الموضوع: أعلانات تركيب الغاز الطبيعى للسيارات أنتشر مره تانيه , نفس كفاءة بنزين 90 و بـ45 قرش

بناء على مواضيع نقاش كتير فى المنتدى عن الغاز اتضح ان

تأثير الغاز بعد اتباع خطوات الاستخدام الوقائيه قليل جدا على عمر المحرك ويكاد لا يذكر مقابل التوفير العام طوال فتره عمل المحرك بالغاز بدلا من البنزين

توافر الغاز حاليا اصبح مش مشكله اطلاقا المحطات دلوقتى كتيره ومبقتش زحمه وبالطوابير زى زمان ده بجانب انها فى كل المحافظات

لكن تبقى مشاكل الغاز , فى حجم الاسطوانه ووزنها واللى هيأثر بالسلب على اداء العربيه

بجانب استقطاع جزء كبير من الشنطه

انا شخصيا لولا المشكلتين بتوع السحب و مساحه الشنطه كنت قلبتها غاز من بكره

احمد باشا ممكن المواضيع الي فالمنتدي الي بتقول كدا

لان دا يبقي شيء كويس جدا ................ انا فاكر انه كان في شبه اجماع ان الغاز ليه تاثير ضار بالموتور

المشاركة الأصلية كتبت بواسطة dr.almaghraby

احمد باشا ممكن المواضيع الي فالمنتدي الي بتقول كدا

لان دا يبقي شيء كويس جدا ................ انا فاكر انه كان في شبه اجماع ان الغاز ليه تاثير ضار بالموتور

والله يا دوك المواضيع ايه بالظبط انا مش فاكر

هى كانت اسئله فى التعليمى والورشه على ما اتذكر وكام مناقشه فى العام كنت دورت عليهم من فتره وقعدت قرأتهم كلهم للخروج برأى فى الموضوع ده علشان كنت بفكر جديا اركب غاز فى العربيه البرايد وبعدين صرفت نظر لأسباب اخرى

بس كانت المناقشه كلها على اتفاق ان فى اضرار , ما بين ناس بتقول اضرار قويه وناس بتقول اضرار طفيفه جدا مقارنه بكم التوفير وبعدين فى ناس كتبت عن تجارب لعربيات ماشيه ارقام كبيره من الكيلومترات بالغاز ومفيهاش مشكله فطلعت بالاستنتاج ده

متابع الموضوع المهم جدا ده

ما هو لو البنزين غلى لازم تشوفلنا حل لأنى كده هايتخرب بيتى
أرجوكم انقذونى من الافلاس القادم

انا فعلا احتمال اركن العربية و ابطل سواقة اصلا

في برسونا غاز بتنزل ماليزيا منتهي الروعة والله و موتورها متصمم عشان كدا
YouTube - Test drive proton persona cng

المشاركة الأصلية كتبت بواسطة ziabassem

مش أصحاب التاكسي فقط .. أي عربية محولة غاز بتكون كدة
على ما أعتقد بيركب حاجة علشان تقدر تغير ما بين الغاز أو البنزين الداخل للموتور .

هو بيكون فى حاجه زى سوكت ( زى مفاتيح الكهربا القديمه ) و السوكت ده له وضعين
فوق وتحت و منه بتختار ان كنت تشتغل بالغاز او البنزين

المشاركة الأصلية كتبت بواسطة dr.almaghraby

الموتور بتاعك حيبوظ بدري جدا و السحب حيقل جدا

للاسف

انا معلوماتى عن الموضوع ده من سواق عربيه بيجو كان محول عربيته
و سالته على جزئيه السحب و تاثير الغاز على الموتور و هو اكد ان محصلش معاه
مشاكل من النوع ده و محسش ان فى اى تاثير سلبى مع العلم اننا حسبنا عدد
الكيلومتر اللى العربيه بتعمله و المتوسط كان 140 الف فى السنه و بيعمل العمره يتاعته
كل سنتين تقريبا
انا كنت متخيل ان الغاز وحش بس بعد مناقشتى مع السواق ده غيرت رايى
انا شايف ان اللى بيعيب موضوع الغاز فعلا ان المحطات مش مغطيه الجمهوريه كلها
و ان ممكن ده يكون سبب فى ان العربيه تبقى تقيله شويه فى حاله البيع
على اعتبار ان السوق بيخاف من الحاجه الجديده او الفكره اللى لسه مخدتش حقها فى الانتشار