الموضوع: هتركب قطعة البريك لحل مشكلة المارشيدير؟

فين الآراء دي أنا لازم أركبها مستني بس الإمتحانات تخلص

هى فين المشاكل اللى حصلت من البريك .... كل ما فى الامر ان احنا بننصح الناس بان اللى معندهوش عضة ما يطلبش
يركب حاجة مالهاش لازمة وبس

المشاركة الأصلية كتبت بواسطة mohamed1979

من رأى اخوكم اصبروا لما العربيه تلين لأن العربيه بعد ال 16000 الف المشكله اختفت
كان برضه فى صوت زى رجرجه المياه فى الزجاجه برضو الصوت ده اختفى من عندى
العربيه عندى مع الوقت بتتحسن
الحمد لله ان الواحد ربنا اداله عربيه جميله زى اللوجان

انا معدى ال 10000 كيلو والحمد لله العربية زى الفل وجميلة فى كل حاجة ... احنا باقينا بنخترع مشاكل جديدة من عندنا

أنا اساسا معنديش أى عضه أنا اصلا لما بجيب المارشدير باستنى شويه وباجيب سنه قدام
متعود على كده من ايام السيات وال 128
لكن برضه هركب القطعه - طالما بتركب ببلاش وبدون مشاكل - لأنى متأكد أن احتمال حدوث مشاكل منها هو احتمال حدوث مشاكل من اى حاجده بتتعمل فى التوكيل يعنى الى هو احتمال قليل جدا مش هيخلينى ما اعملهاش

معذرة علشان الموضوع مش وافى بس أنا كنت فاكر كل الناس قرأت المشاركات الأخيرة لبعض الزملاء عن المشاكل اللى ظهرت بعد تركيب البريك واضطرت أحدهم لقطر السيارة بونش .. على أى حال دى بعض الاقتباسات :

انا كنت شاكك في قصة عصاية الفتيس عشان كنت رحت قبل كده وركبت مجموعة البريك عشان عضة المارشدير فحسيت انو ممكن يكون اللي قفّل الفتيس ماقفلوش صح وهو اللي سبب اللي حصللي يعني لأنه كانت لسه خارجه من التوكيل من اقل من 10 ايام ومامشيتش فيهم 200 كيلو على بعض يعني

يا جماعه بلاش حد يركب مجموعه البريك ده غير فى حالات الضروره القصوى
الفتيس مفهوش مشكله و انت بتجيب مرشدير هتجيب الفتيس يمين وتعد 1 2 و ترجعو للخلف
و ان شاء الله مش هتسمع حاجه
حرام عربيه جديده يتعمل فيها كده و قبل الضمان ميخلص كمان 3 سنوات ان شاء الله او قرب ال100000 ممكن تعمل كده و تركب المجموعه

انتوا كدا خوفتوني من موضوع مجموعة البريك دي اصل كنت ناوي اخليهم يعملوها في 10 تلاف طيب كده ساعات اجي اعمل مارشدير الاقي نقله وهميه في النص وساعات تيجي بس بعضه في 5000 تلاف رفعولي الدبرياج طبعا اضايقت بس قلت استني احتمال تضيع بس مفيش فايده طب ايه الحل

ممكن حضرتك تقول لنا انت ركبت مجموعه البريك في اى فرع المقطم ولا العبور ؟ لانى ركبتها فى المقطم و هى زى الفل بس مره كده العربيه و انا ماشى و كانت على التالت جابت مور لوحدها

http://www.nilemotors.net/Nile/156658-a.html

مكــــــــــــرر