الموضوع: رعشه متقطعه على السلانسيه

المشاركة الأصلية كتبت بواسطة samirayad

عمال أنت تنقى المشاكل

اللى قريبه لموضوعك

شغل أسكانر صحيح

هههههههههه ضحكتني والله يا بشمهندس / سمير

المشاركة الأصلية كتبت بواسطة samirayad

طيب أختبرتها أزاى ...........؟

وخللى بالك عيوب العربيات قصص وأفلام

ومتقلقش من أى حاجه

لأن ممكن كمان تكون مشكلة رشاشات مش بوبينا كمان


بس طبعا أحنا أما بنبدأ بالتوقع

المفروض نبدأ بالأسهل

يمكن تضرب معانا ومنتكلفش كتير

وعاوزك تكشف على البوجيهات برضه

وياريت تصورهالنا بالمره صوره واضحه

وأكتب البيانات اللى عليها

جايز تكون مشكلة بوجيهات
ياريت
وده يبقى من حسن الحظ

___________________

وال rpm ....على العداد وقت السلانسيه ثابت ولا بيطلع وينزل

وبيتأرجح حوالين كام بالتقريب


_________________________


وهل نظفت منطقة البوابه أيضا ولا أكتفيت ببلف الأيدل فقط

مشيت على التاني لحد سرعه 30 واديت تالت وكبست لقيت العربيه اتخنقت لحظه كده ومشيت عادي بعدها ... كنت قريت الطريقه دي في موضوع هنا وكان الله يرحمه محمد جمعه هو اللي قايلها

رشاشات والعربيه لسه عامله 41الف ؟ وموديل 2006 واترفعت سنه كمان ؟؟ معقول بسرعه كده ؟
البوجيهات نضيفه وزي الفل كأنها جديده لا عليها سواد ولا احمراار اللي شبه الصدا ده ولا اي حاجه وهصورها ان شاء الله عشان اوريها لحضرتك
ودي بيانات البوجيه w20epb

للأسف معنديش ار بي ام بس انا حاسس ان صوت العربيه خشن كده مش ناعم .... كان نعم بعد تغيير البوجيهات وبعد تغيير سير الكاتينه ... هل في بليه او حاجه مفروض تتغير مع سير الكاتينه ؟ لاني مغيرتش غير سير الكاتينه والدينامو والتكييف بس على ما اعتقد من الصوت كده يعني ان الار بي ام مش عالي

اه نظفت البوابه والمانفولد والايدل كنترولر

المشاركة الأصلية كتبت بواسطة samirayad

spark plug maker champion / woojin delphi

spark plug type rn9yc / bpr6es


ودول الجهتين اللى ممكن تأخد معاهم شغل صح فى بوجيهات الانوس

شركتين قدامك أهم

شركة شامبيون ...........وده البوجيه الأصلى بتاع بلاده ورقمه rn9yc

والنوع التانى لشركه أسمها واجن

مش عارف بأه دى تبع ngk ولا لا

أعتقد أنها تتبع ngk ورقمه bpr6es

وواضح طبعا أن فيه أختلاف بين النوع اللى عندك وبتاع الانوس

ولازم تكون مظبط الثغره صح على القيمه من 0.7 الى 0.8 مم

اعتقد ان القيمه مظبطه لان كنت مركبهم عند ميكانيكي ... بس دلوقتي جبت مفتاح بوجيهات وبدور على الفللر عشان اتأكد من الجاب صح وكمان مروحش لحد تاني ... يتجاب منين الفيللر ده ؟ وبكام ؟

المشاركة الأصلية كتبت بواسطة samirayad

حنركز مع البوجيهات شويه

علشان نشفى الكلام معاها

لأن من الوارد نطلع منها بحاجه وتكون هى السبب

وأول سؤال

هى نوعها أيه بالضبط ........؟

وهل هى شمعه واحده ولا أيه

وهل ظبطت مقاس الثغره بالفيللر على 0.7 مثلا

وخللى بالك

حتة زى الفل مش مطلوبه برضه فى البوجيهات

لازم تكون بتحرق صح وبالذات والمكنه بارده

ولما تورينى صور واضحه ليها

حقولك هى كويسه ولا لا

البوجيهات دنسو 3 شمعه بالرقم اللي ذكرته ده .. وان شاء الله هصورها لحضرتك وانا بصلي العصر وارفعها عشان حضرتك تقوللي رأيك فيها ايه ...