حل مشكله تسريب زيت جوان غطاء التاكيهات نوبيرا
المشكله:
تسريب الزيت بعد فتره وجيزه حتى بعد تغير جوان غطاء التاكيهات.
نتيجه تقفع غطاء التاكيهات البلاستيك و عدم تسطحه على جوان غطاء التاكيهات.
السبب:
غسيل الموتور بالماء و هى ساخنه فعندها يتقفع غطاء التاكيهات البلاستيك حتى مع وجود الكفر فوقه.
واحد حيقولى أيه المشكله , مع رباط المسامير حيطبع مكانه تانى هو مش بلاستيك!؟
حرد عليه ب (لا) مش حيطبع تانى
لأن كل مسمار داخل على برنو حديد و البرنو داخل البلاستيك.
فلما يقفع البلاستيك سمكه بيقل فى حته و بيزيد فى حته تانيه .
الحته الى بيبقى السمك قالل فيها بتلاقى أن البرنو الحديد أطول من سمك البلاستيك و بالتالى مهما ربط المسامير
البرنو حيفضل حايش الضغط على البلاستيك.
الحل(1) :
فك الغطاء البلاستيك و سطحه على شىء مستوى (لوح زجاج) لاحظ أمكان البرنو الى خارج زياده عن البلاستيك.
علمهم و بزنبه و جاكوش بالراحه فور (طلع) البرنو العالى و كل منه شويه على الحجر بحيث مايبقاش أعلى من البلاستيك.
وركب جوانك و ما تغسيلش الموتور الا و هو بارد.
و بكده ينتهى ملل تغير الجوان .
الحل (2)
شراء غطاء تاكيهات الومينيرم استعمال.
الحل (3)
شراء غطاء تاكيهات بلاستيك أوبترا أصلى و نبتدى صفحه جديدة.
