عرض للطباعة
برجاء افادتي جزاكم الله كل الخير بأقرب مكان من الممكن ايجاد سكن مفروش به قريب من شارع الشركة العربيه بالسيوف (مجمع المدارس) ... لدي عمل لعدة أيام في هذه المنطقة ولم أقم بزيارتها من قبل ...ولاأعرف من يساعدني هناك سواكم أخوتي الأحباء ... أرجو الرد سريعا ولكم جزيل الشكر
وهل هناك مواصلات متوفرة لهذه المنطقه من العجمي هانوفيل ؟؟؟؟ أشكركم كل الشكر
ربنا يوفقك يا احمد باشا في مهمتك
ححاول اسألك عن شقة مفروشة في المنطقة دي
لكن خد بالك المسافة طويلة من الهانوفيل للسيوف و لازم تاخد مواصلتين واحدة من السيوف لمحطة مصر او المنشية او الموقف الجديد و التانية من محطة مصر او المنشية او الموقف الجديد
يا تري حضرتك حتكون لوحدك و لا معاك الاسرة عشان دي بتفرق في المفروش
بيتهيالي صعب جدا تلاقي سكن مفروش في المنطقه دي
خصوصا انه لفتره صغيره
المفروش بيكون في الاماكن القريبه من المصايف
زي ميامي وسيدي بشر
انما السيوف مظنش
وربنا يوفقك
أخي الكريم الأستاذ محمد
أشكرك جزيل الشكر على الرد السريع أكرمك الله وجزاك خيرا
المفروض أن أكون في الأسكندرية يوم الإثنين 21/6 ان شاء الله تعالى ولمدة ستة أيام ومعي زوجتي فقط
أشكرك أخي الكريم وافر الشكر وفي انتظار ردك
ان لم يتوافر في السيوف نفسها يبقى اقرب مكان ممكن ... يعنى ممكن تتمشى مثلا
طيب مبدئيا كده دي نمره سمسار اسمه سيد الباشا في ميامي
0123981149
ممكن يشوفلك حاجه هناك هو شغال في ميامي بس اكيد حيكون ليه معارف في السيوف
كلمه وشوف حيقولك ايه
ححاول اسألك و حرد عليك ان شاء الله و متنساش تجيب معاك قسيمة الزواج
و دي برضه نمرة سمسار اسمه حجاج ماسك من فيكتوريا للسيوف و ممكن يفيدك اكتر
0124258476
أخوتي الأفاضل ... الأستاذ محمد والأستاذ Shnory
أشكركما وجزاكم الله خيرا وجعل ماتقدمانه من مساعدة في ميزان حسناتكما ان شاء الله
الله ينور علي الاسكندرانية السهرانين و فاتحينها خدمات 24 ساعة:nopity:ايه اللي مسهرك لحد دلوقتي يا باشا .. العيال شكلهم مش منيمينك :mahf(5):اقتباس:
المشاركة الأصلية كتبت بواسطة shnory
لا شكر علي واجب احمد باشا و تنور اسكندرية يا باشا و تحت امرك في اي وقتاقتباس:
المشاركة الأصلية كتبت بواسطة ahmad_nawwara
فعلا ... صدق اللي قال .. الإسكندرانية أجدع ناس
معلش سؤال كمان ... يعني متنصحونيش اروح الهانوفيل خالص لو ملقيتش حاجة فى الأسكندرية(للعلم دي شقة صديق وعارضها للأيجار)
لو من باب توفير التكاليف يبقي مافيش مشكلة انما لو حتأجرها من صاحبك يبقي لأ و ال لأ لان المسافة كبيرة من الهانوفيل للسيوف و بعدين واضح انك جاي من غير عربية - حتبقي مشقة عليك قوي لانك لو جاي بعربية ممكن تخطفها من الدائري حتاخد المشوار في نصاية كده انما لو من البلد صعب جدا خصوصا ان السادة المصيفين بدأو يهلوا من دلوقتي
يا باشا احنا تحت امرك في اي حاجه تعوزهااقتباس:
المشاركة الأصلية كتبت بواسطة ahmad_nawwara
هو انت عندك اختيار من اتنيناقتباس:
المشاركة الأصلية كتبت بواسطة moh.fahmy
يا الحب مسهرني ومش عارف انام
يا البرغيت والناموس بيقرصوني ومش عارف انام برضه
فياتجيبلي عروسه يا تجيبلي رش للناموس
ههههههههه اختار بقي
ربنا يعزك يا باشااقتباس:
المشاركة الأصلية كتبت بواسطة ahmad_nawwara
بصاقتباس:
المشاركة الأصلية كتبت بواسطة ahmad_nawwara
من وسط البلد للسيوف حوالي 15 كيلوا
من وسط البلد للهانوفيل حوالي 20 او 25 كيلو
بجانب ان مفيش مواصله مباشره بينهم
وغير الزحمه بسبب المصايف
انصحك بشقه في سيدي بشر حتكون قريبه نوعا ما من السيوف ومن البحر لو حبيت تاخد اسرتك الكريمه وتصيف بجانب الشغل
وكل ما كانت الشقه بعيد عهن الكورنيش كل ما ايجارها حيكون معقول ما بين 120 و150 في اليوم وعلي حسب نضافتها
طيب العروسة و مقدور عليها :s1[1]: انما رش الناموس ده اجيبه منين :rfds:
الله ينور على المعلومات القيمة دي
للعلم شقة الهانوفيل معروضه ب 60 جنية في الليله ومكانها في شارع اسمه الجمعية على حد علمي
المنطقة دي صعب جدا تلاقي في فعلا مفروش باليوم لأن كلها أهالي وساكنين
أقرب مكان لها ممكن تلاقي فيه حاجة زي كده هي مدينة المستقبل في منطقة الساعة (أو دربالة)...منها تكون قريب للمواصلات الرئيسية ومنها في مواصلة من عند المدينة لشارع الشركة العربية..وفي أكتر من سمسار هناك...لو لسه لم تستقر على شئ وعاوزني أشوفلك حد هناك ترتب معاه تؤمرني
وسيبك من قصة العجمي دي لأنها فاشلة في الصيف
الله يكرمك ويبارك فيك .... انا بالفعل لسة معرفتش هعمل اية لغاية اللحظة دي .... بحاول آخد معلوماتي منكم ... بس واضح انه ان شاء الله فيه خير وفرج طالما فيه ناس زيكم
خلاص...إن شاء الله على الظهر أجيبلك تليفون سمسار هناك
أشكرك وبارك الله فيكم ولكم
فعلاً، المسافة من العجمي كبيرة جداً وكمان بالمواصلات هاتلاقي عذاب رهيباقتباس:
المشاركة الأصلية كتبت بواسطة بحري
كنت داخل أقترح مدينة المستقبل زي ما د. بحري اتفضل واقترح
بس فيه الأقرب منها
عمارات كيروسيز اللي عند شارع الشركة العربية
ميزتها إنك مش هاتحتاج مواصلات لغاية مجمع المدارس
كلها 5 دقايق مشي وتوصل
وأكيد هاتكون أرخص من مدينة المستقبل بس تلاقي فيها مفروش
فيه اقتراحات تانية
زي عمارات عثمان اللي في شارع مصطفى كامل
برضة لو لقيت فيها هاتحتاج مواصلة واحدة لغاية مجمع المدارس، ميكروباسات العوايد.
وكمان عندك عمارات اسكندرية اللي في ميدان المطافي يمكن تلاقي فيها
وعندك جاردينيا اللي في شارع مصطفى كامل اللي تحتها فتح الله ماركت
وعندك عمارات الشركة المتحدة اللي عند الشهر العقاري في شارع أديب معقد
وعندك عمارات الأطباء اللي في أول شارع أحمد أبو سليمان من ناحية ميدان الساعة
كل دول هايكونوا مناسبين لك كقرب مسافة لو لقيت فيهم حاجة
دي منطقتي وكنت أتمنى أكون قاعد هناك حالياً كنت ساعدت حضرتك ولفيت معاك لغاية ما نلاقي حاجة.
أنا رايح في أجازة ليوم واحد بكرة إن شاء الله لو قدرت أجيب لحضرتك أرقام سماسرة من الأماكن دي هاقوللك.
وياريت لو تسمح تبعت لي رقمك على الخاص لسهولة إرسال الأرقام
أنا حاولت أبعت لك رسالة خاصة لقيتك مانع استقبالها
الله ينور يا أبوحمزةاقتباس:
المشاركة الأصلية كتبت بواسطة أبو حمزة
دي فعلا لو فيها مفروش تبقى حل أكثر من ممتاز
منطقتي يا دوك :ma:اقتباس:
المشاركة الأصلية كتبت بواسطة بحري
أخي الكريم أبو حمزة
ألف مليون شكر على المعلومات الذهبية القيمة دي ... بارك الله فيك ...كده يبقى ان شاء الله أنزل قبلها بيوم على الأماكن دي وأسأل وربنا معانا وان شاء الله نلاقي حاجة مناسبة ....
أشكركم ياأجدع وأحلى وأذوق رجاله
تنور اسكندرية يا باشا
مش هقدر ازيد على ما قاله الزملاء انما برشح رأى الاستاذ شنورى فى انك تجد شقة فى سيدى بشر بحرى أو ميامى علشان تعيش فى جو اسكندرية وتقدر تخرج على الكورنيش و تبقى المعمورة والمنتزة قريبة ليك
أما عن الهانوفيل بالعجمى ومكان عملك فكأنك بتقول شقة فى شارع النجدة بدمياط والشغل فى مستشفى الصدر بالمنصورة
ويفضل لو أمكنك تأجر عربية فى فترة تواجدك تبقى 100%
طب يا جماعة اللى عايز يروه اسكندريه هو والعائلة ( انا و مراتى و ولدين سنتين و 5 سنين) 3 ايام كدا من يوم السبت يروح فندق ايه يكون على البحر و يكون سعر الغرفة مثلا 300 جنيه ف اليوم؟ و يكون الغرف و اسعه و نضيفة
لا أعتقد أن فيه فنادق بالسعر دهاقتباس:
المشاركة الأصلية كتبت بواسطة hussein
بس ممكن تسأل فى فندق المحروسة و فنادق مثل مكة و المدينة المنورة وريجينسى
والافضل تشوف قرية فى الساحل الشمالى علشان تعرف تستمتع انما شواطىء اسكندرية زحمة جدا
سألت لك إمبارح في عمارات كيروسيز يا أستاذ أحمد أكتر من حد وكلهم أجمعوا إن مفيش هناك مفروش للأسف