يا جماعة انا ناوى احجز العربية التيجو بس نفسى احجز 2000 بس انا خايف الفيتس الاتوماتك بتاع التيجو واكل البنزين اما 1600 اسمع ان الماتور ضعيف اية رايكم
ممكن صور العربية وصور الماتور 2000 وصور الماتور 1600
عرض للطباعة
يا جماعة انا ناوى احجز العربية التيجو بس نفسى احجز 2000 بس انا خايف الفيتس الاتوماتك بتاع التيجو واكل البنزين اما 1600 اسمع ان الماتور ضعيف اية رايكم
ممكن صور العربية وصور الماتور 2000 وصور الماتور 1600
انصحك ب 2000 جميلة و مع ناس كتير هنا في المنتدي و مفيش شكاوي و الحمد لله
[س الترخيص هيبثقى غالى لل2000
لويعنى على قد 3 يركبو او4 اعتقد ال1600 هتبقى احلى وافر وكل حاجة واستخير بالتاكيد
ضريبة اتل 2000 في السنة الواحدة اكتر من ال 1600 في 3 سنين .... اسأل اكتر بدل لما تتصدم :)
ترخيصها كام ؟
والله انا دافع كل حاجة بالطفاية بالورق بكل الضرايب في 3 سنين m11 1600 اجمالي 1200 جنيه ..... كان واقف ورايا واحد بيجدد رخصة تيجو 2000 ....ضرايبها من شباك السداد بس 1000 جنيه في سنة واحدة علشان هوة كان جايبها قسط و ميقدرش يرخص اكتر من سنة بسنة ....
والله اعلم
السلام عليكم:
بص يا مستجد (اسمحلي بالهزار معاك)
انا معايا ال2000سي سي مو 2010...من شهر 10/2009 وعاملة 6800كم تقريبا لحد دلوقتي مفيش اي مشكلة ولله الحمد
أنا كنت زيك بالظبط في نفس الحيرة دي وسألت أمة لا اله الا الله تقريبا واستخرت ولقيت الآتي:
1- لو الموضوع فلوس وبس وكانت فلوسها موجودة ولو حتى على القد فأفضلك الأعلى قوة والأريح في السواقة والأكثر رفاهية لأنك ببساطة مش هتشتري كل يوم ولازم بعد شراها ماتندمش وتقول ياريتني (أديك شايف الزحمة والحر ووووووو)
2- ال2000سي سي في الفلوس تحس بيها بس في دفع الضريبة لكن الحمد لله بنزينها قريب جدا من ال1600(انا كنت راكب 1600 ودارس الموضوع)
3- موضوع الفتيس الأوتوماتيك لأنها عربية صيني محدش أشتكى منه للآن (وربنا يستر) من موديلات 2009 اللي بدأ بيعها من 2008 علما بأن ال2000سي سي أوتوماتيك ظهرت في السوق قبل ال1600 ولولا ظهور ال1600 بنفس الشكل ولولا موضوع الضرايب مكنش حد هيشتري ال1600!!!! ليه؟
4- وزن التيجو أكبر من العربيات السيدان العادية اللي لها نفس السي سي ونفس الهورس باور بمعنى ان الوزن ده كتير على ال1600سي سي وجرب العربية وهي محملة بأربعة أفراد على مطلع والتكييف شغال وشوف حالتها ايه
في ناس جربت واشتكوا
طبعا ممكن حد يقول مش دايما هنركب اربعة وعلى مطلع والتكييف شغال....ماشي لكن قوة العربية بتقاس في أسواء ظروف تشغيل
5- الموضوع متوقف عليك انت....يعني لو يفرق معاك الأوتوماتيك في الزحمة دي والفلوس ممكن تتوفر يبقى نصيحة لله ماتسترخصش على نفسك
ملاحظة:من ضمن اللي سألتهم مهندس الورشة في ابو غالي وعيب على ال1600 وقال مشاكلها كتير.....والله اعلم.......معلش انا طولت عليكم لكن النصيحة لله
م.ياســـر
الف شكرا يا جماعة وربنا يبارك فيكو
يا جماعة تيجو 2000 نزل منها الزجاج ملون ولا لسة وهل اتوماتك بيجمع بسرعة وبطيئة
كلامك كله حلو و صح .... بس تعليق بسيط ....انا معايا m11.... و مع انها 1600 "1597" بس وزنها اتقل من التيجو 30 كيلو في الصافي و المجمل ..... بس برضه ده مايمنعش ان ال Air Dyn بتاعها احسن من التيجو علشان الحجم ..... و برضه محستش باي مشكلة من الوزن حتي وانا محمل و مشغل التكييف و الحمد لله .....
الخلاصة اني انا اعتقد ان 1600 هتكون مش وحشة بس طبعا ال 2000 هتكون اقوي .... و انت و فلوسك و ربنا يوسع علي الجميع