عرض للطباعة
سلام عليكم يا شباب
انا عايز اعرف ايه هيه الخطوات الصح الي اعملها علشان اشيل الخدوش والمع العربيه بالبولش وبعدها احط الشمع
انا قريت في المنتدى ان المفروض الاول استعمل الكومباوند وبعدها استعمل البولش طيب والشمع بيبقى قبل البولش ولا بعده؟؟
رجاء تردو عليا بسرعه علشان انا ناوي اشتري الكلام ده كله يوم الجمعه واعملها بعد الصلاه
صراحة ماعرفش الترتيب بيكون إيه
بس نصيحة مش هاتقدر تعمل كل ده لوحدك في يوم واحد
أنا جبت بوليش المع بيه عربيتي قعدت اعمل فيها من 6 المغرب لـ12 بالليل
شوف حد يساعدك أو استعين بسمكري !!
خلي بالك هوا بشيل بس الخدوش السطحيه وليس الخدوش الغميقه
كومباوند أو بوليش ثم الwax والطريقه العامه أنك توزع شويه من المعجون بصباعك ثم تنتظر حتي تجف و تبدا مسحها بقطعه قطنيه نطيفه او استخدم قطن مع التغيير المستمر للقطن مع ملاحظه عسل السيارة قبل كل ذلك ولا تقوم بهذة العمليه في الشمس كمان يفضل تقسيم العمل يعني يوم تعمل السقف ويوم تعمل الجنب اليمين ويوم الشمال علشان العمليه دي متعبه والدنيا حر
شكرا يا جماعه على الردود انا فعلا بدأت في الموضوع بس عملت البوليش امبارح وخلصته والنهارده هبدأ عمليت الشمع
انا بصيت على العربيه ملقتش خدوش ظاهره كتير فا كبرت دماغي من الكومباوند
انا صورت العربيه قبل والنهارده ان شاءالله هصورها لما تخلص خالص
شكرا يا احلى منتدى ويا احلى ناس