السلام عليكم ورحمة الله وبركاته
لو سمحتم
عايز صورة لشكل زراير تكييف لانوس 1 موديل 99 وشرح طريقة تشغيلة
وجزاكم الله خيرا
عرض للطباعة
السلام عليكم ورحمة الله وبركاته
لو سمحتم
عايز صورة لشكل زراير تكييف لانوس 1 موديل 99 وشرح طريقة تشغيلة
وجزاكم الله خيرا
http://i83.photobucket.com/albums/j3...parts/39_1.jpg
ألبكرة الكبيرة اللى على الشمال بتتحكم فى حرارة الهوا اللى خارج من فتحات التكييف... الاحمر سخن و الازرق بارد بس لاحظ ان الهوا البارد مش حيبقى متاح الا لو زر A/C مضغوط
البكرة الكبيرة اللى على اليمين بتتحكم فى مخارج الهوا و المخارج المتاحة على الترتيب من تحت لفوق هى:
فتحات التابلوة الامامية
فتحات التابلوة الامامية + الفتحات السفلية
فتحات التابلوة السفلية
فتحات التابلوة السفلية + فتحات الزجاج الامامى
فتحات الزجاج الامامى
البكرة الصغيرة اللى فى النص دى سرعة مروحة الصالون... لاحظ ان المروحة ملهاش علاقة بحالة عمل التكييف البارد... يعنى ممكن تشغل المروحة دى كتهوية فقط مش تبريد الصالون
الزرار اللى على الشمال تحت A/C دة بيشغل كمبريسور التكييف عشان تحصل على هواء بارد... لاحظ ان الكومبريسور مش حيلقط الا لو بكرة المروحة على وضعية تشغيل (لو البكرة على OFF الكومبريسور مش حيشتغل)
الزرار اللى فى النص تحت بيتحكم فى مصدر الهوا اللى مروحة الصالون بتسحبة... الوضع الشمال المروحة حتسحب هوا من برة العربية و الوضع اليمين المروحة حتسحب هوا من جوة الصالون
الزرار اللى تحت يمين ملوش علاقة بالتكييف (دة سخان الزجاج الخلفى)
MMamdouh
انا فى عندى مشكلة ان البكرة بتاعت اتجاة الهوا مش شغال البكرة اللى على اليمين
يبقى الكابل بتاع التحكم بتاعها مكسور
الزقة بامير او اشترى طقم سلوك
MMamdouh
ممكن طريقه فكها علشان عندى لمبه فاصله
راجع قسم اهم الموضوعات حتلاقى موضوع عن فك التابلوة... من ضمن خطواتة فك لوحة التحكم اللى فى الصورة
عشان تطلع اللوحة برة التابلوة خالص لازم تفك ال3 كابلات بتوع التحكم... حتلاقى واحد على يمين الرجل اليمين للسواق و الاتنين التانيين حتشوفهم لما تفك درج التابلوة
MMamdouh
وزرار سخان الزجاج بيتباع
ممكن استخده لاى حاجه تانى
وشكرا على سرعة الرد
زرار السخان مفيش ورا منة اى توصيلات فى البوردة بالتالى مش حتعرف تستعملة فى حاجة
MMamdouh
شكرا ا / محمد
انا عندي الزجاج الخلفي عليه سخان
الي هي خطوط حمراء بالعرض
يعني كده المفروض لما اشغل زرار السخان بس بيشتغل ويعمل علي ذوبان الشبورة الي بتتكون عليه في الشتا لما ابقي قافل العربية خالص
صح ؟
علشان عندي كنت لما بشغله بس الشبورة برضه بتبقي موجودة
شرح رائع يا استاذ/ محمد ممدوح ربنا يزيدك من علمه انا فعلا استفدت منك شكرا لك
لتكيف عندى الكهربائى يقول مفيهموش فريون وبتاع التكيف يقول الفيوزات سليمة بس راجع توصيلة السلوك عند الكهربائى وهو فية فريون كتير وهو كان شغال وفصل فجأة وخايف حد يعكلى فى العربية وبس
أشيروا عليا أعمل أية
السلام عليكم ورحمة الله وبركاته
انا بصراحة مش عارف اشكر حضرتك ازاى يابشمهندس
على سرعة الرد والشرح الوافى
لك منى جزيل الشكر
ولكل القائمين على المنتدى الاكثر من ممتاز وشكرا ايضا للأعضاء
وارجو ان انتم ماتزهقوش من كتر اسئلتى
و السلام عليكم ورحمة الله وبركاته
coledge
انا بقا عندى سؤال لية اللانوس مفيهاش سخان الزجاج الخلفى
ممكن صوره توضح الفرق بينه وبين زراير تكيف لانوس 2
افضل وضعية هى الوضعية اللى تريحك
MMamdouh