بعد مجبت عربيتى كنت من غير تكييف المهم قولت اركبه واعيش مع التكييف
صرف كتير جدا كل حاجه اتغيرت الا الثلاجه اللى جوه التبلوه وصرف2000 جنيه وعداهم والله
المهم ياريت بعد كل الفلوس اللى ادفعت بقى عندى تكييف وده لانى شكلى رحت لصنيعى غلط
التكييف ضعيف وممكن تعد اكتر من ربع ساعه عشان تبدء تحس بيه وياريت على كده اعد شهر وشويه وفرغ الفريون روحت للصنيعى شكله كبر دماغه وشحنلى التكييف تانى من غير ما يشوف السبب وقاللى ان العيب ممكن يكون فى التلاجه (طيب مضغطش ليه عليها من الاول وشاف العيب قبل المصاريف والله قله ادب هو الواحد بيلاقى الفلوس)
سؤالى الاول هو تكييف العربيه الستروين ال axوحش وضعيف اصلا (لو سليم)ولا انا اللى عندى مشكله
الكلام ده فى اسكندريه عند واحد اسمه عماد البيضه فى الفراهده
التكاليف اللى فاكرها
كمبريسور600
قاعده كمبريسور100
فلتر100
سربنتينه جديده325
سيكس بنشن مش فاكر بالظبط100
خراطيم70
سير للنظام الجديد25
شحن100
مصنعيه200
2كتاوت50
ده اللى فاكره بس وقتها انا صرفت ال2000 فعلا ومش ببالغ
سؤالى التانى اعمل ايه دلوقت ابيع الحجات دى بخساره واستعوض ربنا(لو تكييف العربيات دى اخره كده اصلا) ولا احاول تانى مع صنايعى بيفهم
ياريت اللى مشغل تكييف فيها يجاوبنى