جنوط سوبارو للبيع

**joen** · 18-06-2010 12:46 AM

سلام عليكم يا رجالة انا محمود انا معايا سوبارو 2008 عملت بيها حادثة وفى جنط عندى اكسر فقررت ابيع باقى الجنوط مقاس 15 اللى عاوز جنط لعربيتة يتصل بيا على 0199956677

**KHALED AYMAN** · 18-06-2010 12:51 AM

مش ملاحظ ان العنوان ملوش دعوه بالموضوع ؟

**eng.octooo** · 18-06-2010 01:05 AM

كان ممكن بكل سهولة انك تقول عاوز تبيع الجنوط ......بس ماتغلطش فى اى عربية حتى ولو كانت كارو ...لانك بكل بساطة ماتعرفش صاحبها جابها ازاى

والاحسن انك تحط الموضوع فى قسم البيع والشراء

مع العلم انى مش ملاك السوبارو بس لقيت حضرتك بتذم فيها

**hobaz** · 18-06-2010 01:08 AM

ارجو من الأدارة تغير العنوان لهذا الموضوع.......

**joen** · 18-06-2010 01:31 AM

طيب اسمعوا بقى زى مقولت عربيتى سوبارو امبريزا 2008 هاتش كنت باخد ملف عادى جدا على مية العربية عملت معايا كرف وعامت بيا وقعدت الف بيها وكنت هموت وانا مسافر لولا ربنا سترها ولبست فى عامود بصلحها طبعا برة التوكيل جبت قطع غيار للعفشة جيت ارجعها مفيش ساعة مكنوش راضيين يرجعوها تقريبا مش معترفين بقانون حماية المستهلك وسياسة الاسترجاع على فكرة يا رجالة انا وكيل نيابة الراجل بتاع قطع الغيار زعقلى علشان كنت بكلم معاه بزوق وبتعامل معاه كشخص عادى روحت قلبت وكيل نيابة بقى وعربجى فى نفس الوقت على طول الحاجة رجعت شوفوا على طول اول مشتمت وزعقت وقولتلهم هكتب فيكم مزكرة فى النيابة وهشتكيكم فى شركاة سوبارو لموا الدور وده عادى علشان طبعا انا كنت بتعامل معا مصريين مش عاوز اقولكم بقى على اسعار قطع الغيار يا دين النبى مشفتش زيها معلومة بقى السوبارو من موديل 2008 بتتصنع فى الصين وبعد كده بتتبعت فى المانيا وبعد كده بتيجى مصر يعنى عربية مش ميه فى الميه يابانى على فكرة يا جماعة انا كنت اكتر واحد بشكر فى السوبارو لغاية مشفت اللى شفتوا

**vet mitcho** · 18-06-2010 02:05 AM

السلام عليكم ورحمة الله وبركاته

بالنسبة ان العربية بتتصنع في الصين وبعد كده بتتبعت المانيا ده كلام غير صحيح اطلاقا بنسبة 100% العربية Made in japan
اما ان العربية كنت بتاخد بيها ملف عادي على 100 و العربية عامت ولبست في عامود
الاول الف حمد لله على سلامتك وفداك
ثانيا اكيد العربية بتاعتك كان فيها حاجة اما العفشة مش سليمة او الكاوتش بايظ و في الحالتين اظن ان حضرتك كسلت تصلحها لكن في الاحوال الطبيعية انا معايا برضه نفس موديل عربيتك و بسرعة 100 ممكن اخد ملف زي الملف اللي في دخلة نفق التجمع مش ملف عادي

**hossam_elwani** · 18-06-2010 02:18 AM

المشاركة الأصلية كتبت بواسطة joen

طيب اسمعوا بقى زى مقولت عربيتى سوبارو امبريزا 2008 هاتش كنت باخد ملف عادى جدا على مية العربية عملت معايا كرف وعامت بيا وقعدت الف بيها وكنت هموت وانا مسافر لولا ربنا سترها ولبست فى عامود بصلحها طبعا برة التوكيل جبت قطع غيار للعفشة جيت ارجعها مفيش ساعة مكنوش راضيين يرجعوها تقريبا مش معترفين بقانون حماية المستهلك وسياسة الاسترجاع على فكرة يا رجالة انا وكيل نيابة الراجل بتاع قطع الغيار زعقلى علشان كنت بكلم معاه بزوق وبتعامل معاه كشخص عادى روحت قلبت وكيل نيابة بقى وعربجى فى نفس الوقت على طول الحاجة رجعت شوفوا على طول اول مشتمت وزعقت وقولتلهم هكتب فيكم مزكرة فى النيابة وهشتكيكم فى شركاة سوبارو لموا الدور وده عادى علشان طبعا انا كنت بتعامل معا مصريين مش عاوز اقولكم بقى على اسعار قطع الغيار يا دين النبى مشفتش زيها معلومة بقى السوبارو من موديل 2008 بتتصنع فى الصين وبعد كده بتتبعت فى المانيا وبعد كده بتيجى مصر يعنى عربية مش ميه فى الميه يابانى على فكرة يا جماعة انا كنت اكتر واحد بشكر فى السوبارو لغاية مشفت اللى شفتوا

ربنا يعينك

وده بيأكد ضرورة السؤال عن اسعار قطع غيار العربية اللى بتشتريها قبل اتخاذ القرار

**ouba2** · 19-06-2010 12:08 AM

المشاركة الأصلية كتبت بواسطة vet mitcho

السلام عليكم ورحمة الله وبركاته

بالنسبة ان العربية بتتصنع في الصين وبعد كده بتتبعت المانيا ده كلام غير صحيح اطلاقا بنسبة 100% العربية made in japan
اما ان العربية كنت بتاخد بيها ملف عادي على 100 و العربية عامت ولبست في عامود
الاول الف حمد لله على سلامتك وفداك
ثانيا اكيد العربية بتاعتك كان فيها حاجة اما العفشة مش سليمة او الكاوتش بايظ و في الحالتين اظن ان حضرتك كسلت تصلحها لكن في الاحوال الطبيعية انا معايا برضه نفس موديل عربيتك و بسرعة 100 ممكن اخد ملف زي الملف اللي في دخلة نفق التجمع مش ملف عادي

ياااااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا ااااة فينك ياراجل اية الغيبة الطوييييييييييييييييييييي لة دي :)

**ahmad7610** · 19-06-2010 12:32 AM

حمدالله على سلامتك ... وقدر الله ما شاء فعل ...
-
العربية 2008 و 2009 ناقشنا موضوع ثباتها من قبل ومن كلام كتير واضح ان 2005 و 2007 أوطى و أثبت من 2008 لأن عفشتها ناشفة جدا عم 2008 لكن مقابل كده 2008 مريحة فى الشوارع السيئة والتعليق الخلفى مستقل ..
-
العربية 100% يابانى .. مش معنى ان العربية مختلفة كليا عن 2007 ان بلد المنشأ مش اليابان ..
-
مفيش سوبارو بتتقفل فى ألمانيا .. سوبارو الشركة اليابانية الوحيدة اللى بتصر على تجميع كل العربيات داخل اليابان .. ماعدا موديلات معينة للأسواق الأمريكية و الأسترالية تجمع فى أمريكا بعجلة قيادة يمين ومواصفات ومحركات تبدأ من 2000 سىسى
-
نعومة العفشة بتعمل understeer وده عيب معروف بره فى ال 2000 سىسى و 1500 سىسى ويتغلبوا عليه ب strus bar
و تنشيف العفشة و كاوتش أعرض ...
-
فى النهاية الامبريزا (( 1500 سىسى ))) ليست عربية راللى وهى عربية عادية 1500 بدفع رباعى يعطيها ثبات نسبى أعلى من عربيات 1600 و 2000 سىسى بدفع أمامى ... و اللى بيحاول يأخد من العربية أكتر من كده سواء بملفات موت أو المشى على جبال و أرصفة يتحمل نتيجة ذلك ... وكلامى ليس موجه لصاحب الموضوع .. كان الله فى عونه

**eslamsubaru** · 21-06-2010 10:49 AM

أولا حمد الله على سلامتك
ممكن و انت بتاخد الملف تكون سيبت دواسة البنزين و بالتالى ال awd مش هيكون شغال فلازم العربية تعوم منك

الموضوع: جنوط سوبارو للبيع

LinkBack

أدوات الموضوع

عرض

-

-

-

-

-

-

المواضيع المتشابهه

سوبارو ٢٠٠٩ للبيع

محتاج جنوط سوبارو أصلي 15

سوبارو للبيع

((((((((((((((((((((((((((((((للبيع سوبارو امبريزا))))))))))))))))))))))))))))

للبيع سوبارو امبريزا2007

الكلمات الدلالية لهذا الموضوع

المفضلات

المفضلات

ضوابط المشاركة