ماذا لو امتنعنا عن شراء البنزين في حالة زيادة الاسعار !!!

كان أحد الاخوة الاعضاء قد طرح موضوع غلاء أسعار البنزين و السولار و دعي بأطلاق حملة مناهضة لقرار رفع الاسعار تحت مسمي لا

http://www.nilemotors.net/Nile/157895-a.html

و خلال مشاركتي بالموضوع تقدمت بأقتراح بالامتناع عن تموين السيارات خلال يومي الاجازة الجمعة و السبت كرد فعل شعبي علي الزيادة و دون عنف أو تظاهرات و انما بأستخدام ابسط قواعد السوق و هي العرض و الطلب

و هذا هو نص المشاركة الاصلية :

اقتباس:

---

فيه فكرة تانية أحلي و اوقع و مافيهاش أي شبهة تطاول أو تامر علي النظام و من غير وقفات احتجاجية و لا شعارات او لافتات و لكنها تحتاج الي تعاون و تنسيق و ايجابية

احنا هنا كمنتدي سيارات يضم نسبة كبيرة من مالكي السيارات في مصر و لهم معارف لديهم أيضا سيارات من الممكن ان نقوم بالاتي في وقت واحد و لمدة محددة و هي :

التوقف تماما عن تموين سياراتنا بالبنزين و لمدة يومين مثلا و لتكن في يومي الاجازة (الجمعة و السبت)
تخيلوا لو حدث هذا و أمتنع اكثر مالكي السيارات في مصر عن دخول محطات البنزين في مصر لمدة يومين ماذا سيحدث ؟؟

لن يكون هذا أضراب أو مقاطعة و لكنه قانون السوق و العرض و الطلب

أذا أردنا ان نفعل شئ حقيقي و مؤثر فليكن هذا هو محور تفكيرنا

مع خالص تحياتي
م/ سمير الشهاوي

---

و الموعد الذي أقترحه للبدء في مثل هذا الامتناع هو يومي 2 و 3 يوليو القادمين الموافقين للجمعة و السبت أي بعد بدء تطبيق الزيادة الجديدة (في حالة حدوثها) بيوم واحد فقط ليكون رد فعل قوي و سريع

فما هي أرائكم الاخري لتطبيق مثل هذه الفكرة

مع خالص تحياتي
م/ سمير الشهاوي

صدقني مش هيحصل حاجة أحسن حاجة نولع في العربيات ونخلص

مش هيحصل حاجه علشان الناس كلها هتفول يوم الخميس :)

اقتباس:

---

المشاركة الأصلية كتبت بواسطة amrziedan312

صدقني مش هيحصل حاجة أحسن حاجة نولع في العربيات ونخلص

---

برضه هانحتاج بنزين علشان نولع فيها :rfds:

الناس كلها هتروح تمون عادى جدا وهيقفوا يدعوا وخلاص
للاسف هنا فى مصر صعب اننا نعمل مقاطعة مع الحاجة

اقتباس:

---

المشاركة الأصلية كتبت بواسطة hema_lancer

مش هيحصل حاجه علشان الناس كلها هتفول يوم الخميس :)

---

+1111111111111111111111

للاسف لا توجد لدينا ثقافة التجمع على رأى واحد فى اى شئ......

الحكومه هتفرح وهتقول بركه ياجامع شفتوا البلد خفت ازاى والزحمه خفت كمان والاغنيه اللى معاهم عربيات كتير بقى بينزلوا بعربيه واحده وكلام الفتن بتاعها والغلابه يكرههوا اللى معاهم عربيات اكتر من الاول

بس انا من راى ان دى حاجة سلبية مش ايجابية لان معنى اننا نمتنع عن حاجة زى دى يبقى فى ناس كتير اوى مش هاترح الشغل يبقى علشان زيادة فى الينزين حال البلد يوقف

والله احن مش لاقين عربية واحدة علشان نلاقى عربيات كتير وبعدين هو اللى عندة عربيات كتير دا هاتفرق معاة زياة البنزين لو حتى 10 جنية فى الللتر الواحد

احتمال البنزين يغلى اكتر عشان الدخل للحكومة حيقل
فحيقولك نغليه تاني عشان نحصل الفرق

لو علمنا كده هيقولو كويس اهو نصدره لاسرائيل الحبيبه طالما عندنا فائض وساعتها يصدروه ب نصف جنيه للتر

بسيطة
مفيش عربيات هتمشى فى الشارع و إلى عايز يروح مشوار هيركب ميكروباص و هيتبهدل

البنزين من السلع المفروض انها مدعومه من الحكومه فالامتناع عن شراه دة زيادة لموارد الحكومه

اقتباس:

---

المشاركة الأصلية كتبت بواسطة M.Mosaad

البنزين من السلع المفروض انها مدعومه من الحكومه فالامتناع عن شراه دة زيادة لموارد الحكومه

---

:Ta_clap[1]:

بالضبط كده
فحتي عند رفع اسعار البنزين كما هو متوقع الا ان البنزين يظل بمختلف فئاته مدعوما من الدولة

و بالتالي فالدعوة الي التقليل في الاستهلاك او الامتناع عن شراءه في ايام محددة انما هو وفر و تقليل عبء علي الحكومة و ليس العكس :120146b

البنزين في مصر رخيص جدا مقارنه باوروبا مثلا المشكله هي الفجوة الكبيرة بين المرتبات و اسعار السلع اعتقد لتر البنزين في اوروبا بحوالي 2 يورو و اسعار المواصلات برضة غاليه جداا مش رخيصة بس قارنه بالمرتبات فهي عاديه

يعني النسبة و التناسب بين اسعار البنزين المتدنيه في مصر مع المرتبات الاكثر تدنيا بيعني ان البنزين في مصر اغلي من اوروبا بأسعار الحاليه لكن الحكومه الرشيدة بتاعتنا دايما بتبص من منظور واحد انها بتدعم السلع و مش بتبص انها بتسمح لاغنياء كتير انهم يتهربوا من دفع حق الفقرا في البلد

ولا هيحصل حاجة لان انت اللى عايز البنزين مش هما

هايصدروه وهايكسبوا أكتر من بيعه في مصر لأنه فعلا مدعم ........علي حد علمي الليتر في أمريكا بحوالي 20 جنيه

اقتباس:

---

المشاركة الأصلية كتبت بواسطة mazagngi2010

الحكومه هتفرح وهتقول بركه ياجامع شفتوا البلد خفت ازاى والزحمه خفت كمان والاغنيه اللى معاهم عربيات كتير بقى بينزلوا بعربيه واحده وكلام الفتن بتاعها والغلابه يكرههوا اللى معاهم عربيات اكتر من الاول

---

برافو عليك

تريدنا ان نتفق على ده طب ازاى اذا كان احنا متفقين اصلاً ان لا نتفق

واللى بيغلى البنزين عارف ان محدش هيمتنع وعارف ان محدش هيعمل حاجة وانت بتنفخ فى قربة مقطوعة
الشعب المصرى معروف اوله من اخره
ومتحضر فيه دراسات على مدى قرون ولت
عارف انه كلام يحرق الدم ولكن لا نملك الا ان نشجب وندين
ورزقى على الله

طبعاً عاوز اشكر حضرتك على الاحساس ده ولكن

لو سمحت اقرا كلامى للأخر

اولاً : احنا بنخاف على كل حاجة ومن كل حاجة ولو حد مش موافق على كدة يقول وعارف ان فى مليون واحد هيسخن لما يقرا الكلام ده ويعترض بس هى دى الحقيقة.

ثانياً : تريدنا ان نتفق على ده طب ازاى اذا كنا احنا اصلاً وبلا اتفاق مسبق متفقين ان لا نتفق وبص حواليك وقولى عن كل حاجة بتحصل من حولنا وهى بارادتنا ومش امر واقع .

ثالثاً : واللى بيغلى البنزين عارف ان محدش هيمتنع وعارف ان محدش هيعمل حاجة ولما سعره اتضاعف ايه اللى حصل؟؟ قعدنا نشجب وندين والناس كلها جريت علشان تفول بالسعر القديم وكان فيه ازمة على محطات البنزين وكلنا شوفنا ده واللى عمل غير كدة الف شكر ليه بس البنزين غلى بردوا .

رابعاً : احنا والحمد لله شعب مسالم و ما بيحبش المشاكل بطبعه - بنبلطج على الغلبان بس - الا من رحم ربى.

خامساً : الشعب المصرى معروف اوله من اخره ومتحضر فيه دراسات على مدى قرون ولت -هو انا اللى هصلح الكون .

سادساً : عارف انه كلام يحرق الدم ولكن لا نملك الا ان نشجب وندين .

سابعاً : انا دلوقتى واحد جايب اخره ومش مستحمل نفسنة يعنى اللى كلامى مش عاجبه لو سمحت ما يستفزنيش بأى رد من الردود اللى تحرق الدم وندخل فى مشاكل واعتبرونى واحد بيفضفض مع نفسه .

ثامناً : اسف على الاطاله و يا ريت حد يشاركنى فى اللى بقوله ويهدينى شوية علشان هطق.


ورزقى على الله

لو نتذكر دعاوى المقاطعة السابقة ... لم تؤتي ثمارها ولن يتفق الكل عليها