محتاج مشورتكم ضروري وواثق انكم هتفيدوني ان شاء الله
السلام عليكم ورحمة الله وبركاته
ازيكم يارب تكونوا بخير
دلوقتي انا معايا فرنا 2004 ومن ساعة ما جبتها من 2004
مترشتش ولامرة الحمدلله
بس دلوقتي فيه حاجات بسيطة حكات وكده مدايقاني جدااااااا
ومن كذه اسبوع نزلت لقيت الباب مطبق تطبيقة بسيطة الحمدلله على كل شيء
بس ماثرتش في البوية
وفيه خبطة في العتبة الشمال داخلة لجوه جامد
وكل ما اكلم حد يقولى دي حاجات بسيطة سبها كده احسن عشان يبقى اسمها مش مرشوشة
والاكصدام اللى ورا كان اتخبط من الزاوية واترد عالبارد
بس مكانه خدوش سودة
انا بقى عايز اظبط الحاجات دي واكيد هتترش عشان مش عايز ارد عالبارد وكده لانها بتبقى باينة برده
الحاجات اللى مقلقاني بقى الحاجات دي :
1) هو لو اترشت الحاجات دي يعني سمكرت الخبطة البسيطة ورشت وبقى اسمها مرشوشة
ينزل من سعرها كام يعني
2)دلوقتي بشوف عربيات متسمكرة فعلا ولا كانها متسمكرة وفيه عربيات تانية تشوفها تقول دي متسمكرة ومرشوشة لو وقفت بزاوبة بعيدة وراها
طيب انا خايف بعد ما ارش تبقى كده هزعل اوى لان حرام بجد وساعتها اتمنى اني كنت اسبها كده يعني ايه الحل عشان اتجنب المشكلة دي
انا شفت كرولا عند سمكري واحنا بنصلح عربية والدي داخلة تصلح حاجات بسيطة زي اللى عندي
استغربت جدا لان العربية يعتبر مفهاش حاجة ومرشتش قبل كده
بس واحنا بنستلم العربية شفناها ماشاء الله ولاكانها متسمكرة او راشة يعني الباب جاى على مية واحدة زي ما بيقولوا
3) لون عربيتي غريب شوية اخضر فاتح هجيب اللون بالظبط ازاي ؟؟؟خايف الراجل ميظبطش اللون ويبقى لون مختلف عن لون
4)خايف بعد فترة الاقي البوية اجربت كده او بقى باهت بعد الرش
يارب الاقي الاجابة عندكوا
وممكن ابقى اصور الحاجات اللى عندي وارفعها هنا
وشكرا مقدما
