الموضوع: هل طريق القاهرة اسكندرية الصحراوى مقفول؟؟؟

المشاركة الأصلية كتبت بواسطة kontakinty

كذا واحد قاللى ان الطريق من القاهرة للاسكندرية الصحراوى حيتقفل النهارده (الخميس 17/6) مش عارف الكلام ده صح و لا لأ؟؟

يا ريت اللى عارف معلومة يقوللى لأنى مسافر النهارده

وانا كمان عايز اعرف لنفس السبب.....انا عارف ان النهرده حيحولوا النقل كله للزراعي

انا سمعت من فتره انه هايكون فيه تطوير وهايتعمله تحويله !!

انا قرأت أنهم هيقفلوة النهاردة من 12 ظهرا الى 12 مساءا والسبت من 12 الى 12 ومش عارف السبب مع اني كنت مسافر الاحد اللي فات وبصراحه الطريق بقى ممتاز ومش عارف ليه هيقفلوة

المشاركة الأصلية كتبت بواسطة aid904

انا قرأت أنهم هيقفلوة النهاردة من 12 ظهرا الى 12 مساءا والسبت من 12 الى 12 ومش عارف السبب مع اني كنت مسافر الاحد اللي فات وبصراحه الطريق بقى ممتاز ومش عارف ليه هيقفلوة

الطريق مقفول فعلاً ولكن للنقل فقط ...

منع مرور النقل بالصحراوي طوال الصيف

الأربعاء، 16 يونيو 2010 - 13:51 | (980)
2 Share

بوابات الطريق الصحراوي
قررت الإدارة العامة للمرور في وزارة الداخلية تحويل سيارات النقل والنقل بمقطورة بداية من الأسبوع الحالي ولنهاية الصيف بطريق (القاهرة-الإسكندرية) الصحراوي إلى طريق (القاهرة-الإسكندرية) الزراعي.

ويبدأ تنفيذ هذا القرار اعتبارا من الساعة 12 ظهر الخميس الموافق 17 يونيو الحالي في المواعيد التالية بالنسبة للقادم من القاهرة في اتجاه الإسكندرية وحتى الساعة 12 مساء نفس اليوم.

وبالنسبة للقادم من الإسكندرية في اتجاه القاهرة من الساعة 12 ظهر السبت وحتى الساعة 12 مساء نفس اليوم.وذلك حسب بيان وزارة الداخلية الذي أذاعته وسائل الإعلام المحلية الأربعاء.

وقد تم تعيين الخدمات المرورية اللازمة لمتابعة الحالة المرورية على تلك الطرق وتوعية قائدي السيارات بالمسارات الجديدة.

يذكر أن هذا الإجراء يأتي في إطار تنفيذ الخطة المرورية التي سوف تنفذ خلال فترة الصيف بالطرق السريعة حرصاً على سلامة المواطنين.

اي خدمة يا شباب