الموضوع: حد يقولي ازاي في ناس بتسوق من غير مرايات جانبية؟؟

المشاركة الأصلية كتبت بواسطة aly_hosny

انا نفسي اعرف بيسوقو ازاي من غيرها
ما يا اما هما متعودين يتشتمو وعاجبهم الموضوع يا اما بقى عندهم قدرات خارقة احنا مش عارفينها

المشاركة الأصلية كتبت بواسطة mustafaibrahim

الاشارات والمرايات

الناس بطلت تستخدمهم !!!!!!

+11111111111111 الناس دي جابت من الاخر

أنا شايف إن مرايا الصالون تنفع فى السريع لكن ماتنفعش فى المدينة خالص يا جماعة ما بتجبش حاجة خالص الموضوع مش فهلوة ياعنى ديه أرواح ناس ممكن تروح من حدفة أو كسرة غلط
أنا شخصيا مابستغناش عى المرايات الجانبية مهما حصل

ممكن تقول ان 90% من اللي بيسوقوا مش فاهمين الحاجات التالية في سياراتهم :
1- المرايات الجانبية و كيفية ظبطها
2- الاشارات و كيفية أستخدامها و متي تستخدم
3- أشارات الانتظار و معناها و متي و كيف يتم أستخدامها
4- أنوار السيارة (ليه واطي و عالي و في بعض السيارات فوج لايت) و متي يتم أستخدام كل نوع
5- مراية الصالون و كيف يتم تعتيمها ليلا لتفادي النورر العالي من السيارات الخلفية

كل ده بالاضافة الي الجهل بأبسط قواعد المرور و التخطي و غيره كثير
بصراحة الناس دي عايزة تتعلم من أول و جديد

مع خالص تحياتي
م/ سمير الشهاوي

خدوا دي سمعتها من واحد زميلي ثقة
الكلام اللي جاي بعربيات طبعا
واحد ماشي قدامه واحد تاني التاني ده ادي اشارة يمين وبعدين قام داخل شمال ياخد يو تيرن لحد كدة عادي ههههه
قام الاولاني لبس فيه طبعا (احنا راكبين مع الاولاني في الحدوتة)
جات الشرطة واللي تسبب في الحادث كان زعلان ومش عاجبه وبيقول انه ادي اشارة الاول قبل ما يحود
كان الرد عليه بس انت اديت اشارة يمين ودخلت شمال
كان رده وحجته ودليله
ايوة انا داخل شمال وبقول للي ورايا امسك يمين بالاشارة دي
كارثة طبعا وسوء فهم لاستخدام الاشارات

وظلمه اللي اداله رخصة بالشكل ده

الحمد لله الذي عافانا مما ابتلي به غيرنا وفضلنا علي كثير ممن خلق وجعلنا مسلمين

المرايات دي نعمة و الى اخترعها بجد راجل بيفهم
انا كانت في مرة المراية الشمال اتكسرت

و كل ما باجي اخش شمال ولا حاجة اقوم لافف برقبتي كلها و ابص ورايا لأن طبعا مراية الصالون ولا ليها لزمة في الحاجات دي

موضوع كوميديا