بس اللاسيتى تكسبها :)
عرض للطباعة
شفت ياباشا أهو جه اليوم اللى هاتشوف فيه عربيه كورى بتتقارن بأوروبى وتكسب كمان :)
هاقولك تكسب ليه وانت تحكم
عفشه وموتور وفتيس اوتوماتيك كل دول من اوبل زى اللى فى الأسترا الجديده بالظبط
وسائل الامان كامله Abs و 6 ايرباج و ESP و TC
وفى تقييم ال EuroNCAP واخده 5 نجوم و 16 من 16 فى التصادم الأمامى وواخده تقييم اعلى من عربيات كتير المانى يعنى تقريبا أأمن عربيه فى مصر
ثالثا اوبشنز وكماليات ودلع بالهبل :)
رابعا واخيرا , كل دا ب 140 الف
ايه رأيك ؟
هى الفلونس مصنوعه فين ؟
ازيك انت ياباشا منور قسم شيفروليه :)
انا مش بادافع عن شيفروليه ولا حاجه , انا باتكلم عن الدايو لاسيتى على فكره مش الشيفروليه كروز بتاعت منصور
وانا خلاص رديت فى المشاركه اللى فاتت عن مميزات اللاسيتى
قولى انت بقى ايه هى المميزات اللى تتفوق بيها الفلونس عن اللاسيتى :)
+1111111111
بالنسبة للاخ صاحب الموضوع لو العربية عاجباك هاتها هيا ممتازة بكل المقاييس و انا عن نفسى هجيب الفئة اللى ب 150 قريب
وبعدين البينصحوك تشترى لاسيتى يعنى تجيب عربية ب 140 الف وماتلاقيش توكيل تعمل فيه الصيانة الدورية!!!!!!!
وبعدين معلش يعنى اللى يقول التوكيل و مش التوكيل ده البلدكلها عربيات اوبترا وافيو بقو منتشرين زى اللانسر
زى ماقلت فموضوع سابق اللى مابيلاقيش عيب فالكروز بيقول حجة التوكيل
زى مابيقولو حجة البليد مسح الصبورة ههههههه
أنا اللي بخاف منه الـ Reliability مش الكماليات و الدلع :C_laugh[1]: بس برضه محدش عارف هل هي معمرة ولا لأ
بس أنا معنديش أي إعتراض أو تحفظ على العربية من أي ناحية بالعكس أنا يمكن كنت أول مؤيد للي نصح بيها وشفتها قدامي قبل كده واقفة زي الأسد... بس بصراحة لما المبلغ يزيد في حاجة زيرو يبقى أجيب أوروبي ودي وجهة نظر شخصية والله ومش قصدي أنكش حد :8_8_13:
على العموم هو أحسن حاجة يعملها إستخارة بدل ما إحنا عمالين نتوهه كده :C_laugh[1]:
و إتشرفت بمعرفة حضرتك..
في رعاية الله...