-
الاسعار بطريقة مختلفة
مساء الفل علي احلي قسم في المنتدي
عملنا مواضيع كتير هنا عن اسعار قطع الغيار والحاجات اللي كل واحد فينا غيرها في عربيته
بس عايز اكتب المرة دي اسعار لكماليات واكسيسوريز ماحنا بردو لازم ندلع عربياتنا شوية
وياريت اي حد اشتري حاجة في عربيته يقلنا عليها بردو لتعم الافادة كعادة الرجالة هنا
مع ملاحظة طبعا ان ممكن يكون في فرق في الاسعار لان في حاجات من زمان واكيد رخصت عن كدا
1_باركينج سنسور اللي بشاشة صغيرة في التابلوه (مش كاميرا)ودا كان من سنة و نص تقريبا وكان عامل ايامها 250 جنيه والتركيب 50 جنيه
2_زينون 8000 كلفن كان ب380 جنيه عالي وواطي من حوالي 5 شهور
3_تغيير الزجاج الامامي لكهربا من سنة وشوية ودا عمل كل حاجته 450 جنيه (اعتقد دا غالي شوية بس بصراحة لحد دلوقتي مفيش منه اي مشاكل
4_ستاير لزجاج الابواب الامامي والخلفي ودا الجوز عاملين 60 جنيه من شهر
5_ام بي ثري ولاعة من راديو شاك بريموت للتارة وريموت عادي وضمان 6شهر باين ودا عمل 140 جنيه من شهرين
6_مسند اسفنج اللي بيتحط بين الكرسيين الامامين ودا كان ب25 جنيه من سنة
7_تركيب ابانوس للتابلوه من سنتين واتكلف 150 جنيه وشلته بعدها باسبوع لان فعلا كان شكله سيء
8دي الحاجات اللي علي بالي دلوقتي ولو افتكرت حاجة تانية هابقي اكتبها
وياريت لو حد جاب حاجة لعربيته يكتبها بردو للافادة
-
فى قسم كامل يخص الكماليات وبصراحه الناس هناك مش مقصره فى حاجه وكل جديد بيتقال هناك خش عليه وهتلاقى كل الى انته عايزه
-
مشكور يا باشا علي الحاجات الحلوة دي وربنا يباركلك في العربية ولو ممكن صور ونوع العربية
-
اموت انا في الدلع ده
يعني المفروض عربيتك تمشي تغنيلك
يا مشخلعني يا مدلعني
-
الله ينور عليك انا معك نفسى ندلع عريتنا هو انت معاك اية يريت نشوف اللصور عشان نعمل زيك وشششكرا
-
استاذى
لو سمحت كونت عايز اعرف جبت البركينج سنسور منين وركبته فين والزجاج برضو لو سمحت
وجزاك الله خير
Content Relevant URLs by
vBSEO 3.6.0 PL2