السلام عليكم...
حاجة مستفزة جداً ... اكيد مش انا لوحدي اللي ملاحظها
تبقى بتصلي في المسجد اللي جنب بيتك و تلاقي اللي معدي بالعربية ساعة الصلاة و مشغل الكاسيت عالآخر عشان يعرف كل اللي بيصلوا انه موجود ... و انه عنده ساوند سيستم مفيش زيه في البلد
حاجة تكسف... بالذات لو في حي هادئ...
رجاءاً ...
وطي صوت الكاسيت .. لما تكون معدي على مسجد ...
طبعاً الكلام دا لقائدي السيارات .. وليس لراكبي الموتسكلات الصيني و التوكتوك ...لأن الآخرين غير قابلين للنصح من الأساس
و لو حد فكر يدخل المسجد يصلى يبقي يعمل الموبايل صامت او يطفيه و يريح نفسه .
كل واحد بيبقي عنده يقين ان محدش هيتصل بيه وهو بيصلى و كذا مرة يقولى حد من صحابي ( هو حد هيرن فى ال 5 دقايق دول ) و سبحان الله بعد ما تبدا الصلاة يرن الموبايل !!
اللي حضرتك بتتكلم عنهم دول بيبقوا عيال صغيرة من 18 الي 25 سنة بالكتير لكن لو سن اعلي بيبقي اكثر نضجاً واكيد فاهم
بكره الحركة دى ...اقتباس:
المشاركة الأصلية كتبت بواسطة terrible_darsh
يبقى بنصلى و تلاقى بقى أصوات أغانى ...
مش هاين عليه يقفلوا !
بس ساعات كتير ناس بتنسى
أنا مرة كنت معدي من جمب جامع عند الكلية الحربية كان فيه عزا لقيت عربية قدامي بتذمر أكن فيه فرح
كنت عايز الحقو اشتمه
والله مش شرط يعني كل اللي في السن دة بيعمل كدةاقتباس:
المشاركة الأصلية كتبت بواسطة shooter123
ماهو صاحب الموضوع ذات نفسة في السن دة
وكلمة عياال صغيرة دة متنفعش
يااريت بعد اذنك انتقااء الالفااظ
مش شرط السن يعني
اعرف ناس معدين ال 30 سنة وكيف عندهم معلين الكاسيت وهما مااشين
هيا مش مسالة سن مش اكتر
مبدائيا مينفعش كلمه عيال صغيره فعلا بس عادي سقطت هفوا :d
المهم فعلا الموضوع مشكله العزا او جنب المسجد او لما اخش الجامعه برضه او اي مكان محترم شركه مثلا :)
غير ان المفروض الكاسيت ميعلاش الا في حالات معينه يعني دوشه و هبل
اقفل على نفسك الازاز و على صوت الكاسيت علشان متسمعش حاجه من بره على العموم دي حريه شخصيه
فعلا الموضوع ده ساعات مبيفرقش مع الناس ديه ومش هامه ده بدل ميدخل يصلي لا طبعا التفاخر والروشنة هي الاهم ربنا يهديهم
طيب هوه بيعليه ليه هيعرف يسمع كويس لو على الكاسيت !!
الى يغيظ بجد انك تلاقى كتب كتاب فى الجامع والعربيات راكنة قدام الجامع وطبعا معلين الكاسيت على الاخر (مش فرح) وطبعا راكنين قدام الجامع وصوت الاغانى مسمع فى الجامع
لما بنزل اصلى الجمعة مباخدش الموبايل معايا :)اقتباس:
المشاركة الأصلية كتبت بواسطة SeiffoZ
فكرتنى مرة كنت بصلى فى جامع توشيبا صلاة العشاء .اقتباس:
المشاركة الأصلية كتبت بواسطة elassar2010
و انا داخل المسجد كان فى كتب كتاب و مقولكش بقي , بنات بمينى جيب و كات و فساتين متتشفش اساسا وواقفين على باب المسجد تخيل !!
و انا خارج عليت صوتى و قلت ايه الاستهبال ده ! الواحد يدخل يصلى يشوف الاشكال دى على الباب !! :L_bhuhhh[1]:
اى دوور عبادة عاماً ليها إحترامها سواء كان جامع او كنيسة
مش لازم كاسيت فى الدقيقتين الرايح فيهم للمسجد ممكن يذكر فى فتره دى بدل ما ينسى و يشغل الكاسيت عالى !!!
فى الأساس اذا كان الجامع قريب أو تكون ميعاد الصلاة مش فى وسط وشوار او مفيش داعى للعربيه من اصله محبكتش فشخره من البيعمل كده خصوصا أن المشى ثوابه أعظم كتير .
احنا علطول بنعمل كدة سواء فى صلاة او لا
خلاص الناس نسيت ربنا
لأ والي يغيظ أكتر الي مشغل أغاني والآذان بيأذن جنبه .. ولا في دماغه
معدش فيه لا دين .. ولا دم
رجاء آخر بلمرة علشان انا مرارتي اتفقعت شوية
ياريت اللي عنده اي مناسبة داخل مسجد سواء كتب كتاب أو عزاء ياريت الاحتشام للرجال والسيدات
حتي ولو لم تكن الصلاة في نيتهم
شكرا بارك الله فيك
هيا جت على الكاسيت بس
ده في كتير جدا من اخواتنا هواة الموتوسيكلات الصيني و مركبين فيها عدة الصوت و معليها على الاخر
لأ و كمان ايه
شايل الشكمان ( على اساس انه راكب موتوسيكل كوازاكي )
و تلاقيه كمان معدي من تحت البيت الساعة 4 الفجر
مبقاش فيه زوق عند الناس
ولا احنا اللى بقينا ناس غريبة و الحاجات اللى بتحصل حوالينا بقت شيء طبيعي و احنا مكبرين الموضوع؟؟؟؟؟!!!!!!
ياريتها فعلا على الكاسيت لا دا اللى معندوش دم بيعدى بليل بالموتسيكل وطبعا طرقعة بصوت عجيب تفزع الناس من نومها دى بجد مش تصرف غير واحد محدث نعمة واول مرة يركبة سواء هارلى او ريس او الموتسيكلات الللى شبة الرالى منهم لله فعلا دى غير كل العربيات اللى واقفة انذارها يشتغل والواحد يحس انة فى ملاهى دا بلاضافة للولاد اللى بيمشوا يسوطوا ويصرخوا مش عارف هو فى اية !!!!!!
وأنا بأقول يا أخى لو ماشى بعربيتك فى الشارع وطى صوت الكاسيت مش لازم تبقى جنب جامع أو كنيسةاقتباس:
يا اخي لو معدي بعربيتك بجوار مسجد ... وطي صوت الكاسيت!
مش من حق أى حد يعمل تلوث صوتى فى المجتمع اللى هو عايش فيه
ليه ما نكونش زينا زى أوربا والدول المتقدمة.
كنت داخل أقول كده :star1:اقتباس:
المشاركة الأصلية كتبت بواسطة Abdo_Eldesokey
نفسي نحط في محيط الجوامع يفط مكتوب عليها
"برجاء الهدوء منطقة مسجد" لأن المشكلة مش في الكاسيت بس لأ ممكن عادي تلاقي بائع جائل معدي وعمال ينده على بضاعته بصوته الجميل أو بتاع روبابيكيا وميكروفونه الفظيع أو واحد واقف بينده على واحد في العمارة اللي قصاد المسجد بعلو حسه وغيره و غيره وبصراحة الناس دي المفروض أصلا تدخل تصلي مهما كانت أهمية اللي هما بيعملوه المفروض وقت الصلاة الواحد يسيب اللي في ايده ويروح يصلي
بس تفتكروا حد هيفهم ولو فهم هينفذ؟