المشاركة الأصلية كتبت بواسطة د.محمود صلاح
الكيا برايد العصفورة
امتلكتها من الزيرو سنة 97 لمدة 7 سنوات
اشتريتها ب 29350 جنيه و800 جنيه فرق الميتاليك
كان ليها سنتين في السوق
الموديل الاقدم كان الاكصدام اسود ومافيهاش كونسول اوسط ولا باكيتات ابواب ولا عداد ار بي ام ( كل ده موجود في الموديلات 97 وانت طالع )
كانت بتنزل بتكييف اصلي وبيزيد 4 الاف ج عن ثمنها
العربية عبارة عن تكنولوجيا مازدا 323 القديم في كل حاجة وبنفس التصميم
وهي كاربيراتير
1100 سي سي 62 حصان
اقصى سرعة 145
لما بتركب 2 ورا كانت بتهبط وتحك
ممكن تركب 4 ورا رفيعين مستريحين ( الكنبة ورا واسعة )
الشنطة الخلفية ضيقة جدا
استهلاك البنزين من الكتالوج 395 كم / صفيحة
بتقبل بنزين 80 لانها كاربيراتير
طوال ال 7 سنين لم اغير سوى الصيانة الدورية وكوبلن قبل البيع ( 120 الف كم )
الصاج خفيف
الهواء بتاع تريلات المقابل بينطرها جامد
لو شفت شكل المقص الأمامي هتتخض ( عبارة عن جريدة قطر 3 سم في 3 سم )
كاوتش مقاسه غريب جدا ونادر 13 في 165 65
العدادات حلوة وبها لمبة الحزام والباب
السيارة الأصلية بدون ساعة تابلوه وركبتها في التوكيل ب 95 ج
وبدون كاسيت ولا سماعات ( مجهزة )
وبدون سنتر ولا انذار
الايريال جانبي فوق السائق
الكنبة الخلفي بتتنى للأمام
قطع الغيار عن كيا حلمي سليمان في شارع رمسيس
التوكيل القديم وليد توفيق لسه بيعمل لها صيانة ( طريق مصر اسماعيلية الصحراوى )