جهاز كوبرا أمريكى رادار ألارم للبيع......15 باند موديل حديث
عرض للطباعة
جهاز كوبرا أمريكى رادار ألارم للبيع......15 باند موديل حديث
حضرتك مش كاتب طالب فييه كاام.....??
السعر كام
وبيلقط الرادار قبليه باد ايه
الجهاز المفروض أنه بيلقط الرادار قبليها بحوالى 500 متر (ده معلومة من الموقع المانيوال بتاع الجهاز) والله أعلم أذا كان فعلا بيشتغل على المسافة ده ولا لأ.....والمبلغ المطلوب هو 1000 جنيه مصرى ....
وشكرا ....
طيب حضرتك ومين هيفصل فيها ده ازا كان بيشتغل فعلا ولا لاء . هو حضرتك مركبتوش في عربيتك وجربته ولا لسة بكرتونته ولا ايه النظام ؟؟؟؟؟؟؟؟؟؟؟
ممكن تفاصيل اكثر الجهاز جديد ام مستعمل
ربنا يحسنلك بيعه وياريت تفاصيل اكتر
طب حضرتك منين وياريت لو فعلا عرفت المعلومات الجديه عنه تكلمنى على الرقم دا 0102765553 انا احمد من اسكندريه
Good luck in selling it, but will not work good in Egypt
لو ممكن اعرف هل الجهاز دة ممنوع ولا عادي مفهوش مشكلة
يت شباب حسب ما اعرف و الله اعلم
الجهاز بيعتمد على كشف موجة الشرطة و ده علشان زمان كانوا بيصوروا العربية و يبلغ بالرادار و النظام ده اتغير دلوقتي الرادار بيصورك عن طريق كاميرا و يبعت المخالفة على المرور و مفيش لاسيلكي و بالتالى الجهاز مش هايشتغل
اسمحلي اصحح معلوماتك
اجهزة الردار تعتمد اساسا علي موجات وليها تردد وطول موجي
مش حدخلك في تفاصيل اكتر من كده
وموجه ناحيه العربيات
والعربية جايه بيكون لها سرعة بتعمل ارتداد
وبناء عليه بيتم تقدير السرعة
اما قصه بيبلغو بلاسلكي
بيصوروا
بيبعت SMS
او حتي بيبرسلها للقمر الصناعي فد موضوع ملوش علاقه بعمل الردار
لمزيد من المعلومات التقنية
يعتمد جهاز الرادار لقياس سرعة السيارات على عدة أفكار فيزيائية ولكن اشهر هذه الأفكار هي استخدام ظاهرة دبلر، وظاهرة دبلر نوعان النوع الأول يحدث للأمواج الصوتية وتسمى ظاهرة دبلر الكلاسيكية والنوع الثاني هي ظاهرة دبلر النسبية والتي تحدث للأمواج الكهرومغناطيسية (الضوء) ولكن كلا النوعين له نفس المبدأ وللتبسيط سنشرح فكرة الظاهرة الكلاسيكية على الصوت.
ظاهرة دبلر الكلاسيكية هي التغير في تردد الصوت نتيجة للسرعة النسبية بين مصدر الصوت (السيارة) والمراقب (الردار) حيث ان تردد الصوت المسموع يزداد اذا كان المصدر متحرك مقتربا من المراقب ويكون التردد اقل اذا كان المصدر الصوتي مبتعدا عن المراقب.
اما كيف يقوم الرادار بقياس سرعة السيارة بالاعتماد على ظاهرة دبلر فهي على النحو التالي:
يرسل جهاز الرادار نبضة ليزر معروفة التردد والطول الموجي بدقة على السيارة المراد قياس سرعتها والتي تكون مبتعدة عن الرادار.
عندما تصطدم جبهة الموجة الأولى لنبضة الليزر بالسيارة تنعكس مرتدة إلى الرادار بينما عندما تصطدم الجبهة الثانية تكون السيارة قد ابتعدت قليلاً عن موضعها الأول.
وعليه فإن جبهة الموجة الثانية سوف تنعكس وتسافر مسافة اكبر من الأولى وحيث ان سرعة نبضة الليزر هي سرعة الضوء في الحالتين والتي تساوي حاصل ضرب التردد في الطول الموجي لذا نستنتج أن الطول الموجي للجبه الثانية للموجة سيكون أكبر من الأولى.
يلتقط الرادار من خلال فوتوديود النبضة الليزرية المرتدة ويحولها إلى اشارة كهربية للكمبيوتر الذي يقوم من خلال التغير في الطول الموجي بالتعويض في معادلة دبلر لتقدير سرعة السيارة بدقة
الطريقة الثانية المستخدمة تسمى Time-of-flight اي زمن التحليق
وتعتمد على ارسال نبضة ليزر غير مرئي من نوع الاشعة تحت الحمراء على السيارة المراد قياس سرعتها ويحتوي هذا الرادار على منظار خاص لرصد نبضة الليزر عندما تصطدم بالسيارة يستخدم فوتوديود حساس للاشعة تحت الحمراء ويتم بدقة حساب زمن وصول نبضة الليزر للسيارة وزمن العودة (سرعة الليزر في رحلة الذهاب ورحلة الإياب هي سرعة الضوء ولاتتغير وتساوي 300,000,000m./s) يقوم الكمبيوتر بحساب الفارق الزمني بين رحلة الذهاب ورحلة الاياب ومنها يمكن تقدير المسافة التي تبعد فيها السيارة عن الرادار
يتم ارسال نبضة ليزر ثانية بعد جزء من الالف من الثانية وتكرر فيها الحسابات ومن معرفة المسافة الثانية والفارق الزمني بين نبضتي الليزر يتم حساب سرعة السيارة بقسمة المسافة على الزمن وتعطي نتائج دقيقة.
والطريقه التانية مش موجوده في مصر
ارجو ان اكون افدتك
شكرا على المعلومات القيمة دية
و احب اوضح ان دلوقتى فى بعض اجهزة الردار الحديثة بتكشف على وجود جهاز كشف الردار داخل السيارات و على فكرة واحد صحبى نسى الجهاز و دخل على اللجنة الجهاز شوشر على جهاز اللاسلكى و ما سابهوش الا لما اخدوة منة و دة بعد حوار كبير
فى الحقيقة هو سلاح ذو حدين
انا كان معايا نفس الجهاز امريكي بردو ولسة بايعة 500 جنية
جهاز كاشف الرادار لن يشوشر باى حال من الاحوال على جهاز اللاسلكى الخاص بالشرطة
لكن يوجد جهاز اسمه كاشف الكاشف و هو جهاز لدى الشرطة يكشف عن وجود اجهزة كشف الرادر المثبت فى السيارات و الله اعلم اذا كان لدى المرور المصرى هذا الجهاز ام لا بس اعتقادى انه بنسبة 90 فى المائة لا ..
اجهزة كشف الرادار التى تباع فى السوق الامريكى تبدا من 50 دولار و حتى 500 دولار و تدرج الاسعار يختلف من نوع الى اخر بسبب قدرة الجهاز التى تختلف عن الاخر فى قدرته على الكشف على الترددات التى يعمل بها الرادار حيث ان جهاز الرادار الخاص بالشرطة له حيز ترددى معين يستخدمه فى تحديد سرعة السيارة كما سبق و شرح زميلنا محمد رحيم فى المشاركة السابقة و دور جهاز كاشف الرادار ر هو اعطاء تنبيه عندما يلتقط اى بث فى الحيز الترددى التى تم برمجته عليه من المصنع و الذى بلا شك هو حيز الترددى للرادار الذى يستخدمه فى قياس سرعة السيارة ، و بما ان اجهزة الرادار فى تطوير مستمر و كلما تطورت تغيرت الترددات التى يعمل عليها و التى تكون فى حيز الجيجا هرتز ( و التى بالمناسبة تختلف عن تردد الشرطة اللى هو فى نطاق اليو اتش اف و يقاس بالميجا هرتز ) كلما تغير ـ كلما اصبح( كاشف الرادار) ليس له قيمة طالما يكشف عن حيز ترددى قديم او غير مستخدم او يخص اجهزة رادار قديمة ، و لهذا اصبح الجهاز الاغلى ثمنا افضل لانه سوف يشتمل على مجموعة كبيرة من الحيزات الترددية التى تخص اجهزة الرادار العاملة فى كل النطاقات
بشكل ملخص الرادر علشان يقيس سرعة العربية بيبعت اشارة لاسلكية بتروح لحد جسم السيارة و ترجعله تانى يقوم يعرف بشكل دقيق سرعة السيارة كام ، جهاز كاشف الرادار مهمته انه يتصنت على الاشارة ديه الى بتبقى اشارة ديجيتال ( يعنى مفيهاش صوت ادمى ) ، و اول ما يحس باى اشارة فى التردد اللى مبترمج عليه على طول يدى تنبيع لقائد السيارة علشان يقلل سرعته و كلما كان الجهاز حساس تجاه استقبال الاشارات اللاسلكية كلما احس بجهاز الرادر من على مسافة ابعد ، و طبعا اذا تغير جهاز الرادر الى نظام احدث طبعا حيتغير التردد المستخدم او حيتغير نظام الرادر نفسه الى نظام و تكنولوجيا احدث تستخدم موجات اخرى اعلى تقنية و بالتالى وجب على قائد السيارة اقتناء كاشف اخر يكون به نظام ماسح ترددى على الموجات التى يعمل عليها الرادار الجديد سواء كان ليزر او اى نوع اخر
و هذا عن تجربة زملاء لنا فى هذا المنتدى اشتروا اجهزة كاشف رادار و لم يعمل و هناك اخرون اشتروا انواع اخرى و كانت تعمل بكفاءة
The only one that will work in Egypt in V1
Please make search, as you will find big topic about it here
طيب ال v1 ده بيتجاب من فين وسعره كام؟
من أمريكا http://www.valentine1.com
بس تفتكرو لو هيجى شحن هيعدى من الجمارك