حد يقولي ازاي في ناس بتسوق من غير مرايات جانبية؟؟

**am79** · 17-06-2010 09:31 PM

هو من غير مرايات بس ده فيه من غير نور خلفي ولااشارات وكمان من غير نور امامي وممكن بقي لو ماشي في طريق فردي يجيك واحد نوره اعور تبقي مش عارف ده ايه موتوسكل ولا تك تك ولا عجله ولا ايه
ربنا يسترها معنا ويسلم طرقنا وطريقكم

**kaza** · 17-06-2010 09:45 PM

انا شخصيا باسوق وانا قافل المريات الجانبية وانا عارف انة غلط وطبعا وجودهم مهم بس الرجالة في المحروسة مابيخلوش فاصل بينة وبين العربية اللي جنبة وبالتالي الاقي واحد شال المريا ويقولي اسف ..اسف دي بتكلفني 700 جنية في المرة الواحدة دة غير بهدلة اللف علشان الاقيها لدرجة اني في يوم من الايام اتكسرت المرايا مرتين مرة لما نزلت الصبح لقيت واحد كاسرها وانا راجع من الشغل رحت واشتريت واحدة وانا ماشي في عباس العقاد ابن حلال كسرها علشان كدة بقيت باسوق بمرايا الصالون وطبعا عينايا ورقبتي فى وسط راسي يمين وشمال بس هاعمل اية في بلد مافيهاش قانون ولاحد بيحاسب حد

**M.Mosaad** · 17-06-2010 10:12 PM

المشاركة الأصلية كتبت بواسطة kaza

انا شخصيا باسوق وانا قافل المريات الجانبية وانا عارف انة غلط وطبعا وجودهم مهم بس الرجالة في المحروسة مابيخلوش فاصل بينة وبين العربية اللي جنبة وبالتالي الاقي واحد شال المريا ويقولي اسف ..اسف دي بتكلفني 700 جنية في المرة الواحدة دة غير بهدلة اللف علشان الاقيها لدرجة اني في يوم من الايام اتكسرت المرايا مرتين مرة لما نزلت الصبح لقيت واحد كاسرها وانا راجع من الشغل رحت واشتريت واحدة وانا ماشي في عباس العقاد ابن حلال كسرها علشان كدة بقيت باسوق بمرايا الصالون وطبعا عينايا ورقبتي فى وسط راسي يمين وشمال بس هاعمل اية في بلد مافيهاش قانون ولاحد بيحاسب حد

اول مرة اسمع سبب مقنع للموضوع دة تصدق مجاش في بالي خالص ان ممكن حد يقفلها علشان بتتكسر من الناس اللي بتلزق في الواحد بس و الله سبب مقنع

بصراحه عندك حق بس فعلا كدة خطر عليك جدااااااااا لو عايز تيجي شمال او يمين فجأة

**hobaz** · 17-06-2010 10:22 PM

فعلا د ه من اكتر المواضيع اللي بستفزني جدا في الشارع المصري لدزجة اني لما اكون واقف في اشارة والاقي واحد جنبي قافلهم بكون نفسي امد ايدي وافتحاله..

**icehearted girl** · 17-06-2010 10:42 PM

طب ليه الاحراج دا

علي فكرة انا بعتمد mainly علي مراية الصالون...مركبة مراية من بتوع الميكروباصات الكبيرة دي بتجبلي ورا ويمين وشمال وفوق وتحت العربية لو حبيت

لافعلا.. مراية الشمال بفتحها بس عشان مسمعش تعليقات الشعب المصري الظريفة

المراية اليمين ولافحياتي لمستها ولا بصيت فيها ومش شايفة ليها اي لازمة غير المنظر العام فقط

والحمدلله عمر محد اشتكي منني ولابرمي علي حد بغباوة من غير مبص كويس

يلا بقي go واللي عايز يزعقلي يزعق

**Egyzizo** · 18-06-2010 01:31 AM

المشاركة الأصلية كتبت بواسطة hm414

لو كنت تعرف حاجه اسمها النقطه العمياء للعين كنت فهمت المرايات وظيفتها ايه
النقطه العمياء في العين هي نقطه اذا وقع عليها شعاع الضوء فانه لا يرى وهذه المنطقة هي منطقة خروج العصب البصري من العين
يعني ايه الكلام ده
الواحد ياما كان يبص عالمرايه ولا يشوفش عربية جايه من جنبه
ولسا بيدي الاشاره وبيطلع راح لقى واحد بيزمرله بعصبيه لانه بيكسر عليه
كل ده حصل ليه
عشان حاجه واحده
ان العربيه كانت في النقطه العميا دي وحضرته مشافهاش

شكــراً على موضوعك القيم ..
بس فيه تصحيح صغير
هو ان النقطة العمياء اللى تخص السيارات هى المساحة اللى مراية الجنب نفسها مش بتقدر تكشفها ومالهاش علاقة بالعين والعصب البصرى.

أما البقعة العمياء بتاعة العين فده موضوع تانى.