تغيير زيت فتيس اوبترا اوتو
السلام عليكم ورحمة الله وبركاته
انا يا جماعة إشتريت اوبترا اوتو من شهر تقريبا وهى دلوقت عاملة 44 الف كم ، وكنت عاوز اغير زيت الفتيس لآنى عرفت أنه مفروض يتغير على 40 ألف وعرفت من المنتدى ان الناس بتغير بزيت موبيل الكيلو بحوالى 32 جم - المهم رحت لميكانيكى اوتوماتيك فلما كشف على الزيت قال لى ان الزيت اللى فى العربية لونه ابيض وده افضل بكتير من الزيت الموبيل اللى لونه احمر وبالتالى فلا يفضل تغييره إلا بنفس نوعية الزيت الأبيض وقال لى ان الكيلو بحوالى 120 جم وموجود عند ناس معينة فى وسط البلد والتوفيقية - المهم سألت ميكانيكى تانى قال لى إنه بيغير لكل الأوبترا زيت موبيل الأحمر ومش لازم الأبيض - بصراحة انا مش عارف امشى ورا مين فيهم ، ياريت حد يكون عنده معلومات موثوق فيها يفيدنى فى هذا الموضوع ويكون له جزيل الشكر .