرفيين ناس متخصصه في الامريكي بس
بس متنساش تصورلنا العربيه
ويا ريت لو قدام حضرتك حاجه زي كده تبقى تقولي

طيب ده ممكن ألاقى عنده مواتير للدودج

**Eslam.Elrefaey** · 18-06-2010 06:38 AM

المشاركة الأصلية كتبت بواسطة ralliart

لو عرفت تثبت موتور ديزل يبقى تمام جداً وسقط الدبابه او الدي ماكس(الاتنين واحد) وهيكون عزمها عالي جداً
لو معرفتش يبقى لازم بنزين ولو مش هتقدر على البنزين يبقى بيعها احسنلك لان البنزين هيغلى كمان
هي ليها مواتير كتير بنزين 3100 ,4100,5100,5700,6500,3500 cc
واكتر واحد موجود هيكون الـ4100 وحاول متعلاش عن كده علشان متبقاش حوت بنزين
وربنا يوفقك في التظبيط وانا مستنيك تشجعني على الخطوه دي :m_yes[1]:

هوا هيكون تثبيت الديزل صعب ليه ولو المواتير بنزين وحولتها غاز هل العزم هيضيع فعلا

شكرا لكل الى رد وإن شاء الله هصورها وأجيب باقى التفاصيل من الراجل صاحبها

**magyver** · 18-06-2010 07:02 AM

ويتيينج يااسلم

**Ralliart** · 18-06-2010 10:43 AM

المشاركة الأصلية كتبت بواسطة eslam.elrefaey

طيب ده ممكن ألاقى عنده مواتير للدودج

والله معرفش بس لو عديت من قدامه تاني هنزل اسألك ان شاء الله

المشاركة الأصلية كتبت بواسطة eslam.elrefaey

هوا هيكون تثبيت الديزل صعب ليه ولو المواتير بنزين وحولتها غاز هل العزم هيضيع فعلا

شكرا لكل الى رد وإن شاء الله هصورها وأجيب باقى التفاصيل من الراجل صاحبها

تثبيت الديزيل شبه مستحيل في المرور لان القانون الجديد بينص على ان العربيه لازم ينزلها موتور من نفس الماركه ونفس نوع الوقود إلا لو عملت طلب وشكلو لجنه فنيه تقول ان العربيه ملهاش مواتير بديله في السوق ويوافقولك وطبعاً احنا في بلد الكوسه لازم واسطه علشان الحوار ده يسلك
ولو عرفت تظبط المرور يبقى احسن حته يسقطولك الموتور هي الشرقيه لان العربيات الامريكاني هناك كتييير جداً وكلها مواتير ديزيل

ومظنش ان الغاز هينفع مع المواتير الكبيره اصلاً وطبعاً سحبه بيبقى في الضياع خالص وهتخرب الموتور وهتحتاج قطع غيار وعمره كل شويه وهو اصلاً قطع غياره هتكون غاليه

**Eslam.Elrefaey** · 18-06-2010 11:43 PM

المشاركة الأصلية كتبت بواسطة ralliart

والله معرفش بس لو عديت من قدامه تاني هنزل اسألك ان شاء الله

تثبيت الديزيل شبه مستحيل في المرور لان القانون الجديد بينص على ان العربيه لازم ينزلها موتور من نفس الماركه ونفس نوع الوقود إلا لو عملت طلب وشكلو لجنه فنيه تقول ان العربيه ملهاش مواتير بديله في السوق ويوافقولك وطبعاً احنا في بلد الكوسه لازم واسطه علشان الحوار ده يسلك
ولو عرفت تظبط المرور يبقى احسن حته يسقطولك الموتور هي الشرقيه لان العربيات الامريكاني هناك كتييير جداً وكلها مواتير ديزيل

ومظنش ان الغاز هينفع مع المواتير الكبيره اصلاً وطبعاً سحبه بيبقى في الضياع خالص وهتخرب الموتور وهتحتاج قطع غيار وعمره كل شويه وهو اصلاً قطع غياره هتكون غاليه

يعنى لو معايا واسطة هتبقى سهله يعنى طيب دى سهله شويه أما التسقيط فى الشرقية صعب هيبقا مكلف جدا بس هاشوف برضه شكرا لمتبعتك

**pro_samir** · 19-06-2010 02:57 AM

موضوع انك تحط موتور ديزل أو موتور ماركة تانية دة بالفعل مينفعش الا زي ما ralliart بيقول بتعمل طلب ان العربية ملهاش مواتير ودة بيتعمل في جهة اسمها غريب قوي مش فاكر ادارة المحاريث او حاجة زي كدة في القاهرة حد كان بيتكلم عليها هنا من فترة كبيرة

وهم اللي بيعملو الموضوع لو ثبت ان العربية ملهاش مواتير بتتباع أو ملهاش قطع غيار ومحتاجة موتور جديد

وبعدين في نقطة هم اصلا في المرور هيعرفو منين نوع الموتور اللي انت شارية ؟

يعني انت لو اشتريت موتور شيفرولية وخدت فاتورة من البائع ان دي ماركة الموتور ومثبوت فيها الرقم بتاعة الناس بتوع المرور هيعرفو نوعة الأصلي منين ؟ مفتكرش خالص انهم ممكن يعرفوة !

لكن مش عارف هل نفس الكلام هينطبق علي الديزل والبنزين ولا لأ

بس المهم تشوف هتعرف تتصرف في باقي قطع الغيار كمان ولا لأ زي العفشة وكدة