الموضوع: حد يقولي ازاي في ناس بتسوق من غير مرايات جانبية؟؟

المشاركة الأصلية كتبت بواسطة hm414

شوفو المفارقه العجيبه


لسا واحد من شويه كاسرلي مرايتس اليمين

عربية نص نقل فاكر نفسه راكب فزبه

المهم كسرها وماشي

ازمرله اعمله مفيش وعماله يجري

مشكلتي اني مقدرش اسكت عن حقي
جريت وراه لحد اما قفلت عليه ونزلتله

وانتهى الموضوع باني كسرتله مرايته الشمال اللي مشافنيش بيها

لو كان بيستخدمها كنت سبتهاله

ولو كان عوضني كنت سبتهاله
انما يشللني ويمشي ده ميصحش

ماعلينا


حبيت بس اقولكم اني اول مره امشي من غير مرايه النهارده

وبجد الواحد مبيحسش بقيمة النعمه الا لما تروح منه

وانا بجد عرفت المرايه دي قد ايه انا كنت بستخدمها وانا مش واخد بالي
انا حسيت بجد انه جالي نص عمى

ربنا يحفظنا ويسترها علينا
باذن الله هصلحها بكره ان شاء الله
لاني مقدرش امشي من غيرها


الحمد لله على كل حال


تحياتي

والله حصل لى نفس الموقف من شهر تقريبا عربية نص نقل وانا واقف فى اشارة طلعت حرب ولاحظ انى واقف وجاى بسلامته وراح كسر لى المراية الشمال وهو اساسا ماشى مخالف لانه مفروض ممنوع يمشى فى وسط البلد ونزل وقالى اجبلك غيرها وقعد يعتذر وانا بفكر امشى ازاى من غير المرايا الشمال وانا كل شوية اقوله (أمشى ازاى قولى !!!! ) المهم كان يوم الاحد ومفيش ولا محل شغال
المهم سبته يمشى ، وانا ماشى عامل زى الاعمى على مراية الصالون لحد ما وصلت البيت ونزلت لاقيت محل قطع غيار فاتح رحت اشتريتها وركبتها
( المرايات هى عينيك التالتة )