الموضوع: سخونيه

ياريت بلاش تكرار طرح نفس المواضيع فى أكتر من قسم بالمنتدى

لأن ده ممنوع علينا كأعضاء

عموما ده ردى إليك فى قسم المحركات

غير ثرموستات المكنه

وشوف الجديد

شكرا جزيلا على النصيحه بس الموضوع ده هيجننى بقاله يومين و جننى اكتر النهارده لما لقيتهم فى التوكيل محتاسين

غير ياباشا

الترموستات

حتلاقيه ب30 ج

بدل ماالمكنه تضيع

أما نشوف الوضع الجديد مع الترموستات الجديد

حيقول معاك أيه

وأنت ممكن تكشف بنفسك على الثرموستات شغال ولا لا

1- دور المكنه وسخن

2- أول ما الحراره تبدأ تزيد معاك للوضع الطبيعى

أمسك خرطوم الميه اللى طالع من وش السلندر ورايح للردياتير من فوق

لقيته حرارته عاديه ومش سخن

يبقى أرمى الثرموستات الحالى وركب بديل له

المشاركة الأصلية كتبت بواسطة aid904

بعد اذنك يا باشمهندس سمير هو مش شيء طبيعي ان الخرطوم دة يكون سخن لان الميه جواة حرارتها 90 درجه

فعلا الطبيعى أن يبقى سخن طالما حرارة الميه وصلت ل 90 مثلا

أما لو سخونيته عاديه وغير محسوسه ( كأنه خرطوم مرمى فى غرفة المحرك )

ومفيش ميه سخنه ماشيه جواه ( يعنى نقدر نقول مش سخن ....علشان منتوهش فى الكلام )

يبقى على طول

الثرموستات قافل على الميه جوه المكنه ومانعها من المرور إلى الردياتير

والباقى معروف

وصول درجة الحراره على مؤشر الحراره الى المنطقه الخطره الحمراء فى أسرع وقت

انا لسه كنت بشيك على الزيت و الحمد لله لقيته نظيف يعنى مفيش طحينه لانى شكيت انه وش سليندر و حاجه كمان الردياتير خد زجاجتين ميه مع انى مغيرها النهارده العصر بميه خضراء و فى ميكانيكى قالى احنا ممكن نستغنى عن الترموستات ده خالص ............. ده صح

غلط ألغاء الثرموستات

شكرا يا جماعه على النصايح بتاعتكوا و خاصة samirayad و الحمد لله تم حل المشكلة عن طريق تسليك الردياتير و الدنيا بقت زى الفل و الكلام ده حصل مع الميكانيكى بتاعى و الصنايعى بتاع الردياتيرات و لو اى حد م ن مدينة نصر عايز اى خدمة من الصنايعيه دى انا على اتم استعداد لان الناس دى انا بتعامل معاهم من اكتر من 10 سنين اما التوكيل الزباله ده ان شاء الله هروح امسح بيهم الارض علشان صنايعى بلدى يعرف و هما اللى عاملين فيها مهندسين ميعرفوش