أسعار السيراتو أنهارده ؟ خليجي وتوكيل ؟

**Ahmed Amin** · 18-06-2010 01:47 AM

ممكن نعرف أسعار السيراتو أنهارده موديل 2010 و 2011 ؟
وأي معرض ترشح لحسن معاملته وأي معرض تحذر منه.

كم كان سعر موديل 2010 أول السنة ودلوقتي ؟ وما الجديد بموديل 2011 عن 2010 ؟

وهل الأفضل خليجي أم توكيل ؟ هل الخليجي له ضمان ؟
وما الفرق بينهم . وأيهما تفضل

أعتذر عن كثرة الأسئلة ولكتني أتمني الأجابة لحيرتي.

**abdallahyassin** · 22-06-2010 07:40 PM

انا كمان متابع باهتمام
يارب حد يرد علينا ويدينا المفيد ان شاءالله

**ابو ليلى** · 22-06-2010 08:28 PM

المشاركة الأصلية كتبت بواسطة leitosr

ممكن نعرف أسعار السيراتو أنهارده موديل 2010 و 2011 ؟
حدد بس المواصفه اللى حضرتك تقصدها لان السيراتو موجود منها انواع كتير

وأي معرض ترشح لحسن معاملته وأي معرض تحذر منه.

لو اشتريت توكيل هتلاقى فى اى معرض زياده حوالى الف او الفين فوق السعر الرسمى

لو وكيل طبعا بتروح للموزع المعتمد الاول لو ملقتش المواصفه المطلوبة شوف بالترتيب

جابر عبد الشهيد - سمير ريان لان دول اللى ممكن يبعولك كاش وقسط انما اى معرض تانى

صعب انه يبعلك كاش

كم كان سعر موديل 2010 أول السنة ودلوقتي ؟ وما الجديد بموديل 2011 عن 2010 ؟

نفس الاجابة حدد المواصفه ...... لا يوجد جديد ظهر حتى الان بين الموديلات غير تنويع الاوبشن

وهل الأفضل خليجي أم توكيل ؟ هل الخليجي له ضمان ؟
وما الفرق بينهم . وأيهما تفضل

من حيث العربية لا يوجد فرق غير فى الاوبشن فقط والافضل طبعا وكيل لو لقيت فيه احتباجتك من

موديل - الوان - العربية موجوده من غير انتظار
ملقتش يبقى خليجى لو مستعجل هتلاقى كل اللى انت عاوزه وارخص من الوكيل

الخليجى بتشتريله ضمان بيكون فى الاغلب تبع المعرض وده مهم جدا فى حالة اشتريت خليجى وبيكون ما بين 900ج الى 2500 جعلى حسب عدد السنين

انا شخصيا افضل الوكيل .

أعتذر عن كثرة الأسئلة ولكتني أتمني الأجابة لحيرتي.

واسف اذا تم الرد عليك متأخرا

**Ahmed Amin** · 24-06-2010 05:33 AM

الف شكر يا أبو ليلي. كلك زوق بصراحة
وأنا قريت موضوع حضرتك من كام يوم مبروك علي العربية وربنا يكفيك شرها وشر العين يارب وتكون حالتها أفضل من الأول.
أنا هاخد لفة تاني لأني أما سمعت أسعار كتير قلقت وبقيت حيران وهستني شوية أما الدنيا تهدي بعد ال 2011 ما تنزل وتاخد سوقها.

المشاركة الأصلية كتبت بواسطة abdallahyassin

بس انا لحد دلوقتى مقلق من الخليجى ومش عارف الصح من الغلط الصراحه محتار اوى

أنا زيك وكنت عايز أجيب الخليجي وكنت وما زلت قلقان
بس عايزك قبل ما تفكر تشتري الخليجي تقرأ موضوع أبو ليلي كويس
وتاخد بنصيحته زي مانا هاخد بيها إن شاء الله لو كان في نصيب وجبت سيراتو أنها تكون توكيل..
مع أني مش حابب أسلوب التوكيل في الرد علي العملاء وأسلوب البيع بسعر أعلي من السوق وأحتكارة للصيانه للعربيات اللي تباع من عنده فقط.
لأنه مفروض توكيل يعني ويشمل كل العربيات الكيا !!
المهم لنك الموضوع أقراه كويس
http://www.nilemotors.net/Nile/152992-a.html
وربنا يوفقك ومتنساش تدعي لأبو ليلي ربنا يكرمه و علي تعبه في كتابته الموضوع وتوصيل تجربته دي لينا.