طلب مشورة من اهل خبرة النيسان و خاصة التيدا
السلام عليكم
انا طالب مشورة من اهل الخبرة فى النيسان و خاصة التيدا بعد اذنكم لأن انا بقالى كام يوم محتار و مش عارف اعمل ايه
الحكاية باختصار ان و انا ماشى على طريق العالمين بالتيدا 2008 اللى معايا كان فيه كلب بيعدى الطريق و الدنيا كانت باليل و ملحقتش افاديه و خبطه و الخبطة جت فى الناحية اليمين للعربية
الخساير اللى حصلت فى العربية و الحمد لله على كل شيء
1- الاكصدام الامامى اتقطع تماماً
2- كارتيرة الكاوتش اليمنى اتقطعت
3- قربة مياه المساحات اتشرخت
4- خرطوم مياه المساحات اتقطع
5- سلك مضخة مياه المساحات التقطع
6- الكاوتش فرقع
انا طبعاً جبت كاوتش علشان مرجعش من غير استبن بس من ساعة ما رجعت العربية ركنة تحت البيت و مش عارف اعمل فيها ايه
انا مش مأمن و هصلحها بمعرفتى.........فالمشكلة انى عارف انى لو رحت التوكيل مش هدفع اقل من 3000 جنيه و ممكن اكتر
و عرفت من موضوع الاستاذ احمد ان الاكصدام لوحده ب 850 جنيه و طبعاً التوكيل يحسب مصناعيات فك و تركيب على ضريبة على مش عارف ايه و يعمل من الحبة قبه
فهل ممكن اجيب الحاجات اللى باظت من بره؟؟ و هل هتفرق عن اللى موجود فى التوكيل كتير؟؟ و يا ترى ممكن الاقيها فين؟؟
الخلاصة ان انا مش عارف ايه الاختيارات اللى قدامى و ابتدى منين و اروح فين
فبعد اذنكم لو فيه حد ينصحنى ابقى شاكر ليه جداً
و شكراً مقدماً
