محتاج رأيكم في أي أفضل أداء للجولف .. 4 وللا 5 وللا 6 ؟؟
و أفضل في المواصفات و الموتور و الثبات و الكماليات و عمليه اكتر ..
لاني بصراحه عاجباني الجولف 4 و 5 أكتر من ال 6 و محتار أجيب جولف 4 مستعمل و للا جولف 5 أقسطها ؟؟ للعلم اني عاوز أعرف الأفضليه في الموتور مين الموتور بتاعها أقوى و ثباتها و الحجات دي
معلش طولت عليكم
طبعا الجولف 6 موتور 160 حصان وبالتالى اقوى كاداء و كسحب
الموتور والثبات طبعا جولف 6 وبالنسبة للشكل دي أذواق أنا هايف احلاهم ال6 بصراحة بالنسبة للصالون من جوه الجولف 6 احلاهم برده
ألف شكر يا رجاله على الردود و المشاركه
و في انتظار كل واحد حتى لو بس يصوت مين احسنهم ..(:
+111111111111111111111
أحلي شكل 5 بكل المقاييس ... ويا سلام لو تحطلها أكصدام الـ gti بتبقي طلقه
لكن أداء ده حسب المواتير لأن في معاك من ١٤٠٠ لـ ٣٢٠٠ cc
وثبات كلهم جامدين ولكن أعتقد إن كل جيل أفضل من اللي قبله بس ده مش معناه إن الــ 4 مش ثابته .. وممكن أصحاب الـ 4 يفيدوك أكتر
جولف 5 عربية رائعة ومفيش فيها غلطة
وتستاهل كل مليم يدفع فيها
في فرق تاني الGolf 6 فيها فتيس DSG الباقي مفيهوش. نفس الموتور ال1.4 TSI موجود في الGolf 5 و 6 بس معرفش أنهي فيهم بيتباع في مصر لمين. يعني ال1.4 TSI ال120 حصان موجود في الاتنين وال 160 حصان في الإتنين. تسارع الGolf 6 بيكون أحسن بـاجزاء من الثانية رغم الوزن الزيادة بسبب الفتيس الDSG.