الموضوع: هل الإحتشام بقي عيب ؟

انا ليه تعليق صغير على قصه حضرتك- فى امتنانى الشديد لنيه حضرتك فى الترويح عن زوجتك و بنتك فان اختيارك لهذا الفندق و تعليماته قطعا سيعطيك انطباعا انك سوف تشاهد مناظر تفسد عليك علاقتك بربك طالما انك من البداية تريد الاحتشام فماذا تنتظر منهم ......... لو انا كنت مكانك كنت رجعت فورا على مصر

المشاركة الأصلية كتبت بواسطة mohamed_selim

متفق معاك تماما فى الكلام ده
المشكله هنا هتكون فى تعريف ملابس السباحه
هل الشورت الشرعى (تحت الركبه) ملابس سباحه؟ ... انا رأيى لأ بس محدش بيتكلم عليه فى الاماكن دى
نرجع للمايوه الشرعى للستات ... ده متفق عليه انه من ملابس السباحه فبالتالى مش المفروض انه يتمنع

المشكله الاساسيه سيدى الفاضل ان اسباب المنع مش صحيه و الا كان المفروض ان يكون فعلا فى inspection قبل نزول حمام السباحه بس اللى بيحصل و زى ما صاحب الموضوع قال ان المنع لمجرد المنظر العام فى المكان ده

عندنا فى النادى بيمنعو البنات تنزل من غير غطا للشعر علشان الفلاتر بتاعة الحمام و ده شىء مظبوط
اللى يغيظ ان ممكن ولد شعره طويل و محدش يكلمه من الامن علشان تعليماتهم ان البنات هما المفروض يغطو شعرهم :) القوانين بتكون موجوده لسبب بس اللى بيطبق مش بيفهم الغرض من القاعده فبتقلب بغباء فى التنفيذ

اسباب اعتراضي علشان اوضح اكتر

1- الفندق في بلد عربي مسلم ليه عادات و تقاليد يبقي لازم غصب عنه يراعي النقطة دي و تبقي في شروط انشاءة من الاساس او اضعف الايمان يخصص مكان للسيدات و في الحالة دي يبقي يمنع براحته لكن اللي نرفزني اوي انه بيجبرك انك يا تقلع ياما تقعد علي البحر و حمام السباحه من المحرمات عليك و مع كامل احترامي لكل الاراء اللي بتتكلم عن نقل الامراض لو واحد عنده جرب و مش بيستحمي و نزل المايه هينقل العدوي سواء كان لابس او قالع يبقي المفروض تكون سياستك هي ممنوع النزول بغير الملابس المخصصه للسباحه يعني قماش مش بيشرب المايه يعني لو واحد جاله مزاج ينزل ببدله غوص ينزل و اللي عرفته ان سبب الشكوي المتكررة هما المصريين لانهم علطول اشمعني واحدة عايزة تنزل ببنطلون جينز او جلابيه و تقول اشمعني واحدة نازله بمايوة طويل يعني عذر اقبح من ذنب

2- تعديه علي حريتي الشخصيه و انا كنزيل متعدشي علي حريه المكان الشخصيه انه يحط سياسه بس تكون مناسبة

انا كنت نازل ببنطلون طويل من عند السرة لحد تحت الركبه بشوية و واسع كمان بس فماشة مش بيشرب مايه طب ما دة ممكن ينقل امراض اشمعني هو كانت حاجة فعلا للمظهر العام مش اكتر

المشاركة الأصلية كتبت بواسطة hosamsief

انا ليه تعليق صغير على قصه حضرتك- فى امتنانى الشديد لنيه حضرتك فى الترويح عن زوجتك و بنتك فان اختيارك لهذا الفندق و تعليماته قطعا سيعطيك انطباعا انك سوف تشاهد مناظر تفسد عليك علاقتك بربك طالما انك من البداية تريد الاحتشام فماذا تنتظر منهم ......... لو انا كنت مكانك كنت رجعت فورا على مصر

اخي العزيز

الاصل هو انك تستمتع بنعم ربنا و المناظر دي موجودة في كل مكان بل يوجد اسوأ منها في الشوارع و في بنات لابسة لبس طويل و اسوأ من المايوة بمراحل ربنا سبحانه و تعالي طلب منك غض البصر و المسلمين غزوا اوروبا من شرقها لغربها و مقفلوش علي نفسهم و كانوا بيغضوا البصر و تعليمات الفندق دي من الواضح خلال سياق الموضوع ان 90% من فنادق مصر بتعمل بيها يبقي لو انا رجعت مصر فورا و غيري رجع مصر فورا يبقي اسمحلي دي سلبيه و مش هتحل حاجة انت تروح و تشتكي و غيرك يروح و يشتكي و الفنادق لازم تعرف انها بتفقد عملا بالطريقه دي فالطبيعي انها هتعدل من طريقتها و الطبيعي اكتر ان بأستمرار الضغط كل فندق هيعمل حمام سباحه للسيدات و ممكن و
الله اعلم يبقي العميل الي عايز يلبس مايوة عادي او العميله اللي عايزة تلبس مايوة عادي هي اللي بيتقالها لأ

لما بشوف واحدة في الشارع لابسة عريان مبروحلهاش و اقولها ممنوع و عيب عليكي و كمان لازم لما واحدة تلبس طويل و كويس محدش يقولها عيب و ممنوع

اتمني وجهه نظري تكون وصلتك