الموضوع: حد يقولي ازاي في ناس بتسوق من غير مرايات جانبية؟؟

السلام عليكم ورحمة الله

اخواني
ظاهره يندى لها الجبين

العربيات في مصر نصها مفهاش مرايات جانبية
ونص الباقيين عندهم مرايات وقافلينها
اما الربع اللي فاضل اللي فاتحين مراياتهم فدول نصهم مبيبصوش فيها

حاجه عجب


طيب انا عندي سؤال موجه لكل واحد بيسوق بالشكل ده

هل صناع العربيات متخلفين وانتا اكثر دهاءا منهم؟؟

انا عايز اسأل انتا بتمشي عالبركه؟
مستني اما انك تخبط وانتا بتكسر على حد لانك مش شايفه ولا بتستنى كلكس جامد وراك فتفهم ان مش صح تكسر دلوقتي؟
ولا هيطلعلي واحد من اياهم يقولي مالمرايه الجوانيه جايبه كل حاجه

هقوله ياعزيزي
انتا جاااااااااااهل

لو كنت تعرف حاجه اسمها النقطه العمياء للعين كنت فهمت المرايات وظيفتها ايه

النقطه العمياء في العين هي نقطه اذا وقع عليها شعاع الضوء فانه لا يرى وهذه المنطقة هي منطقة خروج العصب البصري من العين

يعني ايه الكلام ده

الواحد ياما كان يبص عالمرايه ولا يشوفش عربية جايه من جنبه
ولسا بيدي الاشاره وبيطلع راح لقى واحد بيزمرله بعصبيه لانه بيكسر عليه
كل ده حصل ليه
عشان حاجه واحده
ان العربيه كانت في النقطه العميا دي وحضرته مشافهاش


كبريات شركات العربيات العالميه حاليا بيطورو تقنيات تنبيهيه للسائق عشان تنبهه على وجود عربية
واظن شفنا البي ام الجديده ووووو الخ


طيب
احنا عربياتنا قديمه نعمل ايه عشان نحل المشكله
في مرايات محدبة بتتباع الجوز كله ب 2 جنيه بتتلزق عالمرايه الخارجيه وبتجيبلك فيو اكبر جدا في مساحه صغيره من المرايه........

تخيلو
كل ده بيحصل مع الناس اللي بتبص اساسا في المرايات
طب بقا اللي مبيبصوش دول...
مش عارف اقول ايه
بسببهم
حوادث مهوله بتحصل
طرق كبيره بتقف
والله انا بقولهم كلهم
ده قلة ضمير
وربنا هيحاسبكم على كل ده

والله المستعان بجد

يارب يسترها علينا من الناس دي

وبجد انا عايز تعليقاتكم عالموضوع ده

وياريت اسمع رأي فعلا الناس اللي بتسوق من غير المرايات....


تحياتي