هو بقى النصب بقى فى البطاريات كمان

**mohkhattab** · 16-06-2010 08:52 PM

بجد انا عاوز اخد رائيكم فى الموضوع دا
انا اشتريت بطارية جديدة عادية النسر قارتا 55 امبير بالضمان فى شهر 12 . و خلال الست اشهر اللى فاتوا تابعت الصيانة بتاعتها من المحل اللى اشريت منه البطارية . و كان العامل بيمضى على الضمان .
المهم انا ركنت العربية خمسة ايام .جيت ادورها النهاردة العربية ما درتش قلت احتمال البطارية نامت قمت موصل توصبلة بعربية تانية العربية قامت .
رحت المحل اللى اشتريت منه البطارية و كشق على البطارية قالى البطارية جابت ربع قلته انا لسه فى الضمان هاتلى بقى واحدة جديدة قالى ماشى بس حضرتك حتدفع حق استهلاك البطارية القديمة ؟؟؟؟؟
قلت فى البالى كام يعنى 20 ج . قالى حضرتك استخدمها ستة شهور كل شهر ب 20 ج يعنى انا عاوز من حضرتك 120 ج قيمة استهلاك البطارية القديمة و البطارية الجديدة ب 150 ج .
قلتلو 120 ج ايه مش انا فى الضمان و متباع الصيانة معاك قالى حضرتك ممكن تروح فرع الشركة اللى فى رمسيس تسالهم.
المهم روحت الشركة و قالولى فعلا ان لازم ادفع قيمة استهلاك البطارية و عن كل شهر 20 ج رغم ان كل اللى مكتوب فى الضمان ان البطارية ترد باخرى جديدة من غير اى مقابل .
هو النصب بقى كمان فى البطاريات ؟؟؟؟؟؟

**أحمد كمال** · 16-06-2010 08:58 PM

ياختي كاميلة عليهم و عاللي جابوهم !!!!!

يعني الفرق بين اللي حضرتك هتدفعه و تمن البطارية الجديدة 30 جنيه؟ يا بلااااااااااااااش !!!!

ده نصب و انا بانصحك تكلم حماية المستهلك و تعمل محضر في القسم

**nomercy22** · 16-06-2010 09:33 PM

في مصر توقع كل حاجه

**beeboo2005** · 16-06-2010 10:10 PM

المشاركة الأصلية كتبت بواسطة أحمد كمال

ده نصب و انا بانصحك تكلم حماية المستهلك و تعمل محضر في القسم

نفس النصيحة---عليك و حماية المستهلك لأن ده نصب علنى

**Abo el-Seoud** · 16-06-2010 10:13 PM

للاسف الكلام ده صح لان النسر والكلورايد ضمانهم فيه نسبة استخدام بتتخصم من قيمة البطاريه انا حصلت معايا قبل كده ومن ساعتها بطلت اجيب منها تاني
وللاسف الكلام ده مكتوب في الضمان بتاعهم يغني محدش هيعمل حاجه
نصيحه في المسيتقبل بلاش نسر وكلورايد وريح دماغك
ومعلش للي حصل لك

**M.Osman** · 16-06-2010 10:16 PM

انا بصراحة مبقتش بصدق الضمان في اي حاجة بشتريها من مصر

**Abo el-Seoud** · 16-06-2010 10:19 PM

المشاركة الأصلية كتبت بواسطة beeboo2005

نفس النصيحة---عليك و حماية المستهلك لأن ده نصب علنى

المشاركة الأصلية كتبت بواسطة nomercy22

في مصر توقع كل حاجه

حماية المستهلك بتاخد بالضمان وبما ان الضمان مكتوب فيه انه هناك نسبة استهلاك مش هيعملوه حاجه
لان العقد شريعة المتعاقدين والضمان يعتبر الزام من الطرفين

**mohkhattab** · 17-06-2010 01:19 AM

اولا : بجد شكر عام لردود كل الاعضاء و شكر خاص للمهندس سمير . بس يا جماعة هل انتم مقتنعين ان جهاز حماية المستهلك هيهتم بالموضوع دا ولا الموضوع هيتركن زى اى موضوع