جربت تزيت البطاحات ؟؟
و بالنسبه للحدفة دي الكاوتش بتاع العربيه حالته ايه و اعمل زوايا تاني
عرض للطباعة
جربت تزيت البطاحات ؟؟
و بالنسبه للحدفة دي الكاوتش بتاع العربيه حالته ايه و اعمل زوايا تاني
طيب بأقولك أيه
متروح تعمل ترصيص للعجل الأمامى فى مكان كويس
لأننى شاكك أن بلية الفرده اليمين مش مظبوطه معاك
ولو هى بتلعب معاك وأنت بتكسر الدركسيون يمين
حتعملك الطقه وأنت واقف وتخللى العربيه تحدف منك يمين مع السرعات
________________________________
بالمناسبه فيه عندك طقه فى الجنب الشمال وأنت بنكسر الدركسيون شمال ولالا
وهل فيه حدفه شمال وأنت ماشى على سرعه ولا لا ..........؟
وتقصد أيه بالعباره دى بالضبط ...........؟اقتباس:
و حاولت اجيب الدركسيون شمال
شكرا على الرد, هي الطقة دى بسمعها لما بجسب الدركسيون سنه شمال بسرعة و العربية واقفة و فعلا فيه حدفه شمال وانا ماشى بسرعة حتى و انا ماشى سلانسيه و ضابط الدركسيون العربية نتيجي ناحية الشمال. ايه رايكم اعمل ايه؟
أعتبر الكلام ده للجنب الشمال برضهاقتباس:
طيب بأقولك أيه
متروح تعمل ترصيص للعجل الأمامى فى مكان كويس
لأننى شاكك أن بلية الفرده اليمين مش مظبوطه معاك
ولو هى بتلعب معاك وأنت بتكسر الدركسيون يمين
حتعملك الطقه وأنت واقف وتخللى العربيه تحدف منك يمين مع السرعات
وشيك على الجنبين
شكرا جزيلا على ردودكم,
طبعا مشكلة الطقة اللي في الدركسيون لسه موجودة, انا قولت اركب بطاحات و كوبايات جديدة و كنت خايف برده من المقصات الاستيراد اللي جبتها قبل كدة فقلت اغيرها بمقصات اسباني و كمان بيض دركسيون جديد, و فعلا روحت عند العفشجي و غيرت البطاحات و الكوبايات و المقصات و بيض الدركسيون و كله جديد و المقصات اسباني, و بعد مامشيت من عند العفشجي كان كله تمام بس تاني يوم لقيت فيه صوت تزييق في المطبات و لما بفرمل.. هوا ده عادي علشان المقص لسه جديد ولا ايه؟ و برده مشكلة طقة الدركسيون لسة موجودة و شاكك في علبة الدركسيون او الاسكترا .. بس اعرف منين انها من الاسكترا ولا من علبة الدركسيون؟ ارجوا المساعدة مع جزيل الشكر.
محدش قابله الموضوع دة قبل كدة؟
أعتقد بعد المصاريف اللى أتكلفتها دى كلهااقتباس:
بس اعرف منين انها من الاسكترا ولا من علبة الدركسيون؟ ارجوا المساعدة
مفيش قدامك غير تغيير علبة الدركسيون كاملة بالبلف الدوار
اللى بياخد حركه زاويه من قطمة الدركسيون
فهاتلك واحد كامله أستيراد بالبلف بتاعها
وأمرك لله
أنا سائل عليها عندنا كامله بالأسماعيليه
بتعمل من 250 الى 300 ج بكتيره
أكتر من كده ما تدفعش
وخللى عفشجى كويس يركبهالك وخلاص
وشوف أيه الجديد
طالما أنت مطمن لكل مكونات العفشه وبلى العجل
مهندس سمير كتر خيرك على الرد... طيب و حكاية صوت تزييق في المطبات و لما بفرمل.. هوا ده عادي علشان المقص لسه جديد ولا ايه؟ انا اسف زهقتك معايا
بصراحه أنا مش مقتنع أن التزييق ممكن يحصل من مقصات لسه متركبه جديد
فقد يكون هناك عيوب متداخله عندك فى العفشه الأماميه
بسبب عيب الأسكترا مثلا
وعيوب العفشه والتزييق والقصص دى بتبقى عيوب معقربه الصراحه
وبدوخ أى عفشجى وهو بيجرب العربيه على الطبيعه كمان
فبعد ماتغير الأسكترا
وتراجع كويس تانى على كاوتشات الميزان
وصوابع كالبرات الفرامل بالمره
ممكن تلاقى بقدرة الله
كل أمورك بأت فى السليم
حاجة غريبة قوي, انا معملتش حاجة جديدة, بس صوت التزييق ده راح خالص امبارح بالليل بس و رجع تاني النهاردة الصبح.. سبحان الله.. و طبعا لسة مشكلة الدركسيون موجودة