عرض مغرى! - إشترى عربية ساجا و إدفع ثمن عربيتين!

**tamermagdi** · 17-06-2010 02:26 PM

بخصوص البنزين زميلنا Allo كاتب موضوع حلو عن تجربته مع الساجا بعد 11 الف كيلو. وبصراحه هو ده الكلام. العربية تبدا تتقيم بعد الـ 10 ألاف وبينى وبينكم بعد 100 و 200 ألف كمان العربيات بتظهر على حقيقتها. يعنى بص على يابانى وكورى زيرو ممكن تشوفهم زى بعض ويمكن الكورى يشدك اكتر . بس بص بعد أول 100 ألف هتلاقى العربية الكورى متهدلة الأطراف و تبدوا عليها علامات الإعياء :) و اليابانى وحش. إنما بعد 200 الف فمش هتلاقى الكورى أصلاً :)

المهم زميلنا Allo قال فى موضوعه إن إستهلاك البنزين عنده معقول جداً
خشوا شوفوا الموضوع كله هيعجبكم
http://www.nilemotors.net/Nile/154659-11000.html

**tamermagdi** · 20-06-2010 03:09 PM

ده موضوع عن أسعار قطع غيار رينو لوجان للى حابب يعمل مقارنة
http://www.nilemotors.net/Nile/156062-a.html

**mo7hamedemad** · 20-06-2010 04:14 PM

المشاركة الأصلية كتبت بواسطة tamermagdi

يا نهار أبيض للدرجة دى يا أستاذ محمد :)
لا فعلاُ نزل إعلان بس للأسف مش التوكيل اللى منزله. ده أباظه عامل معرض جديد فى القاهرة الجديدة. وعامل إعلان فيه عربيات كتير من ضمنها الساجا و الجين تو

هوة الموضوع انى نفسى يبقى ليها اعلانات ودعايا لانها عربية محترمة جدا وانا واثق ان العربية دى لو واخدة ربع الدعايا الى وخداها شركات تانية بدون ذكر اسماء هتكسر الدنيا وهتبقى رقم واحد بدون منافس
والناس كلها هتعرفها لان كل الى عارفها هنا عارفها بالصدفة وانا منهم يعنى مثلا انا عرفتها بالصدفة وانا ببحث على النت لقيتها
فتخيل لو فية اعلانات بقة .......... تخيل وضع بروتون عموما

**tamermagdi** · 21-06-2010 10:18 AM

المشاركة الأصلية كتبت بواسطة mo7hamedemad

هوة الموضوع انى نفسى يبقى ليها اعلانات ودعايا لانها عربية محترمة جدا وانا واثق ان العربية دى لو واخدة ربع الدعايا الى وخداها شركات تانية بدون ذكر اسماء هتكسر الدنيا وهتبقى رقم واحد بدون منافس
والناس كلها هتعرفها لان كل الى عارفها هنا عارفها بالصدفة وانا منهم يعنى مثلا انا عرفتها بالصدفة وانا ببحث على النت لقيتها
فتخيل لو فية اعلانات بقة .......... تخيل وضع بروتون عموما

والله عندك حق

**x512** · 21-06-2010 09:52 PM

دي تقريبا اسعار قطع غيار البيرسونا....بس عموما هي البروتون قطع غيارها غاليه شويه....تقدر تقول ماشيين بسياسه تويوتا...يديك عربيه كويسه و متينه و فيها كماليات بسعر معقول و يقطم وسطك في قطع الغيار

**x512** · 21-06-2010 09:55 PM

المشاركة الأصلية كتبت بواسطة tamermagdi

والله عندك حق

مع احترامي لرأي حضرتك ..بس العربيات الفشنك هي اللي بيتعملها اعلانات (خصوصا في التليفيزيون المصري) و علي سبيل المثال الكروز....نزلو عليها بحمله ضخمه و جايبين احمد عز ...و طلع فيها عيب في السوفت ويير و بتفصل مما يعرض حياه راكبيها للخطر....مثاال اخر... الاوبترا...عربيه عاديه جدا لا ثبات ولا صاج و لا كماليات و برضو عملينلها حامله ضخمه....العربيه النضيفه مش محتاجه اعلان...زي البي ام و المرسيدس كدا..مع ان ليهم اعلانات بس مش بتيجي عندنا

**zkralla** · 22-06-2010 12:28 PM

مع خالص اعتذارى للمدافعين عن التوكيل ورغم أنى عارف أن كلامى هيتأخذ بحساسيه - من البعض - لأنى من ملاك اللوجان
بس والله العظيم أنى بحب العربيات بتاعه برتون كلها ومتيقن من أن برتون ديه بتعمل عربيات ملهاش حل من معظم الاوجه
المشكله أن عز العرب هو الى مش عاوز يكسب
يحسن خدمات ما بعد البيع ويعمل دعايه اكتر هيكسب اكتر وهيبع عربيات كتير
هو ربنا انعم عليه بنعمه (توكيل لعربيه محترمه ) لكن هو مش بيصون النعمه
أنا لو معايا توكيل زى توكيل جين 2 ده أنا كنت كسرت الدنيا فى مصر