كنت عاوزة اسأل عن سعر السبارك كام؟
وايه ارخص معرض اوالتوكيل؟
وبداية تصنيعها امتى؟
وكسر الزيرو يعمل كام؟
وهل تنصحوا بيها؟
عرض للطباعة
كنت عاوزة اسأل عن سعر السبارك كام؟
وايه ارخص معرض اوالتوكيل؟
وبداية تصنيعها امتى؟
وكسر الزيرو يعمل كام؟
وهل تنصحوا بيها؟
سعر السبارك دلوقتي 51000 جنيه في منصور شيفروليه و حتلاقيها في المعارض ب 50500 جنيه
و انا بنصحك بالمعارض الكبيرة زي اوتو سمير ريان
العربية معايا و الحمد لله جميلة جدا و فيها كل حاجة فول اوبشن بالمقارنة للي معاها في نفس الفئة (البيكانتو و الi10)
تكييف و باور و كاسيت و 2 زجاج كهرباء امامي و جنوط و المراية اليمين كهرباء و سنتر لوك
انا سالت عليها في اماكن الصيانة قبل ما اشتريها ملاقيتش حد اشتكي منها عكس الاوبترا و الافيو اللي فيها بعض الشكاوي
العربية بتجري كويس و بس الثبات بتاعها بعد ال 130 مش مستقرة و تكيفها ساقع ما شاء الله و الباور بتاعها حلو ..... و طبعا حجم العربية صغير بس و انتي جواها مش حتحسي ان هي ضيقة خالص
الكنبة اللي ورا اي اثنين يقعدوا مستريحين جدا مع وجود مساحة كويسة للرجلين.....مع امكانية جلوس 3 افراد بس حتبقي ضيقة شوية
احلي ميزة ان العربية عالية عن الارض ..... و حتي و حضرتك سايقاها حتحسي ان هي عالية و سقفها عالي زي الماتركس
الشنطة مساحتها معقولة بالنسبة للهاتش باك و مساحتها 170 لتر مع امكانية طي الكنبة اللي ورا عشان مساحة الشنطة تزيد
استهلاك البنزين معقول يعني جوه البلد التانك بتاعها 35 لتر بيقعد 430 كم و معرفش علي الطرق السريع الاستهلاك كام عشان لسا مجربتش ... بس بيقولو ال 35 لتر بيعملو 650 كم
بداية تصنيعها من 2007
يعني بقالها 4 سنين بالمسمي الجديد شيفروليه سبارك 4 سليندر و 1000 cc
عشان هي كانت اسمها دايو ماتيز بس كانت 3 سليندر و 800 cc
و رأي بلاش كسر الزيرو عشان الواحد مبقاش ضامن حاجة في البلد ديه مع العلم حتلاقي كسر الزير عامل حوالي 5000 كم و مطلوب فيه 49000 حنيه....!!
انا انصحك بالعربية ديه لأنها عملية جدا و سهلة الركنة و حلوة في الزحمة اللي عندنا دية و ده غير الكماليات اللي فيها و هي متصنعة و متجمعة في كوريا يعني مفيش مصري لمسها عشان كدة حتلاقي تقفيلها ممتاز
و يا رب اكون افادتك
هي فعلا حلوة لكن برضه سعرها مش في متناول اليد
ممكن حضرتك تشتريها كسشر زيرو فى حدود الاربيعينات
دورى فالوسيط وكونتاكت كارز
هى عربيه ممتازه انا معايا 2009 و سافرت بيها الساحل و العريش و بجرى على 140 و هى زى الفل انا عامل بيها 41000 و بفكر ابيعها عشان محتاج اكبر على الرغم من انى خايف ابعها معرفش اركب زيها تانى من الاخر عربيه تحفه و 20 لتر بيعملوا معايا داخل البلد 240 و ممكن يعملوا 350 على السريع
بسم الله الرحمن الرحيم
بناء على كلام حضرتك
كنت عاوزة اسأل عن سعر السبارك كام؟ حاليا ثمنها 51.000 من موقع كونتاكت
وايه ارخص معرض اوالتوكيل؟ معنديش فكره
وبداية تصنيعها امتى؟ زى ما قال الأستاذ فوزى بدأ تصنيعها ونزولها مصر سنه 2007
وكسر الزيرو يعمل كام؟ على حسب حاله الإستهلاك
وهل تنصحوا بيها؟ أنصحك بيها لإنها ممتازه جدا
العربيه عاليه عن الأرض إرتفاعها 150 عن سطح الأرض والموتور 1000 سى سى على جسمها ووزنها كويس جدا والسحب كويس أنا بحط 92 والعزم تمام والثبات على الطرق السريعه أنا بجيب العداد على 160 وبصراحه مابتعملش حركه نداله بسم الله ماشاء الله عربيه تستاهل تمنها بجد أنا كنت جايبها موديل 2008 وكانت عامله 56.000
2 سماعه قدام + 2 زجاج كهرباء أمامى + تسجيل شرايط + تكييف 5 سرعات وتأثيره مش جامد + 5 غيارات مانيوال وغيار رجوع أى إستفسارات أنا موجود وتحت الخدمه فى أى وقت
فعلا عربيه تحفه أنا بقالي سنه بجمع عنها معلومات من جميع مواقع السيارات داخل وخارج مصر ع النت...لإني إن شاء الله بفكر أشتريها لما أنزل مصر الأجازه الجايه ... بمشيئة الله .
فعلا يا أستاذ باسم
عربيه ممتازه جدا ده رأى فيها من غير تحيز أنا قبل كده كنت مخنوق منها بس لما أخدت عليها أكتر حبتها أنا شوفت ليها فيديوهات كتير على اليوتيوب كانت بتعمل سبق مع هوندا أكورد تقريبا وهيه اللى فازت ده غير إنى شوفت شاب بيعمل بيها أمريكانى والموتور 1000 يعنى عربيه ممتازه والـCrash Test واخد 4 نجوم وأنا سرعتى فيها 145 ومش بتعوم خالص. منتظر أى إستفسار بخصوص الوزه شيفروليه سبارك
هيا واخده 4 نجوم في أختبارات السلامه ؟
ده شيء ممتاز والله .... بس ليه بتقول أنك كنت مخنوق منها الأول ؟؟؟