حد يعرف ميكانيكي شغال في الفورد (وائل عطية)

**وائل عطية** · 16-02-2008 01:57 PM

ياجماعة محتاج مساعدتكم
أنا رحت توكيل فورد في 6 أكتوبر ، في الفترة اللي هم كانوا عاملين حملة ترويجية وخصومات (على حد زعمهم)
وللأسف زيهم زي مُعظم توكيلات العربيات في مصر نصب في نصب ، وبيعتبروا إن اللي يدخل عندهم يبقى يستاهل اللي يجرى له ، وإنه صيد ثمين، خصوصاً لما تبقى توكيلات عربيات ذات فئة سعرية عالية
أنا الشكوى عندي من صوت زنة في التابلوه، روحتلهم أشوف إيه السبب لقيتهم رصولي شوية حاجات قيمتها 7 آلاف جنيه (طبعاً اشتغالة) لأن العربية شغالة زي الفل وأداءها أكثر من ممتاز .
ففكرت إني أشوف ميكانيكي مُحترم أو مركز صيانة متخصص في فورد بعيداً عن التوكيل وأسعاره المُبالغ فيها
وإن شاء الله هاعمل موضوع عن التوكيل دا، وأحكى انطباعاتي عنهم بالتفصيل

**ramyso4** · 16-02-2008 09:28 PM

fih techno ford el fel 7erafeyeen bas ghalyeen sena bas kowayeseen gedan

**emam** · 27-02-2008 04:34 PM

استاذ وائل هو انته اشتريت فورد ولا ايه ؟ انا فاكر انك بعد مبعت الاسبرانزا لسه مجبتش حاجه ؟

**ابوشريف** · 28-02-2008 04:23 PM

المشاركة الأصلية كتبت بواسطة emam

استاذ وائل هو انته اشتريت فورد ولا ايه ؟ انا فاكر انك بعد مبعت الاسبرانزا لسه مجبتش حاجه ؟

http://www.nilemotors.net/Nile/showt...DD%E6%DF%C7%D3

انا ملاحظ ان معظم اللى اشتروا سيارات زيرو كل واحد ليه شكوى عن شئ فيها
يبدو ان مفيش خير فى معظم السيارات اليومين دول سواء يابانى او امريكى

**a3reda** · 29-02-2008 07:06 PM

اهلا استاذ وائل

اتابع موضوعاتك بشغف

لكن اسمح لى ان احكى لك عن تجربتى مع التوكيل رجب وفكرى

اولا انا اشتريت اسكورت 1998 وقولت ادخل توكيل رجب فى سنه 2002
ومع ان العربيه كانت معى طلقه ريح ميه ميه وزى الفل لقيت طلبات بحوالى ست الاف جنيه منها طقم الطنابير ورا وقدام وتيل الفرامل ورا وقدام واسطونه دبرايجوسير كاتينه وبلى الكاتينه وطقم البلى للعجل ورا وقدام وفلتر زيت وفلتر هوا ............

بينى وبينك قولت علشان المشوار بس اغير زيت وفلتر الزيت وطقم البوجيهات

غيرتهم ودفعت سنه 2002 مبلغ 475 جنيه فى غيار الزيت وطقم البوجيهات

ودفعت 11 جنيه تمن واحد قهوه وواحد شاى

وخرجت من عندهم وقولت حسبى الله ونعم الوكيل.

مع الايام طبعا لقيت نفسى محتاج اغير سير الكتينه والكلام ده سنه 2007 فبراير

اشتريت سير الكتينه من التوفيقيه ولفيت على كم ميكانيكى علشان التركيب لقيتهم بيتهربوا وموش فاضيين . اتصلت بالتوكيل وكان ايامها جديد جدا وكنت خايف يتكرر ال حصل مع رجب

حق ربنا اتصلت بيهم ورحت هناك مركزهم بالسادس من اكتوبر ولقيت احسن خدمه عندهم ولقيت اسعار قطع الغيار ارخص من التوفيقيه لدرجه خليتهم يركبوا سير الكاتينه من عندهم ومع بلى الكاتينه وفكرت بعدها انى لما اعمل اى حاجه بالعربيه اعملها عندهم

يكفى انهم بيقدموا ضمان سنه على قطع الغيار

وانا لن اعارضك ولا اشكك فى طلباتهم

انما برضه يلزم التفكير قبل اتخاذ القرار فى تغير حاجه بالسياره يعنى موش معقول يقولوا لى اعير اسطوانه الدبرياج وانا شايف انها شغاله كويس معى

عموما

اهنئك من كل قلبى على شراء فورد فوكس 2003 الاتوماتك وربنا يكفيك شرها

ويبارك لك فيها

وانا فى صدد شراء فورد فوكس 2003 عاده. وباذن الله قبل ما هشترى العربيه هروح بها عندهم فى التوكيل لفحصها بمبلغ 165 جنيه

اعتذر للاطاله

**وائل عطية** · 01-03-2008 10:10 AM

ألف شكر للأخوه المُشاركين في الموضوع
هو زي ماأنا قلت قبل كده إني رُحت التوكيل في 6 أكتوبر، وطلبوا تغيير حاجات بما يزيد عن 7 آلاف جنيه..بس أنا شاكك في الكلام لأن العربية كويسة وأدائها ممتاز
المهم عرفت إن في مركز صيانة اسمه تكنو فورد في الحرفيين (وبالمناسبة هو بيشتغل في ماركات كتير منها التويوتا والسيتروين والبيجو بالإضافة لكونه أصبح مركز صيانة معتمد لهيونداي) ..وغيرت عندهم قواعد الموتور (أخدوا مصنعيات 270 جنيه أنا شايف إنه كتير شوية) بس ركبوا قاعدتين موتور (أنا اللي شاريهم) وفحص كامل لدورة التبريد (المياة) ومعالجة بعض التسريبات
انطباعي إنهم مش في نفس الناحية التنظيمية للوكيل، وبيعتبروا نفسهم زي الوكيل في التكلفة..يعني بعد ما مشيت من عندهم امبارح جاي أشغل الكاسيت لقبته طالب الكود ، ودي خطوة كان المفروض يعملوها من نفسهم، كمان الزجاج عندي تاتش من لمسة واحدة بيرفع أو بينزل وكمان من المفتاح الريموت ، لقيت الخاصية دي مش شغالة، وهافوت عليهم تاني النهاردة يعملوها.

**ramyso4** · 17-03-2008 09:49 PM

ana 2asef ya 2ostaz wa2el law wadetak l makan me3agabaksh bas besara7a ana barta7 ma3ahom w ba7esohom fahmin kowayes w bashoof 3arabeyat malaky monofeya w eskendereya w mo7afzat ktir 3andohom

w law 7adretak hatro7lohom 2oly ana a3rafhom kowayes w bat3amel ma3ahom men zamaaaaan men ayam ma kano warsha soghayara fel matareya

**Hossam_Khattab** · 06-04-2008 10:37 AM

يا جماعة فى ميكانيكى كويس جدا اسمه اشرف عبدالنبى هو متخصص فى الاروبى وكمان بيصلح الفيتيسات الاوتوماتك
هو مكانه فى وسط البلد عند ميدان لاظوغلى هتلاقى شارعين شارع نوبار وشارع خيرت هو فى شارع متقاطع مع الاتنين اسمه شارع يعقوب
وبالتوفيق ان شاء الله

**biro14** · 20-04-2008 05:17 PM

انا اعرف ميكانيكى متخصص فورد لأنه كان شغال فى التوكيل القديم اسمه قطب . واعرف ناس كتير بتصلح عنده. الورشة فى شارع فى الضاهر (متفرع من الفجالة) هو شارع صغير جنب مدرسة دىلاسال.

**biro14** · 22-04-2008 05:29 PM

على فكرة ، انا كنت عنه النهارده والشارع طلع اسمه "بركة الرطل" والموبايل بتاعه :
0101468854
وكمان لقيت انه جاب واحد متخصص فى التكييف ممتاز.
و يا ريت تتعامل مع قطب شخصيا وليس اى احد اخر فى الورشة.